عادات وتقاليد تعلمها حتى لا تحرج ..
 

رد : عادات وتقاليد تعلمها حتى لا تحرج ..
 

شكرا لك يافلاح وبيض الله وجهك

بالنسبة للشمري مايقهويك لين تقدع من التمر وتدف القدوع وراه تلاقي الفنجال جايك صاروخ

وأذا ماتقدع من التمر ... تبطي ماصب لك الفنجال الا أذا كان واحد من خوياك ويعرف العادات والتقاليد لكل قبيلة

والنعم بشمر وكل القبايل عز وفخر لنا جميعا

رد : عادات وتقاليد تعلمها حتى لا تحرج ..
 

ارررررررررحب يابو فهد تراحيب الحيا ..

وجعلني والله ماعدمك على هذه الاظافه الطيبه ..

رد : عادات وتقاليد تعلمها حتى لا تحرج ..
 

أرحب يا بو ناصر ..

بيّض الله وجهك على الموضوع ..

فالسلوم تختلف من قبيلة إلى قبيلة ..

فأحسنت الطرح حتى لا يقع أحد في إحراج ..

لاهنت والله يعطيك العافية ..

رد : عادات وتقاليد تعلمها حتى لا تحرج ..
 

البقا والله البقا يابو علي ..

ووجهك ابيض نفدآك ..

وعزالله انك صادق ان السلووم تختلف والله ان حنا بعض لحيان انجيب العيد في الناس اللي مانعرفهم وحن ماندري

ولاكن هم مقدرين وحن جاهلين سلمهم ..

ولاكن ان شاء الله ان ذا الموضوع بنجني ثمره جميع ..

القايل مايهون يا القرم ومرورك شرف ..

اخوك /فلاح

رد : عادات وتقاليد تعلمها حتى لا تحرج ..
 

رد : عادات وتقاليد تعلمها حتى لا تحرج ..
 

ارحب يا ابو ناصر

ولاهنت على الموضوع


وايضاَ بني خالد من سلومهم مايصبلك فنجال الا لين تقدع من قدوعه :(

ونعم ببني خالد وبكل القبايل:)

اخوك/عبدالله السحيمي

رد : عادات وتقاليد تعلمها حتى لا تحرج ..
 

ارحب يا الكنادي تراحيب المطر ..

القايل مايهون نفداك ..

ولا عليك زووود ومرورك شرف ..

رد : عادات وتقاليد تعلمها حتى لا تحرج ..
 

سلـــــــــــــــــــــمه

ولاهنت على الأضافه الطيبه والله ومليووون نعم في بني خالد ..

مرورك يزود في الروح ..:)

رد : عادات وتقاليد تعلمها حتى لا تحرج ..
 

هذا بعد عند قبيلة عتيبه ..

وهو تقليط الذبيحه بدون ( رقبه )

فيرجى استقبآل الامر واحترام عادات وسلوم القبائل ..

في انتظار تفاعلكم مع موضوعكم ..:)

رد : عادات وتقاليد تعلمها حتى لا تحرج ..
 

لاهنت يالامير


وفيت وكفيت

عز الله انك وااااااااااااااااااافي

تقبل شطفتي في موضوعك

رد : عادات وتقاليد تعلمها حتى لا تحرج ..
 

تسجيل حضور ولي عوده بإذن الله.
موضوع شيق وفاتح للشهيه

رد : عادات وتقاليد تعلمها حتى لا تحرج ..
 

ولانت يا القرم ..

مرورك شرف يا كحيلآن

اخوك/فلاح ..

رد : عادات وتقاليد تعلمها حتى لا تحرج ..
 

مرحبا والله ومسهلا ..

وفي انتظار عودتك بأذن الله ..

صادق ودي واحترامي ..

رد : عادات وتقاليد تعلمها حتى لا تحرج ..
 

كلامك ذهب

رد : عادات وتقاليد تعلمها حتى لا تحرج ..
 

ارررررررحب ياعوض تراحيب المطر ..

ولاعليك زوود نفدآك ..

مرورك شرفني يا الذيب ..

رد : عادات وتقاليد تعلمها حتى لا تحرج ..
 

لاهنت يافلاح ولاالاخوان اللي مروا

بالنسبه للعادات اسمها عادات ولايمكن التنازل عنها الا عندما تكون قبيحه في نظر الجميع وليس البعض

والتقاليد مشتقه من التقليد اي انك اعجبت بشيء من بعض اعمال الغير وطبقتها واستحسنتها

بالنسبه للقهوه عند اهل الشرق وشمر كما تفضلتم بان القدوع يكون الاول فلابها مايعيبها او يقبحها

سواء طبقتها ام لم تطبقها فلايمكن ان تجبرني على العمل بها فانا اشرب القهوه واقدع التمر معها

وهي موجوده حتى عند ربعنا بني هاجر ولااختلاف عليها

اما بالنسبه عند العتبان كما تقول العزيمه للمضيف وليست للضيف فهذه منقصه في حق الضيف بحيث انه الضيف والتقدير له

وليس للمضيف او الحاضرين وانا كضيف فانا المتصرف في ضيفتي والسنع سنعي انا وحدي ان وافقت او لم اوافق

وهذه موجوده بشكل عام عند قحطان وعتيبه وغيرهم وهي من باب الأستذان من المضيف وليس كما تفضلت بأن العزيمه للمضيف

واما بالنسبه للرقبه فهي لاتقدم البته عند جميع القبائل

اما بالنسبه للتقطيع فهذا تقدير للضيف حيث انك تنتقي له اجزل اللحم كما تنتقي له اجزل عبارات الترحيب انت قطع له

ان كلاها فخير وان تركها فلا تجبره على اكلها وتوقف عن التقطيع

هذا مالدي ولاهنت يافلاح

رد : عادات وتقاليد تعلمها حتى لا تحرج ..
 

اررررررررررحب يابن طفله ..

والقايل مايهون يا كحيلآن ..

لاهنت نفدآك على الاظافه الطيبه ..

اما بنسبه كما قلت لفنجال القهوه فعندنا لا تصب القهوه الا بعد الفراغ من القدووع سواءا كان المتقهوي ضيف او صاحب دار ..

الا في حآلة ان الضيف او المتقهوي بشكل عام يدفر القدووع فله الخيره في ذلك واكرام النفس هواها ..

..........

اما باالنسبه في استأذان المضيف في عزيمة الضيف فلاهي سوا عتيبه تخص بالعزيمه للمضيًف في ضيفه ..

اما بالنسبه لبعض قبايل قحطان فتستأذن المضيف والمضيف يحدهم على الضيف حتى ياخذون من راسه ..

وهي طبعا ماهيب عندنا لا في نجد ولا في الشرقيه ..

ولاكن عند ربعنا اللي في بيشه وفي الحرجه ..

..

واما با النسبه للرقبه مافهمت هل هي ماتقدم عندكم مع الكرامه ..؟

حن الكرامه تقلط كااااااااامله ولم الاحظ انها قلطت بدون رقبه عند ربعنا الجحادر وعبيده و وبني هاجر اللي في الشرقيه والكويت ..

.....

وتقطيع اللحم ادري انه عندنا صفطان وتقدير ..

ولاكن عند قبيلة شمر يتشاينونه ..

ابن طفله مرورك بحد ذاته شرف لي يا كحيلآن ..

رد : عادات وتقاليد تعلمها حتى لا تحرج ..
 

رد : عادات وتقاليد تعلمها حتى لا تحرج ..
 

انا مع اخوي بحر
قبيله بني هاجر و بني خالد او شمر عندهم اذا جيت اتقهوى ياكل الضيف من القدوع اول ثو يساق له الفنجال واعتقد ان هالامر عند سائر قبائل نجد والشرقيه وهذا الامر صحيح بنظري لان الي يقدع يحلي وبعد الحلا لازم المر وهي القهوى يعني علميا صح :) والله اعلم


نرغب المزيد من معرفه عادات وسلوم اقحطان بالذات في كرم واجب الضيف وغيرها

وودي ان يسمى الموضوع ( بروتيكول قحطان ) :)

رد : عادات وتقاليد تعلمها حتى لا تحرج ..
 

غلطت ياراكان في سلومنا الضيف نعزمه من الراس للراس

رد : عادات وتقاليد تعلمها حتى لا تحرج ..
 

ارررررررررحب يارايد تراحيب المطر ..

والله يحييك في محلك يا القرم ..

وانا ماغلطت طآل عمرك الا اذا ربعك اغلطوا فحاق ربعك في غلطهم ..

لنا في العتبان رفقه ولو اني ماشفت ذا الطريقه كان يلزمني الحق يارايد ..

مرورك شرف جعلني ماعدمك ..

رد : عادات وتقاليد تعلمها حتى لا تحرج ..
 

اررررررررررررحب يا القرم ..

وبيض الله وجهك على هذه الاظافه جعلني ماعدمك ..

وفي انتظار المزيد والمزيد منك ..:) << طماع ..:)

رد : عادات وتقاليد تعلمها حتى لا تحرج ..
 

اررررررررررررحب يا متعب تراحيب الحيا ..

وانا والله بعد معك ..:)

ومرورك شرف لي نفدآك ..

اخوك / فلاح

رد : عادات وتقاليد تعلمها حتى لا تحرج ..
 

لكل قبيله سلم وعاده معينه

من الصعب ان الشخص يعرف عادات جميع القبايل الا نادرا

يعني الاحراج فيك فيك هههه

لاهنت يافلاح نفداك

تقبل مروري

رد : عادات وتقاليد تعلمها حتى لا تحرج ..
 

رد : عادات وتقاليد تعلمها حتى لا تحرج ..
 

اررررررررررررحب ياالقرم تراحيب المطر ..

القايل مايهون نفدآك ومرورك شرف ..

خآلص ودي..

رد : عادات وتقاليد تعلمها حتى لا تحرج ..
 

البقى والله البقى يابو فارس ..

مرورك نفدآك اكبر شرف ..

خآلص / ودي

رد : عادات وتقاليد تعلمها حتى لا تحرج ..
 

ارحب ارحب يافلاح

ماشالله على مواضيعك كوكتيل

طبعا شي مفيد

وانت مواضيعك مفيده

كلها

تقبل مرور

اخوك

رد : عادات وتقاليد تعلمها حتى لا تحرج ..
 

من عادات قحطان والتي إندثر بعضها ولازال بعضها عند أناس دون أناس

أولاً:
المدقال عند قحطان
يبدأ الضيف بالسلام ثم يقف
ومن يبدأ بالتحية هو المضيف. (بقي ملتزماً بهذه العادة عبيدة وشريف وبني بشر خاصة وبعض قبائل الحباب وآل شواط)
وتختلف بين الأشخاص وخصوصا العراف.

ثانياً:
صدر المجلس دائماً للضيف والمركى يكون دائماً على شمال يد الضيف
ويقول الأولين (المركى على اليمين مثل المرة العاصي، والمركى على الشمال مثل المرة الطايع).

ثالثاً:
الفنجال الأول يصب للضيف ولا يبدأ قبله حتى لو كان في المجلس أكبر منه وهذا من دلالة إكرام الضيف.

رابعاً:
العلم يقولون الأولين (ملح الطارش علمه)
إذا جاء الضيف ودخل البيت فلا يعطي علمه إلا بعد الفنجال الأول
وإذا أخذ الثاني والثالث وما عطى علمه يقول له المضيف (علمك زان علمك، ويقال كذلك ملح الطارش علمه). علماً أن الطارش لها تخصيص في بعض الأوقات.

خامساً:
إذا قلط الناس على الزاد فما حد يمد يده على الزاد حتى يقلط المضيف
فيبدأ الضيف مهما كان سنه (واليوم يبدأ الكبير)
وإذا إنتهى أحد من المدعوية قبل الضيف فما يقوم حتى يقوم الضيف.
وهذي اليوم شبه مندثرة عند البعض وللأسف إن لم أقل الكثير.

سادساً:
الكلام كان إذا تكلم رجال يسكت الجميع وينصت لكلامه وعيب إن أحد يكلم أحد ولو بالخفية أو يقطع هرجه. بينما نجدها عند أهل الشمال خاصة كل مجموعة في حوار لحالهم.
وبعض الناس اليوم تلاقيه يكلم اللي جنبه او على جواله والله المستعان.

سابعاً:
العزمية إذا إستكرم الضيف يقوم المدعوية بالإستئذان من المضيف في عزيمة ضيفه، وأما اليوم فللأسف أني أشاهد البعض يبدأ في العزيمة قبل الكرامة ويوجه الدعوة للضيف دون الإستئذان من المضيف. وهذا خطأ كبير.

ثامناً:
الطيب سواء كان عود او دهن أو ماء يبدأ للضيف
ويقال: (ما بعد العود قعود). فهذه إشارة وتلميح للفطين الذكي.


تاسعاً:
كان من عادات الأولين إذا كرم الضيف وخرج يخرج معه المضيف إلي ركوبه وبقيت هذه بعض الشيء.

هذا بعض ماوفقني الله به وقد حصرت الأمر في الضيفه خاصة لأن الموضوع أخذ مجرى واحد.

رد : عادات وتقاليد تعلمها حتى لا تحرج ..
 

بيض الله وجهك ياركان على هذا الموضوع الطيب .. وفي الحقيقة اعجبني رد الأستاذ فارس آل غراب ..

ومن بعض الأعراف .. اذا قد العرب على صحن العشاء فعيب ان احد يسبق في اللحم قبل الضيف .. وكذلك لا يجمع ضيفين على كرامة وحدة ( يعني مثلاً لو عزمت واحد وذبحت له وتفاجئت انه لفى معه واحد ثاني فاذا جيت تقلطهم على العشاء تقول الله يحييكم على واجب فلان اللي هو الأول والثاني اللي معه تنصاه بالحكى وتقول وانت يافلان واجبك يلحق غدا مثلاً أو اللي يناسب الضيف لكن يكون اقرب شي له ..
واللي انا اشوفه وعايشته مع كبار السن اذا صار فيه عزيمة عند احد وبغوا يعزمون ضيفه يبدأون بعد العشاء مباشرة طبعاً يتحدث الأقرب أو الأكبر في الجماعة ومثال عليها كالتالي :

أكرمتنا يبو فلان الله يكرمك الجنة ويجود عليك وضيفك له حق علينا مثل عين الشمس وحن عزامين له ( عشاء ) واجب له وسلامتك ..
طبعاً المضيف يقول : الله يغذاكم ويغنيكم وابد من روسكم ليا راسه ..

ثم يجيب الضيف اما بالقبول أو بالاعتذار .. ولها صور كثيرة ..

أما ابناء عموتنا في نجد فإنهم يعزمون الضيف أول ما يقلطون على العشاء بنفس طريقة الحكى ..

ايضاً من العادات يعاب على أي كان التعظم
( اللي يتعرش العظام في العزايم ) ..
وغيرها الكثير الكثير ..










وفقكم الله ومن يقرا لما يحب ويرضى





أخوكم :
أبومسفر القحطــــــــــــــــــــاني

رد : عادات وتقاليد تعلمها حتى لا تحرج ..
 

البقى والله البقى يابو محمد ..

واررررررررررحب تراحيب المطر ..

مرورك بحد ذاته شرف لي وللموضوع يا كحيلان ..

وتعليقك وسام جعلني ماعدمك ..

مرورك فوق الراس ..

رد : عادات وتقاليد تعلمها حتى لا تحرج ..
 

ارررررررررررحب يافارس ال غراب تراحيب المطر ..

بيض الله وجهك يا كحيلان على الأظافه ..

مرورك واظافتك شرف لي وللموضوع يا فارس ال غراب ..

خآلص / ودي

رد : عادات وتقاليد تعلمها حتى لا تحرج ..
 

ارررررررررحب يابو مسفر تراحيب المطر ..


وجعلني والله ماعدمك على هذه الاظافه الطيبه ..

التي زادتني والموضوع شرف ..

خآلص / ودي

رد : عادات وتقاليد تعلمها حتى لا تحرج ..
 

الاخ فلاح اهنيك على مواضيعك الاكثر من رائعه لك جزيل الشكر

تحياتي ’’’’

رد : عادات وتقاليد تعلمها حتى لا تحرج ..
 

شكرا لك يافلاح وبيض الله وجهك

رد : عادات وتقاليد تعلمها حتى لا تحرج ..
 

بيض الله وجيهكم

رد : عادات وتقاليد تعلمها حتى لا تحرج ..
 

رد : عادات وتقاليد تعلمها حتى لا تحرج ..
 

بيض الله وجهك