الرحله رقم Sv 1696
 

السلام عليكم ورحمه الله

أولا : كل عام وانتم بخير ( صح متاخره بس مشوها )

ثانيا : ابشركم اني رجعت وبكون معكم ( يعني أبتدا التعقيد والحش )

وبصراحه انا اللي فرحان برجوعي ومن كثر ماني فرحان برجوعي

ودي اقوم احب راسي مليون مره لأني مشتاق لي

( لا تركزون يا جماعه ...واحد فاضي )


ثالثا : العلم سلامتكم .....بس وين القهوة والتمر

والله كنت في الجنوب عند الوالد وكانوا عيالي هناك والمهم رحت اعيد هناك ومعاهم ....طيب خير وش عندك


والمهم حجزت على طيران ناس ولأول مره في حياتي اركب ناس

وطبعا مالقيت حجز الا بواسطه واحد من الأتحاد قصدي من الشباب شغال في ناس وراتبه 6548 ريال

( حلوة راتبه )



المهم رحت المطار طبعا متاخر زي العاده ووصلت قبل إقلاع الرحله بربع ساعه بس

ودخلت الا والعالم طوابير

ويوم شفتها قلت ايه عز الله سافرنا

والله واطمر على كاونتر الحجز والناس يقولون لو سمحت يالشيخ امسك سرى

قلت اذا عندك سرى عندي خمسين وانا اللي افرش ( من زمان عن البلوت )

وصلت للكاونتر قال ارجع وامسك سرى وما اعتقد تحلق الرحله

قلت له ياخوي لايكون موت وخراب ديار

قال شلون قلت ياخوي جاي من الساعه 8 وصار علينا حادث واذا مو مصدق

اتصل على اي احد واسأله عن الحادث اللي في مدخل المطار

وترى خويي اللي وصلني طلع في الأسعاف بس اني لازم اسافر

جدتي في العنايه المركزة في مستشفى عسير ( الله يرحم جدتي ميته من تسع سنين )

المهم قلت لاتكون انت والزمان علي

قال طيب والمهم طلع كفوء ومشاني وسافرنا بالسلامه ولله الحمد


الحين تقولون : هذا مريض ولا وش فيه

المهم الرجعه كانت يوم الأربعاء ( قبل أمس ) على نفس رقم الرحله اللي في العنوان على الخطوط السعوديه

وكان عيالي معاي وكان الأقلاع الساعه 7:40 مساء

وجيت المطار وسلمت السياره وشحنت الشنط ودخلنا الصاله

وجلسنا مؤدبين نشرب نسكافيه والعيال جنبنا ياكلون بطاطس بهدوء

والمهم جاء موعد الأقلاع وما احد جانا

قلت لايكون تضايقوا من البطاطس ..عاد قمت وخذيته من العيال ورميته

علشان مايكون علينا حجه ...والعيال يبكون يبون البطاطس

والساعه 8:30 اعلنوا ان الرحله بتأخر لحد الساعه 12 وبيكون الاقلاع 12

طيب وش اسوي الحين

المهم اروح واستاجر سياره ونطلع من المطار ونروح نتمشى وتعشينا في احد المطاعم ورجعنا

الساعه 11:30 وسلمنا السياره من جديد

وشوي ويعلنون ان الرحله بتأخر لحد الساعه 2

الله لايوفقهم

ونروح للمشرف

ولقينا مشرف الدجه حتى كلام مايعرف يتكلم

والمهم قالوا تعشوا في الصاله على حساب السعوديه


والعشاء عصير أو شاهي مع قطعه كيك


لا والهندي اللي يعطي الناس الطلبات شديد


يصارخ على الناس


هي انت وين هذا تذكره مال طياره


روه الرياض انت


مافيه جده


يبغى عصير هذا بس ولا خلي ولي


والله وارتفع ضغطي


وقلت مالها الا عيالها


رجعت للشباب وقلت ياعيالي ياعيال العون ( وأقصد نواف وريماس أولادي )


قال سم يا بابا ...قلت وجع لاتقولون بابا ...قولوا يبه


قالو وش تبي آمر تدلل بس


قلت حوسوا المطار ولاتخلون شيء الا وتخربونه


وقاموا الذيابه على شجره كبيره جنب كاونتر الخطوط حق المغادره

وهذي الشجره موضوعه في وعاء كبير وحولها أحجار صغيره دائريه حمراء

ويجونك ويأخذون هالأحجار وينثرونها في المطار

وويعبون الأرضيات من هالأحجار


ويجي موظف الخطوط ويقول بس ياولد

لاتخربون


والله وترد عليه ريماس وقالت بكل شموخ وفخر وبصوت عالي يسمعه اللي في المطار :

أنت قع وبابا حلو

قلت كفوء يابنتي والله

والمهم يقوم موظف الخطوط يصيح يقول منهم عياله ذول

واسحب عليه ومارديت


ويصيح وين ابوهم وين امهم


واسحب ومارديت عليه

والمهم يقوم ويسأل نواف

قال وين ابوك

قال نواف هذاك أبوي.... ...الذيب اللي جالس هناك


والمهم جاني


قال ياخوي ماتشوف عيالك وش يسوون ؟ أمسكهم الله يهديك ؟ شف كيف حاسوا الصاله ؟

قلت الله يهديك انت


تبي تمسكهم انت أمسكهم


أنا مسكتهم 3 ساعات وتعبت


والحين لي 7 ساعات علشان رحلتكم المشئومه


مليت وتعبت وزهقت وانا امسكهم...

وجاي الحين لكم وجه تقول امسك عيالك

ياخوي انتم وين عايشين


رحله تتأخر 8 ساعات


والوضع عندكم عادي جدا


وحنا كرهنا انفسنا وطفشنا وملينا وحنا كبار ...أجل شلون الصغار؟


آسف والله ما امسكهم بعد هالأستهتار والمعامله اللاإنسانيه منكم


مافيه خطوط في العالم وحتى السودانيه والصوماليه تسوي كذا


وترى كيلنا طفح


والمهم خل العيال يتنفسون شوي بدل ماينفجرون من هالصاله


قال : هديء نفسك الطياره جايه بعد نصف ساعه

قلت : وش هالطياره اللي 8 ساعات جايه ...شكلها ناسيه انها طياره وجايه بر


ولا الكابتن حقها جاي من النقل الجماعي وعلى باله باص


والمهم جت الطياره الساعه 2 وماوصلت البيت الا الساعه 6 بعد رحله مشئومه في خطوط متخلفه وعايشه

في عصر حجري


المهم الحين عندي خيارات كثيره وامور أبسويها وابي رايكم

1 - وش رايكم أفصل الرئيس التنفيذي للخطوط السعوديه؟

أو

2- أقفل الخطوط السعوديه كلها واكتب على المطار للتقبيل ؟

ولا

3 - أغير مجلس الإداره ؟

أو


4- أنقل موظفي الخطوط للنقل الجماعي وموطفي النقل الجماعي اوديهم المطار


ولا

5 - أقوم أتروش واروح اصلي واطلع الحلقه اشتري خضار وفواكه للبيت ؟


المهم أبي شوركم ومابطلع من شوركم



للعلم


انا بقوم أجهز للصلاه واطلع للسوق


بس هذا مايعني اني ما اقدر أنفذ اللي قلته


بس علشان البيت فاضي ولازم أجيب أغراضه ولا لوكان وريتهم شغلهم


وما أقول في النهايه


الا حسبي الله عليهم ونعم الوكيل


وتحياتي لكم وفي رعايه الله


وحبيت أجيب هالموضوع علشان اسولف معاكم شوي واهاوش واحش



في رعايه الله


بالمناسبه الموضوع مكرر على هذا الرابط


http://www.qahtaan.com/vb/showthread.php?t=48119

رد : الرحله رقم Sv 1696
 

كل عام ونت بخير

موضوع رائع

واعتقد ان الامر طبيعي

وانا عندي تفسير ثاني

يمكن ربي عاقبك على كذبك

في الراحله الاولى

فتسببت على المساكين الي معك في الرحله وانلطعوا 8 ساعات

وانا عندي حل لك

اشتر لك طياره خاصه احسن من التأخير:) :) :)
لانه طبعا آخر الحلول


دمت بود

رد : الرحله رقم Sv 1696
 

الحمد لله على السلامه يابو نواف

بروح أصلي الجمعه ذلحين

وبنعود عليك

رد : الرحله رقم Sv 1696
 

تركي العلياني

هلا وغلا

والله ممكن انه ذنب الذهاب طلع في العوده

المهم بعمل بنصيحتك وبشتري طياره

جهزوا انفسكم ...نبي سلف

لاهنت ياتركي وشكرا لمرورك المميز دائما

-------------------------------------------------------------------------

أبو جابر

هلا يالغالي

والمعذره في التأخير

وتقبل الله منا ومنك

رد : الرحله رقم Sv 1696
 

الفقعــسة وماتسوي ... كان شغلت الجيب وخذيتها بر ... وش الفلسفة الزاااااايدهـ ...

خخخخخخخخخـ ... والله اني مت من الضحك ... العرق دساس ... تلقى القحاطين يخربون كل شئ ...

نبي المواضيع اللي مثل كذا وانا اخووووكـ ... مانبي الرومنسية ... :)


الأداااااااارهـ فاشلة ... ولاتسطيع ادارة المطارات ... ياسلام على ادارة مطار البحرين ...

تقبل مني فـائق التـقـدير و الأح ـترام ... حسين بن فارس الفح ـوس .

رد : الرحله رقم Sv 1696
 

أولا : كل عام وأنت بخير
ثانيا: حاجة تعودنا عليها احنا بس أهل الجنوب وخاصة في مطار أبها (الدولي) === قووويه
ألا وهي تأخر الرحلات سواء القادمة أو المغادرة لكن مانقول غير حسبنا الله ونعم الوكيل وإن شاء الله تعالى في الخطة الخمسينية القادمة راح ينظرون في هذا الوضع المزري..
ثالثا : أشك والله أعلم إن موضوع الذهاب طلع في العودة.
تقبل مروري
محمد ال قوت

رد : الرحله رقم Sv 1696
 

هلا اخوي حسين بن فارس الفحوس


سرني مرورك



وتدري لولك ولولا ردك كان تصرفت بس نعطيعهم فرصه ثانيه


تسلم يالغالي وربي يسعدك على طلتك وردك العاطر

--------------------------------------------------------------------------------------

الأخ المميز محمد ال قوت


كان الله في عونكم


وعلى العموم لو ماحلو هالمشكله بس قولي وانا اتصرف

بس مابي من اولها ابهذلهم واقطع رزقهم


تسلم يالغالي


حضور وردود ومواضيعك مميزه من المميز والمبدع محمد ال قوت


لاعدمتك

رد : الرحله رقم Sv 1696
 

يامنصور



حرااام يالاستراحه ما لها طعم

من غير مداخلاتك الجميله


وجودك في المجالس يأثر أيجاباً على الاعضاء

وأنا منهم

وفي الحقيقه بلشنا بالمجلس في غيبتك

نحن متواجدين دايم

ولا علينا خلاف في ذالك

ولاكن ردودك ومواضيعك الجيده والمحركه للمجلس

صعب تعويضها


نحن نقول لك ذا الكلام

علشان نثقلك معنوياً


ونت ماتقصر



وسلامة الاسفار يابو نواف :)

رد : الرحله رقم Sv 1696
 

منصور

تصدق موضوع حلو


كيف سويت؟؟



خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخ

رد : الرحله رقم Sv 1696
 

مــــــن طـــلـــــــبــــــــك عــــلـــــمـــــــــــك

ومن اللي طلبك قصت حياتك


هههههههههههههههههههههه

خخخخخخخخخخخخخخخخخخخخخخخخخخخخخخخخخخخ وهع هع هع هع هع هع هع حقت عبدالوهاب
ههههههههههه



الحمد لله على السلامه

وخارجن من الشر

ولا تعبوا اهل الخطوط منك ومن عيالك

واثرهم طالعين على ابوهم مزعجين

خخخخخخخخخخخخ

الله يعقل عليك بهم ويحفظهم لك ويخليك لهم


وكل عام وانت بخير

والخطوط هذي عوايدهم يعني ما جبت شئ جديد <<<<<<<<< ما هو تحطيم

هههههههههههه

والله يحييك في محلك

وكلام ابوجابر صحيح مليووووووون في الميه
يعني لك وزنك في المنتدى <<<<<<< بس لا احدن يضاير ؟؟؟:021: :021: :021:

رد : الرحله رقم Sv 1696
 

أخي الحبيب / أبو نواف حلوهههههههههههههههههههه منك الموضوع مكرر


الحمد الله على السلامة أنا أقول ليش حاجز في فندق السلام هههههههههههههه اثاريك متورط مع الخطوط السعودية


أنت جلست ثمان ساعات أنا جلست من بعد صلاة العصر الا الساعة 2 ليلا وانا انتظر مقعد ولا نصف مقعد هههههههههه

يعني اكثر من بساعات هههههههههههههههههه

الحمد الله على السلامة

رد : الرحله رقم Sv 1696
 

ارررررررحب يا ابونواف والحمد لله على السلامه .. لا تعبتوا

اما نواف انا اشهد انه ذيب ولد ذيب .. حااااس لهم ام ام الصاله

وريماااااس صااااااااااطيه ولا ابن امه يفتح فمه





وانا اقوووول ابوي ليه يحب السفر بالبر بلا طيران بلا خرااابيط




ويلا خلك تتعلم يا ابونواف .. مررره ثانيه اربط عفشك فوق سيارتك وحطه على الـd وامسك خط وما عليك من الطيران

رد : الرحله رقم Sv 1696
 

ارحب يا ابو نواف

وكل عام وانت بخير بعد الزحمة

ولا تعبتوا <<<< ولا ندمتوا

نقدر نسميها " رحلة العنا "

بس العيال الله يخليهم لك طلعوا حرتك في المطار وأهله

والله اني اضحك من بداية الموضوع الين انتهيت

الرحلة رقم 1696 لا عاد تطلع على رحلة رقمها كذا لأن المشكلة في الرقم ما هي في الخطوط

تقبل تعليقي ومروري يالغالي

رد : الرحله رقم Sv 1696
 

بيض الله وجهك ياااااااااااكحيلاااااااااااااان

وزانت علومك ......... أقول علوم الحياء والأمطااار (واحد مصدق أني فيه علم وأستعلااااااام)

وبعدين علووووووووووم أخبااااااااااار في الديرة قرعي ردي شأااااااااااااان.... (واحد مذنوووووب يدور المشاااكل)

تستاااااااااااااهل تثبيت المشاااركة

وأسمحلي ألقبك بملك المحشاااااااات

تحياااااااااااتي

رد : الرحله رقم Sv 1696
 

الله تبي الصراحه



اول مرة اقرا موضوع بهالطول وانبسط منه


واسلوب عجيب وطرحك مميز


لاهنت و سلملي عالعيال كلهم وخاصه ريماس ...حلووة ( انت قع وبابا حلوو)


لاهنت يا ذوووق

رد : الرحله رقم Sv 1696
 

ألعن ابو الواسطة ... تم تثبيت الموضوع ...


:cool:

رد : الرحله رقم Sv 1696
 

الله يحييك يابو نواف

ويش علومك بعد كارثة الخطوط ...

يبدو طيارتكم راحت توصل حليب الخلفات ولطعوكم في المطار

على فكرة انت جبت لنا رحلة ابها بالتفصيل بس نبي تفصيل الرحلة اللي قبل ابها لنستفيد ...!!!!!

قصة الخطوط صارت مثل قصة فلسطين ..

رد : الرحله رقم Sv 1696
 

يا هلا وغلا والله ياشباب


والله ياجماعه الخير لاثبت الموضوع ولا فيها واسطه



بالنسبه لطلب ابو عصام عن الرحلات اللي قبل أبها


فهذي مشفره ولازم اشتراك يابو عصام



وابو ريان والله وانا طالع الطياره وصيت عليك


علشان كذا أخروكم 8 ساعات ...شفت الواسطه


بجد اسعدني هالكم الجميل من الردود

والله شيء يشرفني ويسعدني



لاعدمتكم

رد : الرحله رقم Sv 1696
 

ابو نواف

الله يسعدك عودتك للمنتدى لها ثقل

اسلوب وطرح قضية بسلوب فكاهي وسلسل

ماتوقع فية فائدة في مطار ابها

تعبنا معه وتعبنا كثير


مواعيد واسطات لا والادهاء والامر

كانهم اهل فضل عليك

ياخي النظام الدولي والمحلي لسفر

عندنا موجود وغير مطبق للاسف

بالدول الاوربية يعاوضونك عن وقتك المهدور في تاخير اقلاع الطائره

ويجيك خطاب رسمي اعتذار

اتوقع اتوقع ان الوقت حان لتكون شركه مساهمه الخطوط السعودية

زي شركه الاتصالات شوفو التغيرات لما صار فيه منافسين


منصور دائمآ مميززز

وجودك له رونق التميز بالموقع


تقبل مروري

رد : الرحله رقم Sv 1696
 

هههههههههههههههههههه

الله يسعدك يا بو نواف ...

عوالك ملا قيف <<<<< ما شاف نفسه

طالعين على أبوهم <<<<<< لا تتعدى الخطوط الحمراء يا مشاري

رد : الرحله رقم Sv 1696
 

المسافر


ياهلا وغلا بكم وشرفتنا


المعذره في الرد المتأخر

اسعدني والله مرورك واسعدني حضورك وتواجدك معنا

وتواجدك معنا شرف لنا في مجلسنا المتواضع

ربي يسعدك ياشيخ


-------------------------------------------------------

مشاري بن نملان


ياهلا وغلا والله بأهل قطر

والله يهنيك على خطوطكم ويهنينا على وجودكم معنا

اسعدك الله ياشيخنا الغالي