والا كما بن حميد والا بن هادي
 

السلام عليكم ورحمة الله وبركاته

أقدم لكم اليوم قصيدة للشاعر


سياف بن محسن بن منيجل الفهري
من عبيدة قحطان


ويتكلم فيها عن الناس الذين ينسبون الطيب لأنفسهم وهو عاجزين عنه

ويقول في القصيده :
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

الله من عين لذيذ الكرى غاب = غاب الكرى ولا هنت بالرقادي
وتخفي سهرها لا يعرفون الأصحاب = مدري سببها خوف والا عنادي
والقلب باراها وما جابته جاب = وأنا أحسب أن القلب عنها حيادي
وقلت السبب وقالوا الوقت الأسباب = يا ما غلب عكف الشوارب وكادي
ياما هضم من طيب يفتح الباب = وياما رفع قليل عرف ربادي
خطوا الضعيف اللي من الطيب مرتاب = ماله على الطولات صبر وجلادي
بالهرج سيف الهند قطاع الأرقاب = إذا سمعته قلت سيف الهنادي
ولا يلقى لا علق الناب يالناب = راحت علومه بين بيض وسوادي
أمثل نفسه ببوزيد وذياب = والاكما بن حميد والابن هادي
وقت الرخاء ما يعطي الحق طلاب = والا على الشدات ماله زنادي
والناس تعرف كل صادق وكذاب = واللي زرع زرعاً يبي له حصادي
لا صار ماله بالقسا دور وحساب = وش عاد لو ماله كثير العدادي
لونه أقرب جد وإلا من أجناب = أبعد عنه ترى الدواء لإبتعادي
اسع عن اللي في الصعيبات ماثاب = تلقى العوض عنه شبيه المهادي
واستثني الطيب ولاسب من طاب = واللي يسب الطيبين أضتهادي
ونفسي عزيزه تكره الذل وتهاب = والعز عندي زاد من غير زادي
ولا صار مالي حق ماني بنشاب = مالي على عوج الطلائب شدادي
ولي مع أهل العرف منزل ومنداب = واقبل وأخشى منهم الانتقادي
وتمت بذكر منزل النور بكتاب = وبعث نبي الحق للناس هادي[/poem]

عليكم السلام ورحمة الله وبركاته

قصيدة جيدة تحمل معاني قيمة

تسلم يافارس قحطان على النقل ولاهنت

قصيدة طيبة
مشكور على نقلها
والظاهر انها كانت مساجلة بين الشاعر وبين آخرين
رحم الله الشاعر

ونقل روعه

سلمت يالغالي وصح لسان الشاعر

قصيدة كايفة

وصح لسان بن منيجل ولاهنت

على الايراد لهذه القصيدة0

وعليكم السلام ورحمت الله وبركاته ،،،

صح لسان الشاعر و بيض الله وجهك يا فارس قحطان على اتحافنا بهذه القصيدة الرائعة للشاعر سياف بن محسن بن منيجل الفهري

العبيدي القحطاني ، التي تحمل معاني وعبر كثيرة يستفاد منها .

لاهنت يافارس ياقحطان

ونعم بابن هادي وابن حميد شيوخ سطروا التاريخ ببطولاتهم وامجادهم

صح لسانك يا فارس قحطان

قصيدة أكثر من رائعة

صح لسان الشاعر
وما قصرت على النقل فارس قحطان

السلام عليكم ورحمة الله وبركاته


جمع القحاطين

شكرا لك على تشريف موضوعي



.

السلام عليكم ورحمة الله وبركاته :
اخي العزيز فارس قحطان انت اسم على مسمى الله يعطيك العافيه
الشاعر ابن منيجل من اي بدود قبيلة الفهر وين ديرته وهل هو فارس .

وعليكم السلام ورحمة الله وبركاته

شكرا لك اخي المنار على اطرائك

بالنسبة للشاعر سياف بن محسن بن منيجل

فهو من آل حمدان من آل سالم من الفهر

من مواليد الصبيخة سنة 1368 هـ

وكان يعمل في وزراة الداخلية قطاع الامن العام

في المنطقة الشرقية

ولا علم سنة وفاته بالتحديد

وهذا موضوع يتكلم عن والده محسن بن منيجل

http://www.qahtaan.com/vb/showthread.php?t=4971



وشكرا لك


.

السلام عليكم ورحمة الله وبركاته :
اشكرك جزيل الشكر اخي العزيز فارس قحطان على المعلومات .

سلــــمت يا ذيبـــان على القصيده الطيبه

ولا تعــبت يا ذيبان

وأشكرك






تقبل تحـياتي








أخوووك















كحـ ـ ـ ـ ـيـ ـ ـ ـ ـ لان

أرحب ياكحيلان

وشكرا لك على المرور

قصيدة رائعة و تحكي شئ من ما نراة اليوم
شكرا لك يا فارس و صح لسان الشاعر

تقبل تحيات
بلجيك قحطان .

مشكور اخي العزيز فارس قحطان على هذه المشاركة الجميلة والرايعه للشاعر بن منيجل الفهري

وبيض الله وجهك