قحطان ساس العرب .. ذربين الأطباعـي
 

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماكل داعي نوجّـب لـه .. ونأتـي لـه =بعض الدعاوي .. بعيني مالهـا داعـي !

الاّ ... ليا جـات مـن مكـرم هشاشيلـه=نا أتيه .. لوّ كان نحفي روس الأكواعـي

سلام لهل الظفر .. ياقـف علـى حيلـه=ويومي بكفّه .. علـى ذربيـن الأسناعـي

اللـيّ لهـم مجـد فـي نجـد ومداهيلـه=وروسٍ على الروس روس وذكرهم شاعي

قومٍ تفـكّ الجمـوع .. وتنطـح الزيلـه=بمصقـلاتٍ لصمـخ الـروس بتّـاعـي

كم راس شيخٍ فنى .. وأفنـت محاصيلـه=وحامو على أبله .. وشاعو كلّ مشواعـي

قـومٍ تعـزّ القصيـر .. وتكعـم العيلـه=وتكرم خطاطيرهـا .. وتقـدّر الساعـي

لاقيل منهم ... وقـف جيـلٍ ورى جيلّـه=قحطان ساس العرب .. ذربين الأطباعـي

يشهد لهم نجد .. وأحجـازه .. وأسافيلـه=وشرق الجزيره .. وفعلٍ شاع وأنذاعـي

بشلفٍ تفجّ الظلـوع .. وترجـح الكيلـه=وترفع من العود .. والمسلوب.. والراعي

وسوٍ على الليّ من أشعافه .. شعف خيله=يرجع وكبده مـن الشرهيـن .. تنلاعـي

طيب الجحادر شهر .. والطيـب يأويلـه=وصيت العبيدي .. قنيفٍ لـه تشعشاعـي

ومن روس منهل عبيده ؟ جنـب يركيلـه=قومٍ علـى الضـدّ .. قاسيـنٍ وقطّاعـي

هواجـرٍ حظنّـا الطيّـب .. زمـا سيلـه=وعلى الرفاعه .. بيوت العـزّ شرّاعـي

ظفريـن .. لاقـدّم العـايـل مراسيـلـه=ونهوش للضد هـوش انمـور واسباعـي

نقلـط بجنـدٍ .. يـروع القلـب تهليلـه=ونغيـر .. ليـن العـدوّ يعـود ملتاعـي

بسيوفنـا نحتمـي .. ســودٍ مباهيـلـه=ترعـى عناقيـد نبـتٍ .. تـوّ مافاعـي

حبيـت ابيّـن بعـض مـابـان تأويـلـه=ولا أجحد الطيبيـن .. بكـل الأقطاعـي

وأختامهـا .. ماهمـل وبـل بهماليـلـه=سلام لأهـل الظفـر ذربيـن الاطباعـي [/poem]
فالح بن قشعم الهاجري

اللـيّ لهـم مجـد فـي نجـد ومداهيلـه=وروسٍ على الروس روس وذكرهم شاعي


صح السان فالح بن قشعم

ولاهنت يا الصالاني وكثر لنا من القصيد الي يطرب

صح لسان فالح بن قشعم
ولاهنت يالصالاني

صح لسانك وبيض الله وجهك

قصيده ممتازه

واحسن مافيها انها على اسمي

الله عليك يالطيب ..

قصيــــــــــــدة رائـــــعة

مشكور يا ذيبان

بيض الله وجهك يالصالاني
وصح لسانك ولسان الشاااعر

السلام عليكم ورحمة الله وبركاته
 

صح الله لسانك يالصالاني

يعطيك العافية

الصالاني لاهنت
على النقل الرائع
والشاعر بن قشعم معروف ومشهود بالله بالجزاله
صح لسانه وسلمت يمينك



محمد

صح لسانك ولا هنت يا خوي

انا اشهد انها قصيده جزله

وانا حطيتها من ضمن القصايد اللي احبها

مع العلم اني دوسري ماني قحطاني ..

لك مني اطيب تحيه ..

رد : قحطان ساس العرب .. ذربين الأطباعـي
 

بيض الله وجهك

رد : قحطان ساس العرب .. ذربين الأطباعـي
 

الله لايهينكم على الردود الطيبه


وانا اسف جدا على الرد المـتأخر

رد : قحطان ساس العرب .. ذربين الأطباعـي
 

لاقيل منهم ... وقـف جيـلٍ ورى جيلّـه....................قحطان ساس العرب .. ذربين الأطباعي


لاهنت يالهاجري

لااااااااااااااهنت
على النقل الطيب