|
جزل الخيارا ..!
هذه المشاركه الشعريه الاولى في هذا الصرح الكبير بعد غيبه ! أرجو أن تنال على رضاكم وإستحسانكم
هذا السهـر وجـه العيـون الحزينـه والحزن باب(ن) طارقينه سهـارا وانا سهرت الليل جـرح وغبينـه مما جرالي مـن همومـن كبـارا والقلب مـن همـه تزايـد حنينـه على طلوع الشمس عـز النهـارا أول سنين العمـر كنـت أستهينـه واليوم أنا فكـري دروبـه حيـارا أضحك على حالي وأقبـل جبينـه وفي الظهر عشر طعون جتني تبارا كني على هامـش حـدود المدينـه وأنا بها مختـار جـزل الخيـارا أشره على حالي مـن أول سنينـه مخدوع في شخص(ن)حباله قصارا أشوف ضحكه ماطرالـي ضغينـه فعل الجمايل في عيونـه صغـارا مايقتـدي بالقـرم معتـق سجينـه الشايب اللي شيـب راسـه وقـارا بصفي حسابـي معـه ثـم أهينـه مـادام للوقـت وسنينـه مــدارا ماهمني شرحـه وجيمـه وسينـه بذوقه كـاس(ن) شربتـه مـرارا |
رد : جزل الخيارا ..!
السلام عليكم ورحمة الله
صح السانكـــ ويشرفني ان ابدي اعجاب بهذا النص مرة ثانيه |
رد : جزل الخيارا ..!
صح لسانك وعلا شانك
تقبل تحياتى |
رد : جزل الخيارا ..!
أرحب يابن مسرد تراحيب المطر
وقصيدة جزله من رجال(ن) جزل والله يجعلك يبن مسرد تنسى وتنام أخوي أبن مسرد تقبل تحياتي,,, |
رد : جزل الخيارا ..!
صح بدنك يبوهذال ,,
مرورك شرفني . |
رد : جزل الخيارا ..!
صح بدنك يالوهابي ,,
تحياتي. |
رد : جزل الخيارا ..!
البقى يبوجربوع ,,
وصح بدنك ,, وبالنسبه لدعوتك ترانا إن نسينا ضيعنا المواجيب ,, وإن رقدنا ضيعنا الرعيه ! تحياتي . |
رد : جزل الخيارا ..!
ولد مسرد صح لسانك
وبيض الله وجهك والبيت الأول عندك خطأ مطبعي فيه لانه يبدو مكسور وآسف على المدخله يالسنافي |
رد : جزل الخيارا ..!
صح بدنك يابن غفره ,,
تم التعديل وشكرا على الملاحظه . |
رد : جزل الخيارا ..!
صح الله لسانك
قصيده جزله من جزل تقبل تحياتي وفائق اعجابي بنصك اخوك |
رد : جزل الخيارا ..!
صح السانك
***قصيده جزله من جزل وبيض الله وجك ياولد مسرد*** مع تمنياتي لكم بالتوفيق 0 خوكم/غشام عايض ابن عزره المهداني |
رد : جزل الخيارا ..!
صح الله لسانك
قصيده جزله من جزل ولا تخليها يتيمه تحياتي000000اخوك |
رد : جزل الخيارا ..!
صح بدنك ياخالد ,,
الطيب مايجي منه إلا الطيب , |
رد : جزل الخيارا ..!
غشام ال مهدي صح بدنك ,, ووجهك أبيض يالسنافي
خادم والديه العبدي صح بدنك ,, والوعد في مقبلات الليالي ! |
رد : جزل الخيارا ..!
صح لسانك يالذيب
|
رد : جزل الخيارا ..!
صح بدنك يبو مهدي ,, ولاهنت على المرور
|
| الساعة الآن 12:38 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com