|
النوايا السود ( في) محاربة الابداع
[poem=font="Arabic Transparent,6,black,bold,normal" bkcolor="transparent" bkimage="" border="solid,thick,darkred" type=4 line=0 align=center use=ex num="0,black"]
اغنميني ياهجوسي والمواقيف اغنميها=المواقف صيد رجّال(ن) يشد به الحزامي داعبيها باللحون و بالقوافي والهميها=والمعاني سهريها الليل كله لاتنامي ياهجوسي ياهجوسي كلمةٍ لي وافهميها= وان وردت العد ضامي عنه ماصدرت ضامي ياهجوسي رجعتك للخلف خطوه قدميها= قدميها مثلي هجوسه تقدم للامامي والمواقف لحضرنا نحتميها نحتميها= نحتميها باللسان وبالزناد وبالحسامي والوجيه البيض تكرم ياهجوسي واكرميها= مال راعي العز غير العز والعلم التمامي والنوايا السود لرفرف علمها هاجميها= هاجميها في الحروف وهاجميها في السلامي رايةٍ تنوي تحطم راية العز احُطميها=الذليل يذل والوافي يعز ولايضامي والوجيه السود لو ماهي تلثم لثميها= لبسيها الشال الاسود والسواد لها لثامي ان بقى فيهامن الحشمه قليل(ن) فاحشميها=وان هي ازرت لا تحشم ورديها بلاسامي الدعاوي من يمينك في يمينك واحسميها= والقطامي مايحلق في سماه الا القطامي اجهلي جّهالها ولا العوارف علّميها= الافامي ماتسكت بالكلام من الافامي استلمتيها نظامي ياهجوسي سلميها=سلميها ياهجوسي للعوارف بالنظامي واعذريني لا قضيتي الشان منها وارحميها= ارحميها من الاهانه واعذريني في الاسامي[/poem] |
رد : النوايا السود ( في) محاربة الابداع
اقتباس:
الموهوبين ومجدهم مخلد وشهادتي فيهم مجروحه سلمت ودمت بكل خير |
رد : النوايا السود ( في) محاربة الابداع
صح لسانك وبيض الله وجهك على الجزاله والمعنى , تحياتي
|
رد : النوايا السود ( في) محاربة الابداع
أرحب يا بو محمد ..
صح الله لسانك واعتلى شانك .. قصيدة جزلة ووافية من رفيقٍ وافي .. لاهنت يا ذيبان وفي انتظار جديدك .. |
رد : النوايا السود ( في) محاربة الابداع
بيض الله وجهك قصيدة رائعه
تقبل مروري وتقبل |
رد : النوايا السود ( في) محاربة الابداع
عبدالله العلياني
صح بدنك ولا عليك زود ................. شرفني مرورك العطر ............... عدتك الطيب وربعك تقبل تحياتي ................... |
رد : النوايا السود ( في) محاربة الابداع
الأخ ابو معتز .....
الاخ مشاري بن نملان ...... الاخ صالح جواح .......... اشكر لكم مروركم تمنيت أنني رديت على كل واحد لاحاله من يوم انه شرف موضوعي برده ومشاركته لكن مررت بظروف اجبرتني على التأخر . واشكر لكم تفاعلكم ... |
رد : النوايا السود ( في) محاربة الابداع
صح لالسانك وعتلا شانك يا علي بن نملان جزل المعني
|
رد : النوايا السود ( في) محاربة الابداع
صح لسانك على الجزاله
تقديري |
رد : النوايا السود ( في) محاربة الابداع
اقتباس:
وشهادتي فيك مجروحة محبك اخوك الصغير |
رد : النوايا السود ( في) محاربة الابداع
اقتباس:
صح لسانك يابو محمد دايم تمتعنا باجمل قصايدك وشهادتي فيك مجروحة محبك اخوك الصغير |
رد : النوايا السود ( في) محاربة الابداع
اخي العزيز
على ابن نملان نص جميل ومتقن لا يكتبه الا متمكن وانت كذلك همسه ------- اليا الاخيره زايده تحياتي لك ذيب العبيدي |
رد : النوايا السود ( في) محاربة الابداع
والوجيه البيـض تكـرم ياهجوسـي واكرميهـا *** مال راعـي العـز غيـر العـز والعلـم التمامـي
والنوايـا الـسـود لـرفـرف علمـهـا هاجميـهـا *** هاجميها في الحروف وهاجميها في السلامي رايــةٍ تـنـوي تحـطـم رايــة الـعـز احُطميـهـا *** الـذلـيـل يـــذل والـوافــي يـعــز ولايـضـامــي والوجـيـه الـسـود لــو مـاهـي تلـثـم لثمـيـهـا *** لبسيهـا الشـال الاسـود والسـواد لهـا لثـامـي صح الله لسانك يا بن نملان واعتلى شانك قصيدة جزله ومليانه و وافيه وانا انتظر جديد مثايلك تقبل مروري العطر |
| الساعة الآن 09:42 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com