خذ القاف يابو زياد عبيدي الدمام
 

أستلم

مرحبا بالصاحب اللي لازهمته شد حيله --------------------يالعبيدي جاك ذبيان الفهر يشعب ذلوله
لا دخلنــا منتـــدى قحطان شبينـا الفتيله--------------------والمعاني بيننا ياصحابي صـوله وجــوله

اسلم يا بومقرن ..
وخذ الرد .....
*****************
البقا بك عد ما ينشي هماليل المخيله .. العبيدي جاهز لك وانت قول اللي تقوله
لا دخلنا منتدى قحــــطان مثلنا القبيله .. كل معنى بينّ ياصاحــبي عرضه وطوله

السلام عليكم ورحمة الله وبركاته

ابو مقرن وابو زياد

ماشالله عليكم

واصلوووو واصلووو خلونا نشوف محاورتكم
وودنا تكون مباشره

فارس قحطان اما عاد مباشره
كثر منها
بينها ساعات وايام
يعني
يمكن الاتصال بصديق
ههههههههههههههه

________________

يقولون الاولين
ما اخبل من الرجال اللي يناشي ورع والا شاعر.

استلم
ويش رايك بالرجال اللي تكلم كــل ليـله---------------خلنا نلعب هنا في وقت واحد للبطوله
حدد الموعد ترى ذيبان جاهز في مقيله----------------ياولد النايب العبيــدي تكفى دوروله

مساكم الله بالخير
أولاً أشكركم على مروركم الكريم ثانياً اقول لك حق تكلم ياولد النايب لان ابو زياد العبيدي الله يهديه
مانقدر نصيده لادخلنا طلع وطلعنا دخل المنتدى وهذا يمكن طبيعة عمله تفرض عدم التواجد في الوقت الذي اكون فيه وانا بأسمي اقول لبو زياد العبيدي حدد وحن جاهزين في الوقت اللي يبيه واذا ماحصل ابو زياد
فيك الخير والبركه يا ولد النايب لو ان في كلامك تجريح لاكن مقبول يسنايدي وحن جاهزين
والاننسى اخو ي العزيز فارس قحطان الشكر لك موصول على مرورك
اخوكم ذيبان الفهري

هلا بفارس قحطان ..
وهلا بولد النايب ..
والعذر والسموحة على هذا التقصير بسبب ضروفي العملية والصحية ..

استلم ....
العبيدي حاضر لا جاك من فوق الكحيله .. كل شاعر نافخ نفسه يكبه من ذلوله
حاضر يوم المواقف مايهـــــزه كل ميله .. من يدور للعبيدي ينشـد وذيبان حوله

انا في انتظارك يا ذيبان

ذيبان الفهري

لالالا
ما تصل الى التجريح
كلامي فيه همز ولمز بسيط وهذا ديدنكم ايها الشعراء واخرجنا الله من شلة الغاوون


____________________

ذيبان الفهري..
ابو زياد..
واصلو نفداكم..

ولد النايب..
الشعراء ما هم بغاوون اللي يتبعهم هم الغاوون الا عباد الله المخلصين..
وفي ذي الحالة يا انك من الغاوون او من المخلصون..
اتركك لتحكم على نفسك وتعرف انت من اي نووووووع..

ابن كشم


فتح عيونك لو تكرمت
انا ما قلت ان الشعراء غاوون

انا قلت اخرجنا الله من شلة الغاوون.
يعني اللي يتبعهم غاوي- الا من اصلح الله - وانا اكرر وادعوا الله ان لا اكون من شلة الغاوون.

هل فهمت؟
اتمنى ذلك
انتهت الحصة.

شكرا للجميع على المشاركة
وناسف لعدم اكمالها لسبب مناسبة الزواج لشقيق ذيبان الفهري
وانتضرونا من جديد في محاوره على الهواء مباشرة لا يفصلها سواء دقائق معدودات ..
وقريبا بعد عطلات الصيف نسخن الموقع بكل جديد ..