الروس والغوارب تشابه
 

هذه القصيده رد على قصيده ارسلها لي الشاعر عبدالله بن علي بن دماث العبيدي آمل ان تحوز على شئ من إعجابكم وقصيدته ما تحضرني الآن لاكن بحاول انزلها انشاء الله في المنتدى قريباً :

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
حي البيـوت وحـي راسٍ بدعهـن= راسٍ حـوى طيب ووقار ومهابـه
راسٍ مثـل روس البشـر فـوق لمتن = لاشك منـزالـه بمـتن السحابـه
حاش المراجـل يـوم يمـه تداعـن= وتعـلـقن باسـوار بيتـه وبابـه
وارسـل لي المرسال . والفضل والمن= للـرب . ثم للي نصـاني جـوابـه
أبو عـلي يشـكي زمـانه .ويلعـن= جـد الظروف اللي تضيع حسابـه
دنيـاً تقلـب .تخلـف الراي والظن= الـروس فيها والغـوارب تشابـه
يشـكي من الفرقـا وانا مثلـه احن= البعـد حط اقصى الضماير خرابـه
إن كان يشكي لي. فنا اشكي على من= هذا الفـراق وذي مواري صوابـه
والصـبر عند الضـيق ملجا ومزبـن= وسلاح بيـد اللي تزايـد عذابـه
الصـبر والهمـه ولقـدام معـهـن = يجلـن طـريق المجـد للي مشابـه
اضرب بها بالطـول والعرض واضمن= عقب الكدر تشرب صوافي شرابـه
واللي بقـا يفـداك حيث إنك اثمـن= واغـلى .ومقـدارك رفيعٍ جنابـه
وتنشر لك البيضا ويضحك لك السن= وفـداك من طيبـه قليـلٍ هبابـه
يابو عـلي مـادام للشـعر والفـن= ناسٍ تقـول وناس تعـزف ربابـه
اكتـب واغني لك وابكتب لك وغن= حيـث المواجـع والمشاكي قرابـه
نخـتار مـن جـزل المعـاني ونفطن= للقـاف قبـل يبين خافي عيابــه
إبيـوت مبنـيـه .وهـاذي يبنـن = شيٍ على (ان) وشي منها على (ابه)[/poem]

رد : الروس والغوارب تشابه
 

ارررررررررحب يا ابوعايض


والله يصح لسااااااااااااااااانك

وفيت وكفيت


وفي انتظااااااااااااار جديدك


تحياتي

رد : الروس والغوارب تشابه
 

رد : الروس والغوارب تشابه
 

رد : الروس والغوارب تشابه
 

صح لسانك ياعبدالله



قصيده رائعه كروعة حضورك



أخوووووووووك

رد : الروس والغوارب تشابه
 

صح لسانك وعلا شانك

قصيده وافيه مافيها كلام

لاعدمناااااك

رد : الروس والغوارب تشابه
 

عبدالله بن غفره

صح بدنك

مرورك شرفني

رد : الروس والغوارب تشابه
 

سعد بن حبشان

صح بدنك

مرورك ومشاركتك مكسب لا عدمناك

رد : الروس والغوارب تشابه
 

صح لسانك والله يعطيك العاااافية

تحياتي

رد : الروس والغوارب تشابه
 

قصيده جزله وكفو من أرسلة له تستحق الثناء