|
أبشرك الرجال حامل
أبشرك الرجال حامل!!!!
.... الرجال معك؟ جبت الرجال؟ الرجال حفظ المعاملة. الرجال الأول = مسدس. الرجال الثاني= ألف ريال. الرجال الثالث= أمير المنطقة. وهناك الكثير من الأمثلة. لا أدري إلى متى سنستمر في التورية الغير منطقية. قصة: استمر رجل سنوات طويلة في متابعة علاج زوجته من أنسداد في أحد قنوات الحمل ، وفي يوم من الأيام سأله صديقه في مجلس عام قائلاً: بشر إيش صار على الرجال؟ فكان الجواب الصاعقة: أبشرك الرجال حامل. والأخ قالط ذكرني بسالفة المصري عندما سمع السعودي يقول: اذبح الرجال ولا شلوه إلا على نقاله ، مايدري المسكين ان الخروف هو الرجال. دمتم ودام الرجال |
رد : أبشرك الرجال حامل
اي والله انك صدقت ياخوي حسين
واللي يقهرك بعد هذول الاثنين لاجوك يقولون وش صار على الرجال وانت جالس بينهم ما تدري وش السالفه تحس انهم يسولفون فيك |
رد : أبشرك الرجال حامل
ههههههههه
الرجال من تراث المنطقة الوسطى .... جت فترة في المنطقة الشرقية يسمونها بقعة الزيت .... والله مسكينة |
رد : أبشرك الرجال حامل
صدقت أخي حسين في عاداتنا أشياء غريبة وعجيبة منها ما جاء في موضوعك الجميل هذا
فعلاً فيه بعض ناس يعفسون المواضيع عفس بدون مبرر. لاهنت يالطيب. |
رد : أبشرك الرجال حامل
ههههههههههههههههههههههههههه؟؟؟
الرجال باقي يسيّر؟؟؟ هههه الله يستر عليك... |
رد : أبشرك الرجال حامل
صحيح كلامنا كله ألغاز
ولكن في الأخير مكشوف |
رد : أبشرك الرجال حامل
اقتباس:
ابن دغيم فعلا ... هذا اللي حاصل. اشكرك |
رد : أبشرك الرجال حامل
مرحبتين يا ابو حمدان
فكرة الموضوع جميلة ولكن في رأئي إنه يجب أن لا ننسى إن هذه الطريقة في الكلام موجودة في أكثر من مكان لكن بأشكال مختلفة. وشكراً. |
رد : أبشرك الرجال حامل
الله يسعدك يابو ياسر
سالفه الباكستاني اشتغل عشرين سنه في السعوديه وسافر لأهله قال تعرف السعوديه زين وفاهمها وقال ايوة الا الرجال مره يطلع سياره ومره خروف ومره فلوس ومره حرمه توريه غير طبيعيه رايق يابو ياسر يسعدك ربي يالغالي |
رد : أبشرك الرجال حامل
اقتباس:
يعني في الشرقيه اقدر اقول: بقعة الزيت معك!!!؟؟ أو : وين بقة الزيت؟ أو : ابشرك بقة الزيت حامل!! |
رد : أبشرك الرجال حامل
اقتباس:
مع ان فيه اشياء مافيه داعي التكتم عليها. اشكرك يابو صلوح |
رد : أبشرك الرجال حامل
اقتباس:
ومن يقول سرني مرورك وسؤالك عن الرجال |
رد : أبشرك الرجال حامل
اقتباس:
بقعة الزيت ... اشارة الى تسرب بترول الكويت الذي وصل شواطي الجبيل خلال حرب الخليج |
رد : أبشرك الرجال حامل
أحيان لا يتم تورية الموضوع لأنه ذا طابع سري
ولاكن يتم توريته خوفاً من الحسد في ثقافة البعض أو لأنه يحمل شيئاً من الخصوصية و لا يرغب في مشاركته مع الجميع أو لأسباب كثيرة |
رد : أبشرك الرجال حامل
يا حب أهل الجنوب لـ التورية
أبو ياسر : فيه كلمة مشهورة تستخدم لعدة أغراض وهي (القعود) ؟ |
رد: رد : أبشرك الرجال حامل
اقتباس:
لأنها كلمات اصبحت معروفة عند الجميع اشكرك |
رد: رد : أبشرك الرجال حامل
اقتباس:
موجوده في كل مكان وانا لم احدد منطقة معينة الكلام عام |
رد: أبشرك الرجال حامل
.
ونعم يابو ياسر الله يسعد أيامك ويطيب فالك ياغالي . فيه سالفة ما أعرف قصتها بالظبط وهي مشهورة إذا تعرفها .؟.؟. اللي يقول ... رحت له وما عينته وجبته ... مدري عينته وخليته .. إذا تعرفها أوردها . وهي قصة واحد أرسل واحد على واحد ... الرجال يقول لك إن الرجال اللي أرسلته عليه عند الرجال اللي ندور عليه . الكلمات كثيرة في مثل هذا ..... فلان .. واحد ... بعضهم ... وكلها بأسباب الخوف من أخوها جا ..... الله يجمل حالك ياخوي حسين وتسلم لاهنت . لك كل الود . تقبل تقديري وحكاي والسلام . |
رد: أبشرك الرجال حامل
الله يسعدك يابو ياسر
ويبيض وجهك ديمن علومك طيبه |
| الساعة الآن 09:40 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com