ابن لزرق يعيد ذكريات شالح بن هدلان
 

هذه إحدى روائع الشاعر / صالح بن علي بن لزرق القحطاني
يعيد فيها بعضا من ذكريات الفارس / شالح بن هدلان , وقد قال هذه القصيدة في أخوه مشبب بن علي
وهي تعبر عن معنى الأخوة في زمن المتغيرات والمغريات التي أبعدت الأخوان عن بعضهم ويقول فيها :

يالله أنا طالبك يارب الأربابي = تحفظ رجال تعلت في مراقبها
قم يانديبي وزف الشوق لأحبابي = اللي ليا اشتدت الشدة لجيت بها
ياناس وقت الرخاء ياكثر الأصحابي = ووقت الشدايد تخفى في زرايبها
يفدون أخويه هوى تلعات الأرقابي = هو شوق عذراء تنشر في ذوايبها
يفداكم اللي ردي ومنهجه هابي = جحادة الطيب لي بانت نوايبها
بعض العرب عندنا له وزن وحسابي = وبعض الأوادم خسارة لو تقاربها
لي صار ما يعتبرني ستر وحجابي = لا وخسارة زعيم القوم ينجبها
الحمدلله رقيت برأس مرقابي= في قمة تعجز الرديان تقربها
مزمومة ما يصلها كل هيابي = ولا على البعد بعيونه يويق بها
أخوي ياعزوتي ياأحب الأحبابي = من غيركم يا كريم الجود يكسبها
أخوي راعي الوفاء حلال الأنشابي = الطيب ممشاه والعليا يفوز بها
إن غبت قلبه معي وإن جيت حيابي = يوم القرايب تبرأ من قرايبها
درعي مشبب ليا ضدتني أجنابي = قمة جبل مايخاف اللي يلوذ بها
اليا اجتمعنا نصفي كل مشرابي = وان ابتعدنا طمع فينا ثعالبها
اليا تعزويت به فز وتعزوى بي = ونعيش ونموت فوق أعلى مراتبها
معادن طيبة من طيب الأنسابي = قدامنا شالح الهدلان فاز بها
هذي قصيدة وفا من صادق إعجابي = مشاعر من صميم القلب كاتبها
أرفقتها يا كريم الأصل بكتابي = مشاعر هاضها صدري وهضت بها [/[/[/font][/font][/font]poem]poem[/poem[/poem[/poem]]]][/po[/poem]em][/poem][/poem]

الله الله قصيده رائعه............... مشكوووور اخووي وحيد المملكه............والمنتدى منتداك........ وننتظر منك المزيد....... ولي طلب لو تكرمت ياليت تعطينا نبذه عن شاعر هذه القصيده..........

اخوووووووووووووك / بليهااااااااااااااااان

لاهنت


ياوحيد المملكة

وانشاء الله ان الله معك

سعد بن شفلوت

لا هنت لا هنت يا وحيد المملكة

سلمت يمناك ، قصيدة رائعة في رجال يستاهل .

واقتدائه بشالح بن هدلان في الأخوة يدل على صدق الأخوة التي بينهم

اكرر شكري يا وحيد المملكة

اخـــ السيف النادر ـــــوك
.