شبكة قحطان - مجالس قحطان - منتديات قحطان - قصيدة (مرثية ابن شايق ) للشاعر جارالله بن مدهش

هذه قصيدة للشاعر : جارالله بن مدهش الزهيري يرثي فيها

الشاعر المرحوم بإذن الله : عبدالله بن شايق

يا الله يا ربـنـا ياللي عـــليك الـمشاكي *** انت ربي وانا همي عليك اشتكيته

نحمدك عد ما تنشي مــزون السماكي *** يا الله الحمد لك فيما خذيت وعطيته

هاضني للغنا شيء على الصدر حاكي *** ولـــع النـار فـي صـدري وانا ما قويته

قام يلذعني الهاجوس لــذع اشـتراكي *** واشهد انه كواني في الحشا ما كويته

عبـرتـي سابـقـتني والـدموع اشتباكي *** لا سقا الله كلامٍ فـي جـهـازي قريته

والله انـي مــن الـشدات مـانـي بـباكي *** لاكن إما ابن شايق والله اني بكيته

كيف ما ابكي وقصر الـعـز فـيـه انفكاكي *** طاح ركن من اركانه وسيسان بيته

الـخـبـر سـبـب إلـنـا زعـزعـه وارتـبــاكي *** لـيـن عــودت اردد قـول لـيته وليته

ليـت غـيـره غـدا فـي التـهلكه والهلاكي *** لــو تـوفـأ حــد غيره حشا ما رثيته

ابـن شـايق غـدا والـشـعر بـعـده ركاكي *** يعني اجسام شعرٍ غير الارواح ميته

هـيـه يا اهــل المشالح والعقل والمراكي *** منهو اللي بياصل في محله وصيته

يا الله إنــك تـعـيــضـــه جـنــتــك والاراكي***واسكنه جنة الفردوس يااللي خذيته

وسلامتكم

أخوكم / عادل بن مدهش الزهيري