|
عطوني رايكم في هالفحول..
السلام عليكم ورحمة الله وبركاته وش حالكم يالربع عساكم بخير وسلامه وماجورررين مساكم الله بالخير جميع يا رب حي هالوجيه العلم سلامتكم عندي كم صورة لعدد من الافحول الي عندنا و ودي أخذ رايكم وودي تعطوني أسم الفحل الي لفت أنتباهكم و الي تحسون أنه كفوو ويستاهل طبعاً كل شخص له نظره ... الفحول ملك / محمد بن مسفر بن عليان القحطاني .. وادي الدواسر.... الفحــــــل مسمــــران http://www.up.5alid.com/up/uploads/d0e71f8b17.bmp الفحــــــل علـــيان http://www2.0zz0.com/2008/05/29/20/348837252.jpg http://www2.0zz0.com/2008/05/29/20/414288430.jpg http://www7.0zz0.com/2008/05/29/20/421995841.jpg الفحـــــل طويــــلان http://www3.0zz0.com/2008/05/29/20/704399790.jpg وسلامتكم يالربع |
رد : عطوني رايكم في هالفحول..
أرحب يابو محمد.. أنا دخل نظري الفحل ( طويلان ) آخر واحد : اذنيه ، وخرطومه ، وسنامه ؛ إلا وبرته ما جازت لي.. وسلامتك |
رد : عطوني رايكم في هالفحول..
ارحب تراحيب المطر يا رب حي هالوجه والله ارحب يا الحادي و الله اني سعدت بتواجدك اي والله صدقني لو انك شايف مسمران في الطبيعه والله أن تغير نظرتك ولكن أن شاء الله في الايام القادمه أنزل لكم صور تكون واضحه للفحول ... شرفتنا بمرورك الكريم يا عزيزي تحياتي لك |
رد : عطوني رايكم في هالفحول..
اقتباس:
المرحب باقي.. الفحل مسمران ما هو بشين ويمكن بلاه خلفية صورته وزوره ما دخل نظري |
رد : عطوني رايكم في هالفحول..
حياك الله ياسيف الحبابي
شكلك معزم و ناوي تشتري كلها طيبة لاكن اقول عليان احسن برضه طويلان ماهو شين لاكن موخرتة ماهي طيبة وجنوبة قصار جدا واسئل اهل الخبرة وهم بيفيدونك كثر تقديري |
رد : عطوني رايكم في هالفحول..
انت تبي انصيحه
تراني راعي ابل عليان لايطريلك تفكه على ناقه مسمران عرنونه ازوين وباقيه وسط واقل لا عمر وسنامه متوسط واذانيه اذاني مغتر طويلان وسط وفوق الوسط بقليل ( هو جذع ولا لقي) ونصيحه الي بيقنا ابل يتعب على الفحل لانه هو الاساس وسلامتك |
رد : عطوني رايكم في هالفحول..
ارحب يا الحبابي
حي راع المجهم و الله و انا اخوك الزين و اضح جعلي فداك .......... طويلان........... و انشد اي شايب من شيبانك بقول طويلان تحياتي بن ناشر الهآجري |
رد : عطوني رايكم في هالفحول..
أرحب يالقادري الله يحييك أسعدني تواجدك يالغالي لا عدمناك ووجهك نظرك في محلها تحياتي لك يالغالي |
رد : عطوني رايكم في هالفحول..
روعة هذه الصور ويعطيك العافية
|
رد : عطوني رايكم في هالفحول..
تبي الصراحة ياسيف
الفحول كلها ماتملى العين ولاأبيك تزعل لكن هذي حقيقة من وجهة نظري لأني شفت فحول كثير .......وهذي ماتقارن فيها وإن كانك بتشري شي منها لاتستعجل تقبل مروري الله يحييك ياوجه عبدالله |
رد : عطوني رايكم في هالفحول..
من وجهة نظري
ان كان ولابد انك تشتري منها فعليان اطيبها ولكن تراها فرق عن الفحول الطيبه |
رد : عطوني رايكم في هالفحول..
اقتباس:
حياك الله أخوي بن مبارك ارحب وفعلاً كلامك في السليم مثل ما يقولون ميه ميه والفحل طويلان طال الله في عمرك (( ثني )) لاهوب جذع ولاهوب لقي .. وأشكرك على النصيحه وبالعكس أستفيد منك يا راعي الابل تحياتي لك وأسعدني مرورك لاعدمناك |
رد : عطوني رايكم في هالفحول..
اقتباس:
البقىىى يا مرحب أرحب أنت حياك ربي وبياك أسعدني تواجدك أخوي ناصر الله لايهينك على مشاركتك وفعلاً مثل ماقلت أنت .... طويلان .... زين وكايف تحياتي لك وشكراً على مرورك لاعدمناك |
رد : عطوني رايكم في هالفحول..
ما شاء الله
ولك تحيتي |
رد : عطوني رايكم في هالفحول..
الفحول زوينه وعسى الله يبارك لاصحابها
|
رد : عطوني رايكم في هالفحول..
الحقيقه فحول بس ما هى ذيك الفحول مشكور على الجهد الى سويته
|
رد : عطوني رايكم في هالفحول..
الفحووول تعطيها ,,, بس هي ما تقارن بالفحول الأخرى مثل فحل هيف بن عبود تمام
الله يعطيك العااااااااااااااااافيه |
رد : عطوني رايكم في هالفحول..
الفحول كلها لاتهدها في إبلك إذا تبي الإنتاج الزين إلا إذا كان ساسها طيب وإمعروف وأنت أستشرتنا وهذه النصيحه بدون مجامله
|
رد : عطوني رايكم في هالفحول..
ارحب يا الحبابي
حي راع المجهم و الله و انا اخوك الزين و اضح جعلي فداك .......... طويلان........... و انشد اي شايب من شيبانك بقول طويلان تحياتي |
رد : عطوني رايكم في هالفحول..
لاهنت الله يعطيك العافيه
تقبل مرووووري |
رد : عطوني رايكم في هالفحول..
وفقك الله وربي يسعدك والجميع
|
رد : عطوني رايكم في هالفحول..
ماشالله تبارك الله الله يخلي الحلا لهله ويمنعه من عيون الحرام
بيض الله وجهك والله يعطيك العافيه لاهنت على الصور الجميله ونتمنى المزيد ياسيف |
| الساعة الآن 05:00 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com