|
تحية والجزايل وسط طياتها
سلام مادام في الميدان حط وشيل ,,,وتحية ٍ والجزايل وسط طياتها ان قلت هيلٍ وبن وقلت بنٍ وهيل,,, لاهل الوفا والكرم والطيب عاداتها عناد العبيدي |
رد : تحية والجزايل وسط طياتها
يامرحبا جاك هرش واحتمل ياشعيل ... تحيتك طيبه والطيب مافاتها
ان قلت برق ورعد ون قلت مزن وسيل ... حياك ربي وعديناك شراهتها العبيدي |
رد : تحية والجزايل وسط طياتها
ابك البقا يالعبيدي عد ما اقبل هميل,,, من مزنة سابحه وتهل خيراتها في تالي الوقت رحنا بين قايل وقيل,,, والارض كثرت عقاربها وحياتها عناد العبيدي |
رد : تحية والجزايل وسط طياتها
ان بان في الوقت يارجال وجه العميل ... كم واحد ماشكا من جور صكاتها
ماضاع ياصاحبي من كان فكره دليل ... اللي يجازي العرب من جنس سياتها العبيدي |
رد : تحية والجزايل وسط طياتها
خلوووووووووووووووها
الوقت ياصاحبي مابين عدلٍ وميل,,,وايامنا عجلةٍ في شن غاراتها احتار فكري وانا ياخوك عابر سبيل,,,والساق بالساق والطرقه ونياتها عناااد العبيدي |
رد : تحية والجزايل وسط طياتها
الوقت طبعه كذا والناس فيها العليل ... واحلامنا ميته والعيب في ذاتها
الخوه اللي وراها جرح قلب وعويل ... وش لك بها دام ماتعرف نهاياتها العبيدي |
رد : تحية والجزايل وسط طياتها
صحت ألسنكم
وسجلوني متابع لهذه الدرر... واصلوا ....... |
رد : تحية والجزايل وسط طياتها
اقتباس:
لاعدمناك |
رد : تحية والجزايل وسط طياتها
الله الله أستلم ياصاحبي لاتخلط الشاي بالزنجبيل,,, اتضيع لذّة مذاقه في مراراتها ياعزتي للكريم اللي ترجّى بخيل,,,واحتار بشموخ نفسه واحتياجاتها عنااااد العبيدي |
رد : تحية والجزايل وسط طياتها
ابرز مواهبك نزرع لجل نجني الحصيل ... والناس ماهي تعود دون هقواتها
ماني بحاتم ولا انت براعي المستحيل ... القوم تبني على وقفات ساداتها العبيدي |
رد : تحية والجزايل وسط طياتها
الجدي معروف في وجه السماء كل ليل ,,,وهّاج نوره يدلّ الخلق وجهاتها لاني بعنتر ولا انته بالزناتي المهيل ,,, والقوم تعرف بجولتها وصولاتها عناااد العبيدي صح لساااانك يالعبيدي:1107953448: مافيك حيله هههههههه |
رد : تحية والجزايل وسط طياتها
ياصغر حجم الجدي لاصار جنبه سهيل ... ياعناد عاند وانا باجيك باثباتها
وانا ادري انك وفي وتطول روس النخيل ...يامكبر القوم في عيني وغاياتها العبيدي |
رد : تحية والجزايل وسط طياتها
أستلم ماعوّد الذيل رأس وعوّد الر أس ذيل ,,,الاّ عشان القيامه جات علاماتها وأنا ادري الذيب يرقى كل ضلعن طويل,,,له سطوةٍ وافيه توفي مهماتها عنااااد العبيدي |
رد : تحية والجزايل وسط طياتها
ياقلبي اللي ذبحه البرد واخطى الدليل ... صبرك على الوقت لو هزتك هزاتها
ياعناد حلمي قديم ولا لحلمي بديل ... احب ركب الفرس واحب سجاتها تحيااااااتيلك العبيدي |
رد : تحية والجزايل وسط طياتها
شعرااااااااااااااااااااء متمكنين بمعنى الكلمه
لا تحرمونا إطلالاتكم الرائعه عنااااااااااد العبيدي..... مستقبلك أراهن عليه ذيب العبيدي............ أستاذي وعلم من أعلام عبيده شكراااااا على هذه المحاوره دمتم يا عبيده |
رد : تحية والجزايل وسط طياتها
اقتباس:
لاعدمناك يابن شبله ماعلاك زود |
رد : تحية والجزايل وسط طياتها
حدن لقينا كفيله وانت دوّر كفيل,,, من قبل الاحوال ماتقفل سجلاتها والقلب لاتعذله دام ان عقالك يميل,,, وسج القدم وانتبه من بعض كبواتها عنااد العبيــــــدي أخوي الشاعر ذيب العبيدي صح لسااانك والنعم فيك يابن عمي ومافيك حيله أستمتعت بالمحاوره معك يالقرم ولنا لقاءات أخرى |
رد : تحية والجزايل وسط طياتها
اقول شاعر ولك فكر ولا لك مثيل ... يازين بعض القلوب وطيب خاماتها
اكفلني الله يبارك فيك مانت بقليل ... مانعرف الناس قبل اتبين غاياتها عنااد العبيدي تشرفت بكل صدق وامانه بالعب معك هذا المحراف الجميل الذي توجته باخلاقك وسطرته بمشاعرك الرائعه فشكرا لك ولنا لقاء تحياااااتيلك العبيدي |
| الساعة الآن 10:04 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com