شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس المحاوره (https://www.qahtaan.com/vb/forumdisplay.php?f=25)
-   -   عبدالله بن شــايق ×× فالح الغنامــي { ياتـراث العـرب حطـوك مـثـل البقـالـه } (https://www.qahtaan.com/vb/showthread.php?t=69537)

محمد بن مهدي العرجاني 31-07-2011 11:48 PM

عبدالله بن شــايق ×× فالح الغنامــي { ياتـراث العـرب حطـوك مـثـل البقـالـه }
 
عــبـــدالله بـــــن شـــايـــق

قالـو النـاس مـوال جـدد الشـعـر الأول

قلـت انتـم بعصـر الشعـر كلـن يـمـول

قالـو ياخـوي هــذا شـعـر ولا تـسـوّل

راعي الصنـف وينـه راعـي الـذوق وينـه

راحة دقايق يارشيد وزيـد واجلـس ياسعيـد

اباخذ سالفة فالح ايـلا اخرهـا مـن اولهـا

يابو فلان اقطع لحم واكسر عظم واضرب حديد

ثلاث بشوت ياذيبـان وانـت اللـي تفصلهـا

فــــالـــــح الــغــنــامـــي

قالو النـاس مـول وانـت جاهـز وحاضـر

غيـر مابينـي وبيـن المنـاظـر تنـاظـر

انـت ماعـاد ينقـص عينـك الا المنـاظـر

راعي الصنـف وينـه راعـي الـذوق وينـه

ساع ابتدا ليل الطرب ساع ابتدا ليـل القصيـد

وهـذيـه تقصـرهـا وهـذيـة تطـولـهـا

يابو فلان اشرب بحر واطلع جبل وانزل لبيـد

يقولون العـرب لابـد تنـزل فـي منازلهـا

عــبـــدالله بـــــن شـــايـــق

ابـك حنـا بنـو عاطـف سيـوفٍ صقيلـة

لا صملنـا نجيـب الحـاجـة المستحيـلـه

الولـد مـن بنـو عاطـف يشغـل قبيـلـه

راعي الصنـف وينـه راعـي الـذوق وينـه

ان طعت شوري يا حلال القوم حاول تستفيـد

ليا شفـت الاسـد حولـك شناباتـه يفتلهـا

العـام والله مانعرفـه غيـر لا رحنـا مديـد

لكن افلـح بهـا فالـح وحلـل يـا مـحللها

فــــالـــــح الــغــنــامـــي

والله ونـعـم فيـكـم ياعـيـال الحمـايـل

ميـر حنـا ليـا قمنـا نـسـوي الهـوايـل

والولـد مــن قبيلتـنـا يشـغـل قبـايـل

راعي الصنـف وينـه راعـي الـذوق وينـه

ان طعت شوري يابن شايق عن حدودك لا تزيد

هل الحيلات لا قمنـا تبـي تتـرك محايلهـا

العام طيرتو حمامه من على خضـر الجريـد

وباقن فـي ضميـري كلمتـن مانـي قايلهـا

عــبـــدالله بـــــن شـــايـــق

اعتبـرهـا تـحـدي واعتبـرهـا حقيـقـه

والله انـا ذبحنـا القـوم بسـهـل طريـقـة

موتـو بغبنـكـم لعلـكـم فــي حريـقـة

راعي الصنـف وينـه راعـي الـذوق وينـه

لا وخسـاره يـا رسايلنـا ثلاثـن فالبـريـد

غشيمن يعمي عيونه وهـو قصـده يكحلهـا

طارت حمامه في حدود مغيـب ياعبدالحميـد

لكـن ان طعتنـي هـون وعدلهـا وبدلـهـا

فــــالـــــح الــغــنــامـــي

كـان تبغـا الحقيقـه كـان تبغـا الصراحـه

منـت لاقـي مـع العتبـان فرحـه وراحـه

كـان موجـود لكـن مـا بقـا الا مـراحـه

راعي الصنـف وينـه راعـي الـذوق وينـه

اليا خسرت امن العديد ولا استفدت امن العديد

حكيمـن مايفكـر فاكثـر الخلـق ورسايلهـا

روح لحدود مغيب تلقى وسطها سيف الوليـد

هذا سيفن مسلط لو تطـول الـروس نزلهـا

عــبـــدالله بـــــن شـــايـــق

الغبـا فالمهبـل صــار طـبـع وجبـلـه

فالـقـزازه يحـذفـون الجـبـال المطـلـه

والقـزاز يتكسـر والجـبـل فــي محـلـه

راعي الصنـف وينـه راعـي الـذوق وينـه

انشد ملهي وانشد مناحي نهـار ابـو هميـد

عيال مضيم تضرب روسكـم باكبـر قنابلهـا

هذى علوم موثقه والله علـى قولـي شهيـد

لكـن بالله يـا فالـح عتيـبـه لا تفشلـهـا

فــــالـــــح الــغــنــامـــي

ادري انــك جـبـل ومثبـتـن بـالادلــه

ميـر حنـا نجومـن فـي سماهـا مطـلـه

مـن علـوا نقضـه مـن عـلـوه نهـلـه

راعي الصنـف وينـه راعـي الـذوق وينـه

انشد مواقفنا الصعيبـه يـوم حولنـا العقيـد

صحيـح ان المغفـل يبغـى النـاس يتغفلهـا

هيباتنا يالاجودي يرضخ لها البـاس الشديـد

وقحطان العريقـه يمكـن انـك مـا تجملهـا

عــبـــدالله بـــــن شـــايـــق

ياتـراث العـرب حطـوك مـثـل البقـالـه

هـذا عصـيـر تفـاحـه هــذا برتقـالـه

كـل شخصيـت منـا شـي يرخـي ريـالـه

راعي الصنـف وينـه راعـي الـذوق وينـه

سلم على الهّيور واخوك ابا العلا وابن فهيـد

وخمس ابطـال روقـه والله يعينـك تحملهـا

عاشق حرف 03-08-2011 07:34 AM

رد : عبدالله بن شــايق ×× فالح الغنامــي { ياتـراث العـرب حطـوك مـثـل البقـالـه }
 
صح لسانك

ماجد بن شارع العاصمي 10-08-2011 05:40 AM

رد : عبدالله بن شــايق ×× فالح الغنامــي { ياتـراث العـرب حطـوك مـثـل البقـالـه }
 
انشهد ان ابوشنب شاعر


لاهنت يامحلفي

محمد بن مسفر بن جليد 10-08-2011 07:55 PM

رد : عبدالله بن شــايق ×× فالح الغنامــي { ياتـراث العـرب حطـوك مـثـل البقـالـه }
 
صح لسانك

فتى الحباب 15-11-2012 04:22 PM

رد: عبدالله بن شــايق ×× فالح الغنامــي { ياتـراث العـرب حطـوك مـثـل البقـالـه }
 
لاهنت يالعرجاني


الساعة الآن 02:03 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com