فواتير تثبت اسعار سيارات تويوتا قبل دخولها الى المملكة
 

(2009-02-11)(11:00)

طول الله اعماركم

قاعد الف بين هالمواقع ولقيت صور من البيانات الجمركيه لليحيى موزع مدري وكيل تويوتا

وبصراحه غبنه وقهر يعني الاسعار تبدل 110%

اول شئ هذي فاتورة للسيارات



شوفوا الاسعار بس والله القهر

وهذي فاتوره ثانيه



شوفوا الاف جي بمليون نص ين يعني تقريبا ب60 الف ريال وانا لي يومين اروح للبازعي يقولي ب123000 كاش

طبعا الين مرتفع هالايام بس شوفوا هم بكم شارينه ايامها بـ 53248 ريال


وهذا فسح دخولها للملكه عشان تدبل على ظهورنا





طبعا كل هالاسعار شامله الشحن
حسبي الله عليكم ياوكلاء على هالغبن

على كذا بكم الكامري والكورولا والهايلوكس ؟

ووش رايكم ياوزارة التجاره وياحماية المستهلك

رد : فواتير تثبت اسعار سيارات تويوتا قبل دخولها الى المملكة
 

ياخوان لم تطلع صور الفواتير من يعرف لها يضعها

رد : فواتير تثبت اسعار سيارات تويوتا قبل دخولها الى المملكة
 

والله ما حد
حولك

رد : فواتير تثبت اسعار سيارات تويوتا قبل دخولها الى المملكة
 

تحميل الملفات من فوق
أستعراض / الصوره / تحميل
عند التحميل أضغط زر نسخ المربع الأول
والصقها هنا

رد : فواتير تثبت اسعار سيارات تويوتا قبل دخولها الى المملكة
 

ارحب يالبشري

معقوله الاف جي بـ60 الف

وعندنا حول 120 الف دبل القيمه وزياده

والله ابو جميل الي مطير المواتر فوووق

رد : فواتير تثبت اسعار سيارات تويوتا قبل دخولها الى المملكة
 

في امريكا ال fj بـ 75 الف ريال سعودي

وال فل كامل بـ 92 الف ريال سعودي

رد : فواتير تثبت اسعار سيارات تويوتا قبل دخولها الى المملكة
 

حسبنا الله ونعم الوكيل



ماعندنا حماية مستهلك


عندنا قتل المستهلك باالاسعار الغاليه


وهذا اكبر جرم ولدليل ان هاتف


حمايه المستهلك


في وزارة التجاره


ما احد يرد عليه



وهذا الجرم بعينه



ولكن اللي نقوله حسبنا الله ونعم الوكيل



على التجار اللي مايرعون إلا انفسهم

رد : فواتير تثبت اسعار سيارات تويوتا قبل دخولها الى المملكة
 

بسم الله الرحمن الرحيم
السلام عليكم ورحمة الله وبركاته


الله يعدلــــــــــــــــــــــــــــــــــــــــــــــ ــــــــــها

ولك تحيتي

رد : فواتير تثبت اسعار سيارات تويوتا قبل دخولها الى المملكة
 

تحياتي لك يابو يزن


في نهاية شهر اربعه ميلادي بتوضح الصورة النهاية للاسواق العالمية ويبان المخشوش هههههه

رد : فواتير تثبت اسعار سيارات تويوتا قبل دخولها الى المملكة
 

هذه مشكلتنا يالسعوديين ( كيدنا بيننا )
لكن ايش نسوي مامعنا إلا نتبع القاعدة ( خلوها تصدي)
مشكور يابو يزن
وترى الولد الي في الصوره ماخلى من جده الله يرحمه نقشه...هههههه
الله يعقل عليك

رد : فواتير تثبت اسعار سيارات تويوتا قبل دخولها الى المملكة
 

ارحب يا بو يزن

الله يسامحك ظلمت المساكين يا دوب ايحصل في السياره الف ريال

لا احد يبخل عليهم فهم مسلمين وكان الله في عون المسلم مادام غي عون اخيه

حسبنا الله يا الربع والله انه شي يفقع الزور

تحياتي0000000اخوك

رد : فواتير تثبت اسعار سيارات تويوتا قبل دخولها الى المملكة
 

بصراحة ابو جميل المصري وغيره من الحضارم شاطرين في ابتزازنا وتحويل اموالنا الى بلدانهم الاصلية والله ما تهمه الجنسية وطبعا اخوهم وعميلهم وزميلهم وجليسهم وانيسهم و000000 و0000000 و 0000000 وزير التجارة ما يقدر يقول لهم شي لانه شريك في الذنب 0

بعدين ما تذكرون تجار الارز قبل فترة عندما اجتمعوا في وزارة التجارة في الرياض واملوا شروطهم غصب عن ابو الوزير وامه مع العلم بان مولا ي خادم الحرمين حفظه الله قد امر بدعمهم وعدم الجمركة وتسهيل كل امر يخدم المواطن لا وازيدكم من الشعر بيت بان الهند قد خفضت في طن الارز 100 دولار يعني مفروض اغلى كيس رز الي وزنه 45ك مفروض يكون 120 ريال فقط وليتكم واكيد كلكم نزليتو السوق قريب والله الاسعار لا زالت نار ((( لا وبعدين البترول اصبح اقل من 37 دولار للبرميل ))) يا تجار خافوا ربكم

رد : فواتير تثبت اسعار سيارات تويوتا قبل دخولها الى المملكة
 

اقول الله يبيض وجيهكم ويرحم والدية ووالديكم ويغفر لي ولكم
تدرون والا لا الشق اكبر من الرقعه خلو سياراتهم لهم والله ان يتونكم يطلبونكم تشترون كل واحد يقعد ويركد على سيارته الاوله لا تنفخون عليها
وقولوا حسبنا الله ونعم الوكيل وعليكم بلاستغفار والصدقة ييسر لكم الله دروبكم
الله الله يابعدي
اما محمد بن قوت اقول بيض الله وجهك ورحم الله والديه ووالديك هذا الشيخ يزن اسال الله له والابناء المسلمين الهدايه والصلاح ا

رد : فواتير تثبت اسعار سيارات تويوتا قبل دخولها الى المملكة
 

حال أعادت تنزيل الصور مرة ثانية

وبعدين حنا لاحول ولاقوة لنا إلا بــ ( خلوها تصدي )

وذلك غصب عنا ما عندنا فلوس

نزيد ثرائهم الفاحش

تقبل تحياتي

----------------------------------------------------
مع التحية والتقدير لمشرف المجلس الاقتصادي

للاختصاص .