يا هيبة المجد العريق الشامخ
 

قصيده مهداه للشيخ هادي بن ماجد بن قرمله وذلك رداً على معروفه اللذي قام به وايظا هي ترحيبيه به وله منا كل الشكر والتقدير...

[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
قال الحبابي جابر الشناني = الشاعر اللي يصخر القيفاني
قصيدة من خاطره يكتبها = ترحيبةٍ بالشيخ والضيفاني
يا مرحبا ترحيبةٍ من خاطر = فاحت بريح المسك والريحاني
اعداد من صلوا وحجوا مكه = واعداد ما هلت من الامزاني
بالشيخ ابو ماجد رفيع الهامه = سلايل اشيوخ العرب قحطاني
شيخٍ وبن شيخٍ كريم وافي = ذرب الفعال معرب الجداني
حرٍ على الصيده جسورٍ ضاري = زيزومها المعروف بالميداني
البيض لك تهدى على معروفك = والشكر والتقدير والعرفاني
حييت يا برق السحاب الماطر = يا راعي الفزعات في الامحاني
نسري على يمتك وانت الظاهر = يا نجم عزٍ بالفخر قد باني
يا هيبة المجد العريق الشامخ = اللي بحد السيف والفرساني
الله خلق والله فرق بعباده = وانتوا هل الطولات والشيخاني
قد قلتها واعيدها واكرر = يا مرحبا بالشيخ والضيفاني
عند الحباب اخوانكم لا ضاقت = أهل الوفا ومزبنين الجاني
وحوش قومٍ لا بغينا حاجه = ناتي بها غصبٍ على العدواني
حن فزعة المكسور من عدوانه = وحن فزعة الجار الجوير العاني
نفرح ليا منه لفانا طارش = ونقلطه للحيل والقعداني
شيباننا بالطيب قد وصونا = وحنا على درب الرجال اعواني
صلوا على صفوة عباد الخالق = رسولنا المبعوث بالقرآني[/poem]جابر عايض بن شنان الحبابي
ابوظبي

صح لسانك يا جابر وبيض الله وجهك على القصيدة

صح الله لســااااااانك

والشيخ هادي بن قرملة يستاهل .

صح والله لسانك يالحبابي

قصيدة جزله ونعم فيك وفي ابن قرمله

الحبابي

صح لسانك وقصيده جزله من جزل ويستاهل ان قرمله

ملحف الرفيدي صح ابدنك

ولله لا يهينك

مرحبا يا بوملاك

والله يعطيك العافيه

فارس الشواطي

صح ابدنك ولا عليك زود

مرحبا ومسهلا يا بوذيب

وصح ابدنك

والله لا يهينك