فلاح القرقاح (عاجل عاجل عاجل ) يوم رمى شماغه
 

السلام عليكم ورحمة الله وبركاته

سمعت ان الشاعر الكبير فلاح القرقاح تحاور مع الشاعر تركي 2000

في قاعة الرومنسية في الرياض وانها قامت مشكلة بين فلاح وتركي حتى ان فلاح قام رمى غترته على الجمهور هذا ما سعمت وألي عنده خبر أكيد يعطينا العلم الله يعطيكم العافية

إذكر الله وش ذا الكلام


لاحول ولاقوة إلا بالله


فلاح عاقل وش دخل حذف الغترة في الموضوع


أرجو التأكد من الموضوع


وأنشاء الله ماهو بصدق

قبل امس اللى هو الثلاثاء كان فيه محاوره وكان فيها تركى وفلاح فى صالة الاندلس بالدمام وما بينهم ما يبين ان كان بينهم مشكله

وسلامتك

لاهنت يا ابو مشبب على الايضاح



والشاعر تركي 2000


وش هو منه

وليش سمي 2000 ليش مايكون 2006

هههههههههههههههههه

الله يرجك يافتى الجوة
والله ذبحتني من الضحك

اجل ليش مايسمونه 2006

هذا الله يسلمك (تركي المطيري)

من فخذ (الميزاني)

ومن كبار الشعراء وتميز بصوته فالموالات

وسمي تركي2000 لانه برز في عام 2000 وطلع طلعه قووووية

ولازال محافظ عليها

الشاعر تركي 2000

أسم والدة عطالله


وبعض الشعار

يسميه أبو ألفين


ويتجاهلون عطالله



الله لايهينكم

اخواني الكرام


العاطفي


وحدباء


كثر خيركم ولاهنتوا على الإجابة

لاخلا ولاعدم

حبة خشم لكل واحد منكم

اي نعم بس الاول اللي ياخذ حبة الخشم حسب قدم السن يالله طلعوا الاثباتات


وفقكم ربــــــــــــــــــــــــــــــــــــــــــــــــ ـــــــــــــــــــــــــــــــــــــي

[size=3]]

لاهانو عيال العود ولاهان فلاح وبيض الله وجيهم على حمتهم

مسيكم بالخير ياللحوات الغانمة

ومثل ما أسلفوا الأخوان أعلاه ان فلاح شاعر عاقل ولايسوي حركات مالها داعي أو بدون سبب

أنا كنت أحد الحاضرين لتلك الحفلة وهي يوم الأربعاء الماضي الموافق 9/1/1427هـ

في قاعة الرومانسية في الرياض على مخرج 9 وإليكم الخبر بالتفصيل :

كانت ملعبة يسودها الهدوء في بادي الأمر والجماهير ساكن ولم يطرئ عليه أي طاري

كان الطاروق بين الشاعرين ملفي المورقي وتركي الميزاني يتجاذبون أطراف المعنى

واذا بشاعرنا الكبير فلاح القرقاح يتهيأ للوقوف أمام المكرفون وإذ به يطلق من فمه الطاهر كلمة " خلوها "

خشع من كان حاضر لينصت لهذا الشيخ الوقور ، وبدع موال كانت وقفته " ولعوها نار والنار من شبابها "

وكان في بداية الموال يقول :

ياعتابة ساعدوا ضيفكم فالصف ساعة = .............................................. آعه
يوم تركي صفه ..... يشريه .... باعه = ولعوها نار والنار من شبابها

" حيث الحفل حفل عتبان "

تحمّس الجمهور وتحمس الجميع لهذا الموال والطاروق الجميل

فأتي تركي الميزاني ليقول :
..................................... آني = ...................................... الزماني
وين ربعك يوم علقت فالعتبان عاني = ولعوها نار والنار من شبابها


فلم يكمل جملته الأخيرة من الموال الا وإذا بعيال العود الحاضرين ناهضين بأكملهم

وكان عددهم ضخم جداً وهم يقومون في الصف ، وللأمانة كان موقف يشوش الحاضر ومن كان في رأسه حميا


جاء دور شاعرنا الكبير فلاح الذي لم تسعه ثيابه من الفرحة بوقفة بني عمه

فأتى بالموال " لايحضرني ماقال "

لكن عندما أنهاه أمسك بغترته وحذفها للسما وقال عندكم ياعيال العود

فتجمع عليه الجميع ليقبلوا رأسه " أبقاه الله " ومن بينهم المدعو تركي على هذا الموقف المشوش الرائع

ومن لم يشاش في تلك اللحظات فهذا شخص " مافي راسه حميا " سواء من قحطان أو باقي القبايل

هذا ما رأيته بأم عيني وماسمتعه بأذني


تحياتي للجميع ولك ياخولان بن عامر


اخوكم : سعود النفيعي " شاعب ذلوله "

ونعم بعيال العود والموقف صراحة حلوووو جدا"

ولو أني موجود كان دخلت التتسن عليهم في الصاله هههه

ولا خلى ولا عدم من ربعنا...


أما فتى الجوه بصراحه اللي ردوا عليه ليش أسمه تركي الفين كان غلطانين أما الأجابه الصحيحه

سمي يتركي ألفين لأنه كان متسلف مني ألفين وجانا عام ألفين وهو للحين ماوفى الدين وسميته

أنا بـــــ تركي2000 ؛؛؛

هههه شرايك فيني أن شاء الله تكون الصوره وصلت وعرفت ليش سموه بذا الأسم

مزووح تجي وترووح>>><<<
ولكم تحياتي...


محبكم دووووما"


*·~-.¸¸,.-~*العاصمي*·~-.¸¸,.-~*

بيض الله وجيهكم جميع وهدا ماهو بغريب على عيال الشايب

بيض الله وجهك ياشاعب دلوله على التوضيح
وسلامة الجميع

لاهنتو وبيض الله وجيه من حضر وفلاح عزيز على الجميع 000 وفلا ح الى فلاح مهما كان لايمكن يخطي والايرضى بالخطي والانزكي على الله احد


وتحياتي للجميع

السلام عليكم ورحمة الله وبركاته
الله يعطيكم العافية يآخ خولان بن عامر وشاعب ذلوله على هذا الايضاح وبيض الله وجه من حضر الحفلة من عيال العود ورفع راس ابن عمنا الشاعر فلاح القرقاح
وعند القبايل ....
وبلاخص
عتيبة
ومطير

تكفوووون نبي المحاوره

ياعيال الشايب


وبيض الله وجيهكم

أبشر بالسعد ياماجد القريشي


والله لايهين الأخوان الباقين

شكرا ياخولان بن عامر على التوضيح الجميل وأنا رأيت الحفلة مسجلة وأشهد لله أن بو محمد شاعر فحل ولكنني إلى الأن مستغرب أن قحطان ماصفوله يوم جا دورة ...............؟؟

[الاخوة الاعزاء
السلام عليكم ورحمة الله وبركاته :

شكرا لكم على هذا الايضاح عن الموضوع والشاعر فلاح اكبر من اي تصرف قد يسئ الى سمعته وسمعة قحطان كافة فهو يمثلنا جميعا في اي حفل او مناسبة 0


ولكم خالص شكري وتقدير

[اخوكم ابن البلد]

ياقوم !!!!

كلن فيه حقه والقبايل تاقف مع مقدمها
والشاعر فلاح وقفنا معه وهذي الفعول.

هذي هي المحاوره موجوده على هذا الرابط
http://www.qahtaan.com/vb/showthread.php?t=9405

تصرف الشاعر القرقاح غريب جدا

وليس هناك دواعي لحذف الشماغ

فالمحاوره اخذ ورد ومعاني وليست نعرات قبليه

الان شعر المحاوره اتجه الى مسار غير مساره الصحيح

ابو محمد شاعر علم ويحسب له حساب وشهادتي فيه مجروحه ولست انا من يقيم الشعراء

ولكن الحماسه في القصيد والرد المرضي وانا متاكد ان القرقاح سوف يعيد النظر فيما فعله

عندما يرى الشريط

انا اشهد لله انه شاش راسي وكش جلدي وانا اشهد انه ونعم واللي ماشوش انا اشهد لله انه مثل امه

الاخ سالم الزير بارك الله فيك

بل ان الشاعر فلاح القرقاح يعرف المواجيب واوقاتها


اشوف ان الشاعر فلاح قد بيض بوجهه وجه صفه عندما اكرموه بالفزعه اكرمهم بشماغه


وهذا رد جميل


فلاح القرقاح اصاب ولم يخطئ بل اعتقد انه لو رأى الشريط انه يتمنى انه قدم اكثر من هذا


بيض الله وجهه



تحياتي للجميع

مضنتى الكلام صحيح

الشاعر فلاح اكبر من الكلام هذا