" قــصــيــدة نـــادرة للــمــلــك فــهــد بــن عــبــدالــعــزيــز "
 

بسم الله الرحمن الرحيم

السلام عليكم ورحمة الله وبركاته..

قصيدة نادرة لخادم الحرمين الشريفين الملك فهد بن عبدالعزيز رحمه الله..

عندما كان مريضاً في لندن في شهر شوال من عام 1385هـ ..

بعث بهذه القصيدة إلى المرحوم الأمير فهد بن سعد يشكو فيها قسوة المرض ..

فقال في قصيدته رحمه الله :


[poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا بو سعد صارت على أخوك غارات = شهرين أقاسي من شديد الغرابيل

سوالمرض يحمل على أخـوك حمـلات = مافي يدي حيله ولا في يدي حيل

والله فزع من فـوق سـبع السـمـاوات = وأنا أحمد الله يوم صارت تساهيل

مـــاينفع الـخـايـف والأيـام عــجـلات = الخوف ماينفع ولا القول والـقـيــل

حــنا هــل الـعــوجـا ولابــه مــراوات = شرب المصايب مثل شرب الفناجيل

لاشك أنا مشغول في كل الأوقـــات = على الذي حنـــــــــا بظله رجاجيل

ماني على نفسي كثير الحـسـافـات = لا سلم راسه روسنا رفاع با لحـيل

حـامــي حـمـانـا بالليالي المخيـفات = لو صار بالــــــعالم كثير الــزلايــل

فخر العروبه بـالـعـدل والــمـسـاواة = هذاك هو فـيـصـل ولا فيه تـشكيل

يـشـهد لـه اللي شاهـدوا مـنـه لـيات = ويشهد له التاريخ جيل بعد جـيـــل [/poem]

- منقول -

أخوك/ مشاري بن نملان الحبابي

رد : " قــصــيــدة نـــادرة للــمــلــك فــهــد بــن عــبــدالــعــزيــز "
 

الاخ الكريم مشاري بن نملان

اسأل الله الكريم أن يرحمهم رحمة واسعه فعلا القصيدة للملك فهد بذات البيت شرب المصائب مثل شرب

الفناجيل شكر بارك الله فيك يامشرفنا المتفوق والرائع لاعدمتك ......

رد : " قــصــيــدة نـــادرة للــمــلــك فــهــد بــن عــبــدالــعــزيــز "
 

الله يرحمه


ومشكور على القصيده

رد : " قــصــيــدة نـــادرة للــمــلــك فــهــد بــن عــبــدالــعــزيــز "
 

يعطيك العافية يابو علي على قصيدة الملك فهد والموجهه للأمير فهد بن سعد يرحمهماالله وهذا من رد فهد بن سعد :

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يامرحبا بكتاب زبن المخلات=اهلا هلا به عد وبل المخايل
فزع لك اللي عالم بالخفيات=مبري جروح ايوب غيث المراميل
لعل مايزعج على فقدك اصوات=ولعل لها لك يابو فيصل تماهيل
ترى لنا بك يافتى الجود هقوات=في وقتنا الحاضر وفي اللي مقابيل
وفيصل ذرانا في السنين المخيفات=هو درعنا الظافي إلى ضدنا الميل[/poem]
ترقبوا هذه القصائد وغيرها في عملنا القادم عن الملك فهد .

رد : " قــصــيــدة نـــادرة للــمــلــك فــهــد بــن عــبــدالــعــزيــز "
 

ارحبوا يا مشاري ويا بن شداد

ويعطيكم العافية على المساجلة الرائعة

ورحم الله الملك فهد ويبارك بالموجودين

رد : " قــصــيــدة نـــادرة للــمــلــك فــهــد بــن عــبــدالــعــزيــز "
 

الأخ " سفر بن مبارك "

شرفتني بمرورك الرائع ..

أشكرك جزيل الشكر ..

رد : " قــصــيــدة نـــادرة للــمــلــك فــهــد بــن عــبــدالــعــزيــز "
 

" أبو فارس الفهري "

هلا ومرحبا بك ..

لاهنت على المرور ..

رد : " قــصــيــدة نـــادرة للــمــلــك فــهــد بــن عــبــدالــعــزيــز "
 

الأستاذ والأديب " عل بن شداد آل ناصر "

أرحب يا أبو إبراهيم تراحيب الحيا ..

وبيض الله وجهك على الإضافة المميزة ..

شرفتني بمرورك الرائع ..

أشكرك جزيل الشكر ..

رد : " قــصــيــدة نـــادرة للــمــلــك فــهــد بــن عــبــدالــعــزيــز "
 

الأخ " شامانـ العاطفي "

أرحب يا الغالي ..

أسعدتني بمرورك الرائع والجميل ..

لاهنت .. والله يعطيك الصحة والعافية ..

رد : " قــصــيــدة نـــادرة للــمــلــك فــهــد بــن عــبــدالــعــزيــز "
 

بيض الله وجهك يابن نملان على هذا النقل الاكثر من رائع


تحياتي لك