من القائل
 

هذي قصيده اسمعها من زمان بس ما اعرف من قائلها :


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سته اشهر والمعيضي يـحارب جمعنا = والـبيوت مشـيدات تحـت قاعة خزام
عــقرت الــزلبات وذبحوا ربـعنا = فـي ماجـوبكم يالامـام ابـن الامـام
ان نـزرت الحـر منك تنزح واغـتنا = قـام يشهر في طيارة ويبعد في المحام
وان زهمت الحـر صوبك تنكس وانثنا = يعجبك في الصيد ويصيد صيدات جسام
لابتي قـحطان مـنا وهـم جنداُ لـنا = ودام سـاس القصـر حي فلا ياتي هيام[/poem]

ابيات جميله..

ونتمنى ممن يعرفها ان يكملها ويعطينا قصتها وشاعرها...

اي وربي بس الي عرفت انها وقعت بالحساء

لاهنت اخوي الكريم

رد : من القائل
 

القصيده لشاعر من ال شهوان بني هاجر قالها وارسلها وهم متعدين محدار حمده للامام عبد العزيز ال سعود يعاتبه بعد ما ثبتوا سته شهور معه لوحدهم وكانوا القوه الظاربه له على العجمان وال مره وكسروهم واستلم الحساء وراح لرياض وهملهم وقرب هل القصيم منه

رد : من القائل
 

مرحبا شكرا اخوي بدر على التوضيح

رد : من القائل
 

ابيات حلوة جدا ياليت اذا حد بيعرف تكملتها نعم وقعت بالاحسا

رد : من القائل
 

هذه القصيدة لواحد من الركابين المخضبه ويقاله رجاء النجدي وقالها عندما حصلت مشاده كلامية بين سعود بن عبدالعزيز وبعض افراد من بني هاجر على حدود شرورة على ما اعتقد وساتي بها فيما بعد ان شاء الله

رد : من القائل
 

والله كفوو بالهواجر من اول وتالي ربع قطاعه حماية والله انهم يرفعون راس قحطان فوق فوق فوق فوق سعد منهم ربعه وقت الشدايد

رد : من القائل
 

ما عليك زود يا سعدي وجنوبي ولا هنت وبني هاجر ما هم الا عود من حزمه من قبائل قحطان المنعيه وبلاشك فعل اي قبيلة من قبائل قحطان ينومس ويرفع الراس

وهذه القصة التي جرت ومعها القصيدة وليست كامله حسب الرواه
جرت احداث هذه القصه بعد توحيد المملكه وكان سعود بن عبدالعزيز وليا للعهد للملك عبد العزيز

ذهب سعود بن عبدالعزيز فى جوله لتفقد الحدود وكان يوجد ناس من بنى هاجر من ربع ابن عايد متواجدين فى احد المراكز الحدوديه للحراسه...فسالهم سعود عن احوالهم فقالوا ياطويل العمر ينقصنا الماء والزاد وحنا فى مقطعه.........فغضب سعود من كلام بنى هاجر وقال لهم انكم مامنكم نفعه فردوا عليه وحدث بينهم شجار ادى الى حبس بنى هاجر المرابطين على تلك الحدود.!!!!

وصل العلم الى الامير شافى بن سالم...فأعتزى ( راعى الهدلا وانا اخو منيره) يحبس بنى هاجر وفعلنا معاهم جديد فى الحسا والله ما نجلس عندهم يومن واحدن فأمرالقبيله بالشديد الى قطر شجبا واستنكارا لما لقوه ربع بن عايد بنى عمه..فذهب احد الاشخاص من بنى هاجر فأبلغ الامير عبدالله بن جلوى بغضب الامير شافي مما حصل من سعود بن عبدالعزيز فأرسل جاهيه بن جلوى ابنه سعود وامير ال عاصم فيصل بن حشر جاهيه يطلبون شافى عن العدول عن مانوى فقال ابن جلوى بلغوا شافى انه والله لايروح ياذلولى انها على اثره (بقصد انه سيذهب معهم) وذلك لحبه لبنى هاجر وقال المحابيس بيفكون واعتذر عن ماحصل....غضب الامير شافى على الشخص الذى ابلغ بن جلوى وعاتبه بقوله وش قومك ماخليت الرياجيل يعرفون قدرنا...رحم الله الامير شافى رحمة واسعه وجعل مثواه الجنه

فى اثناء الاحداث تفاعلوا بنى هاجر وانشد رجاء النجدى بهذه المناسبه يقول

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الصبى الهاجرى هيضه زين الغنا = ويتخير زين الالحان من حسن الكلام
بادى باسم الله الواحد الله ربنا = واحدن ماهى بتغضى عيونه فالمنام[/poem]
الى ان قال....
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
غير حن نشكى الجفا من سعود(ن) شيخنا = حسنا هرجه وملحقنا ملام
لاتحاكا قال ذالهاجرى مانفعنا = ناسى(ن) اللى مضى من فعايلنا القدام
ماخبر يوم المحيرس وجرب وقعنا = يوم مديوف المحبب غدى مثل الظلام
سبعة اشهر والمعيضى يطارد جمعنا = والبيوت مبنياتن تحت قاعة خزام.(قصر فى الحسا)
وقد جزانا اليوم قدهو يربط ربعنا = لالنا عنده جلالن ولا حن بالحشام
ماحصل ياشيخ منك لنا كون العنا = والعطايا للعتيبى وتثنيها ليام
قاصرن ماجوبنا ماعطانا حقنا= حقنا اعطا الاصايل وسواد الجهام
من جحد راعى جميلن خطيرن بالفنا = كاسبن ذمن ويكتب على نفسه الاثام
ونستعين الله على من تمنى حربنا= وكل منهو شق فى الدين مايبغى الكمام
ومن رمانا بالعدواه فحقه عندنا = ننطحه بأمات خمسن وصبيانن تمام
ولابتى كنهم حرارن تشوم من الطنا = لاجفتنا الدار منها نوينا بالمشام
لا نزرت الحر منك تنزر واغتنا = ومنك يشهر فى طياره ويبعد فالمحام
فأن جذبت الحر صوبك تنكس وانثنا = ويعجبك بالصيد ويصيد صيداتن اجسام
ولابتى قحطان منا وهم جندن لنا = ودام سور البيت عدلن فلا ياتى هدام
بلغ المرسول ياطارشن من عندنا = والجواب الصدق للشيخ رده والسلام[/poem]

منقول من منتدى بني هاجر


والقصيدة فعلا ناقصه ان وجدت البيوت الناقصه فلن اتردد في اعادة كتابتها

تحياتي لكم

رد : من القائل
 

لاهنت يالحبابي


المخضوبي كفيت ووفيت يالغالي