|
مرثيه في الشيخ/عبدالله بن محمد الرويبخ رحمه الله شيخ قبيلة ال عينان ورئيس مركز صبحاء
هذه القصيدة مرثية في الشيخ / عبدالله بن محمد الرويبخ رحمه الله
شيخ قبيلة آل عينان من الخنافر ورئيس مركز صبحاء جتني رسالة طيرت عني النــــــوم هات القلم ذلحين مهوب بعديــــن هاذي ثلاث ليال و الرابع اليــــوم عيّا لذ يذ النوم لا يدخل العيــــــــن يالله يامطلوب يا حي قيــــــــــوم يا خالق الدنيا وياقاضي الديــــن جلا جلا لك ربنا دايم الــــــدوم وحنا عبادك في ضلالك مساكيـــن ياخالقن الناس معطي و محــــروم يا مدبر قلوب البشر بين ثنتيـن في اللوح رزق العبد والأجل محتوم يا من بذكره يخسفون الشياطيـن حان القدر والموت للعبد مقســوم وحنا بما ترضاه يا رب راضين مرحوم يالزيزوم يا سيد القــــوم شيخ نماريبه على العسر والليــن تاجن على روس المطاليق مرسـوم يعد أليا عدوا شيوخ القحاطيـــن يا ميرنا و ياشيخنا اليوم مرحــوم عساك في الفردوس بين الرياحيـــن لاغاب نجم بالسماء يطلع نجـــــوم ومدام أبوماجد لنا حــي حييــــــن نجم يقدي من سراء الليل منجــــوم وضلع يعنز من كبار الضلاعيـــن الحر حر وفي السماء يكسر الحـوم يخلف مطير أخيار برق الجناحيــن يكرم جنابه عن هل الشتم واللــــوم نبراس روس وله فعول وبراهــيـن من روس شيخان مداغيش وقـروم ميزان عدل وراجحن في الموازيـن لاجاء نهارن فيه هازم ومهــــــزوم حنا عضود الشيخ وسط المياديــــن هذا الرويبخ له تواريخ وعلـــــــوم يقودنا للموت بامر السلاطيـــــــــن سعيّد يامرعلى كل شغمــــــــــــوم وحنا تحت رايته سواة الشياهيـــــن والقاف شاب وبفخرالمسك مختـوم وعلى محمد كل يوم مصليــــــــــن الشاعر/ لبدان بن لبدان القحطاني |
صح لسانك يبن دراج
والله يرحم الشيخ عبدالله الرويبخ ولاهنت أخوك : الحميداني |
الاخ الحميداني مشكور لاهتمامك وبيض الله وجهك والحقيقة انت السباق لمبادرة نشر خبر وفاة الشيخ عبدالله الرويبخ رحمه الله في منتديات قحطان.
عشــــــــــــــــــــــت يا النشمـــــــــــــــــــــــــــــــــــــــــــــ ـــــــي |
الله يرحمه رحمة واااااااسعه ..
اقتباس:
وصح لسان الشاعر قصيده من القلب ومعبره جدا .. |
الاخ / العريدي جزاك الله خير وحفظك الله من كل مكروه
(( اللهم ارحم الشيخ / عبدالله الرويبخ رحمة واسعه)) |
صح لسااااااااااااااانك
وعلا شاااااااااااااااانك لاهنت يالوافي ورحم الله الشيخ الرويبخ واسكنه الجنة |
الاخ / فتى الجوة
رفـــع الله قدررررك وبيض الله وجــهــك ((جزاك الله خير )) |
مرثيه رائعه يابن دراج رحم الله راعي صبحاوتقبله واحسن مثواه وجعل الله البركه في اخوه من بعده ذلك الرجل الذي كسب السمعه الطيبه وفيه من الخير والكرم ومساعده المحتاجين والنخوه للبعيد قبل القريب مايجعلكم تقفون شامخين رؤؤسكم الى السماءهذا ماسمعناه عن ابي ماجد
|
مرثيه في قمة الروعه جزاك الله كل خير
ولا هنت |
الاخ / محمدي
ارحب,,, ثم ارحب ,,, ثم ارحب,,, جزاك الله خير وبيض الله وجهك يالذيب على مشاركتك,,, ((( لاعدمتك يالنشمي ))) |
الاخ/ ابن سابره
لاهنت يالغالي ,,, وبيض الله وجهك على المشاركة ,,, ((( جزاك الله خير ))) |
الله يرحمه ويسكنه فسيح جناته وأنا أشهد أن الرجال اللي عرفتهم وخاويتهم من آل عينان أنهم كفو
ولا تمل خوتهم الله يذكرهم بالخير |
الاخ / قريشي
,,, لاهنت يا النشمي على المشاركة وبيض الله وجهك ,,, ((( جزاك الله خير ))) |
ابن دراج القصيده قريتها اكثر من مره وهي رائعه000هل انت قائلها
|
الله يرحم الرويبخ
ومن مات وخلف وراه قروم يعتبر حي والله يطرح البركة في الحيين ويرحم الميتين ويجعلهم في عليين ومرثية رائعة مع الشكر للشاعر وبن دراج0 |
صح السانك
قصيده وافيه ورحم الله جميع مونى المسلمين |
اقتباس:
واشكرك يالنشمي على مرورك ومشاركتك ,,, |
اقتباس:
(( جزاك الله خير )) |
اقتباس:
(( جزاك الله خير )) |
أرحب أرحب أرحب أرحب أرحب
صح لسانك يا ابو فهد وجزاك الله خير على المرثيه التي ارثيت فيها شيخنا وابونا الشيخ عبدالله بن محمد بن مهدي الرويبخ والي هو جدي والله يكثر من امثالك وطرح فيكم البركه ويجعلكم في موازين حسناته ولكم جزيل الشكر والعرفان تحيات اخوكم خيال صبحاء "الرويبخ" |
اقتباس:
|
الله يرحمه و يغفر له ...
و صح لسان الشاعر لبدان بن لبدان ... قصيده جميله و ما توقعت ان لبدان شاعر جعل ابوه في الجنه ... يعطيك العافيه يابن دراج ... |
اقتباس:
الله لايهينك على المشاركة يالغالي وللمعلومية الشاعر لبدان بن لبدان من كبار الشعراء . لاعدمتك يالذيب ...... |
صح لسانك والله يرحمه
اخوكم/محمد الحميداني |
الاخ/ الحميداني القحطاني
الله لايهينك يالنشمي على المشاركة ,,, |
رد : مرثيه في الشيخ/عبدالله بن محمد الرويبخ رحمه الله شيخ قبيلة ال عينان ورئيس مركز صبحاء
أرحب ياابو محمد هيضتني بذي القصيدة الرائعة
الله يرحم الامير عبدالله الرويبخ ويحفظ ابو ماجد ويكفي وقفتة الاخيرة في الصلح بين ال معلا من الخنافر والسويدان بيض الله وجيهم جميع اخوك/ حسن بن عطاالله ال عينان القحطاني |
رد : مرثيه في الشيخ/عبدالله بن محمد الرويبخ رحمه الله شيخ قبيلة ال عينان ورئيس مركز صبحاء
السلام عليكم
الاخ/ ابن دراج 1000 شكر على النقل والحقيقه انها قصيده مؤثره ومعبره جدا واللي قالها كفو واللي قيلت فيه كفو الله يرحمه ويغمد روحه الجنه ويبارك في اخوانه وعياله وربعه من بعده |
| الساعة الآن 04:18 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com