لا تمزجون العود بعطور باريس=يفسد جمال العود في حد ذاته
 

قصيدة متكامله للشاعر الكبير حامد بن مايقه عن الشعر:


[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا محاولين ادخال بعض التضاريس=فالشعر لاتخطون بمعادلاته
تعوذوا من طفرة الشك وابليس=لاتقتلونه في مبادي حياته
قد يحدث الشيطان بعض الوساويس=عند الموصى ويتجاوز وصاته
ويا سالكين الطرق فيها تغاريس=ما يدري الرجال من حيث جاته
الشعر الاول له حصون ومتاريس=تمنع جماله عن تجاوز عداته
الشعر ينكر خاملات البرابيس=اللي يجنب نطقها مفرداته
لا تمزجون العود بعطور باريس=يفسد جمال العود في حد ذاته
واللي يحاول يلبس الثوب ما قيس=ينصح رفيقه لا يسوي سواته
يا منكسين امعرب الشعر تنكيس=لاتنكسونه وتفجر لهاته
الله على ذيك السنين المراميس=يوم النشيد اللي قليل حتاته
يوم النبات الزين والقفر ما ديس=يقطف زهوره من يراعي نباته
يوم القنص والطير والخيل والعيس=ياتي لها عند الرجال التفاته
يا اهل الوفا يا كاسبين النواميس=ردوا لنا ذاك التراث وصفاته
لا يندثر ويضيع بين الجواسيس=اللي يبوقون النشيد وبناته
بناته اللي تلمس القلب تلميس=تنعش بمكنون الفؤاد احركاته
ويا عاملين البن وسط التراميس=لا تقطعونه من حشا مرضعاته
ردوه لامات الخشوم المقاويس=صفر الدلال اللي عليها حلاته
ما عاد شفنا البن وسط المحاميس= يحمس وصوت النجر طول سكاته
وصارت لغتنا بين فرس وفرنسيس=خشت عليها مفردات الشماته
واللي يلبس منطق الضاد تلبيس=من حقنا نكشف سراير غطاته
اما يدرس منطق الضاد تدريس=بالحيل حتى يستطيع اكلماته
ولا يخلي زمة غليس فالكيس=يكفي العرب شره وفزعة غناته
ومن يرتجي مد اليدين المفاليس=تفلس يديه ومطلب الخير فاته
والشعر له تفكير ناس فواعيس=تقطف غرانيق الورق من عضاته [/poem]

نقلا عن موقع بن مايقه:52_asmilies-com:

رد : لا تمزجون العود بعطور باريس=يفسد جمال العود في حد ذاته
 

شاعر كبير ويستحق المتابعة والقراءة له


تحيتي لك

رد : لا تمزجون العود بعطور باريس=يفسد جمال العود في حد ذاته
 

هكذا الشعر والنقل

رد : لا تمزجون العود بعطور باريس=يفسد جمال العود في حد ذاته
 

ابيض وجه وجمل الله حالك

رد : لا تمزجون العود بعطور باريس=يفسد جمال العود في حد ذاته
 

مشكور يا بو عابد ويشرفني تعليقك وابو علي غني عن التعريف

رد : لا تمزجون العود بعطور باريس=يفسد جمال العود في حد ذاته
 

رد : لا تمزجون العود بعطور باريس=يفسد جمال العود في حد ذاته
 

تسلم يا بو ابراهيم وهذا من طيبك

رد : لا تمزجون العود بعطور باريس=يفسد جمال العود في حد ذاته
 

تسلم يا النداوي ولا تحرمنا من شيلاتك

رد : لا تمزجون العود بعطور باريس=يفسد جمال العود في حد ذاته
 

الله الله يا ابن مايقه


صح الله لسان قايلها

وجعل يمين من نقلها للشحم

والله ابداع يا ابو علي وهذا المعروف عنه وعن جزالة شعرهـ

بصراحه القصيده كلها رووووووعه لكن هذا البيتين عن قصايد


ويا عاملين البن وسط التراميـس لا تقطعونه مـن حشـا مرضعاتـه
ردوه لامات الخشـوم المقاويـس صفر الدلال اللـي عليهـا حلاتـه
ما عاد شفنا البن وسط المحاميس يحمس وصوت النجر طول سكاتـه


ولا تحرمنا من مثل هالنوادر

أخوكـ البشري

رد : لا تمزجون العود بعطور باريس=يفسد جمال العود في حد ذاته
 

تسلم وارحب والله انك انت من الناس اللي دائما مميز في تعليقاتك وشرفني مرورك

رد : لا تمزجون العود بعطور باريس=يفسد جمال العود في حد ذاته
 

الله يبقيك يا ابن حمير

وما عليك زووووود

رد : لا تمزجون العود بعطور باريس=يفسد جمال العود في حد ذاته
 

الله الله
قصيدة جزله ولا هيب غريبه على ابن مايقه

لاهنت

رد : لا تمزجون العود بعطور باريس=يفسد جمال العود في حد ذاته
 

ومن يرتجي مد اليدين المفاليـس ** تفلس يديه ومطلـب الخيـر فاتـه

والشعر له تفكير نـاس فواعيـس ** تقطف غرانيق الورق من عضاتـه


الله الله

صح لسان ابن مايقه

ولا هيب غريبةٍ على ابو علي

شاعر علم من اعلام الشعر الشعبي

وجبل جزالة راسخ رغم انف الحداثة

ولاهنت يا ابن حمير على النّقل


تحيّاااتي

رد : لا تمزجون العود بعطور باريس=يفسد جمال العود في حد ذاته
 

يعافيك يا بو عابد وتسلم

رد : لا تمزجون العود بعطور باريس=يفسد جمال العود في حد ذاته
 

عبدالوهاب ذوق راقي وحس مبدع تسلم وفعلا انك تستاهل الاشراف

رد : لا تمزجون العود بعطور باريس=يفسد جمال العود في حد ذاته
 

العبدي اختيارك للابيات يدل على ذوق راقي ومشكـــــــــــــــــــــــــــــــــــور