|
من بريدي ---- للأهمية
!!هذا الموضوع وصلني عبر البريد وحبيت أنقله للفائدة
وحتى تنبهوا أهاليكم . السلام عليكم يا ناس تخيلوا أمي كانت اليوم بمجمع ابن خلدون .. وبوقت صلاة المغرب .. لم راحوا للمصلى كانت فيه وحدة حاطة لها كرسي وجالسة عند الباب ومعلقة لوحة (( يمنع دخول جوالات الكاميرا للمصلى )) ..!! وكل من دخلت اعطتها رقم .. وحطت جوالها بكيس .. وتقول امي شكيت فيها .. من متى الجوالات ممنوعة بالمصليات !! وغير كذا اللوحة مكتوبة بخط اليد وماعليها ختم للإدارة ولا شي ..!! وحتى الأوراق اللي توزعها مكتوبة بخط اليد .. !! المهم .. تقول امي قلبي نغزني .. وخلت اختي تنتظرها برى مع الجوالات الين ماخلصت صلاة .. وبعدين راحت اختي تصلي .. وخلال هالوقت .. في حريم خلصوا صلاة .. وطلعوا يدورونها ولا لقوا احد .!! تخيلوا .. اكثر من 30 جوال شالتهم اللي ما تخاف الله ومشت ,,!! فتقول امي .. لو تشوفون صياح بعض الحريم .. شلون يقطع القلب .. اللي لها صور بالجوال .. والا اللي مصورة خواتها والا بناتها .. فانتبهوا .. اللي سوت الحركة هذي ممكن تعيدها بأي مجمع ثاني .. وغير كذا .. ياليت ننتبه لصورنا بالجوال .. يعني حتى لو قلنا ماراح نبيع الجوال .. مانضمن انه ما ينسرق .. والله يستر علينا وعلى جوالاتنا |
رد : من بريدي ---- للأهمية
أووف اووف حركة جديده وقويه وذكيه جدا
ونسائنا طيبين يصدقون بسرعه بس وربي حركه مجنونه ماتخطر على بال أحد والمصيبه جوالات الكاميرا والصور اللي فيها مصيبه من الخطأ نصور فيها وبالذات النساء الله يستر على أعراض المسلمات ويحاسب هالشيطانه موضوع هام وجد وتحذير المفروص يطرق أبواب البيوت شكرا اخوي خالد العاصمي على التحذير من هذه الطريقه الخبيثه دائما متميز واشكرك ان خصصت هالموضوع لمجلسنا المتواضع تقبل تحياتي |
رد : من بريدي ---- للأهمية
حركه ماتطري على البال
والله لايبلانا ولا يبتلينا ويكفينا شر عيال الحرام ومشكور على الموضوع المميز تحياتي |
رد : من بريدي ---- للأهمية
يالله الخيييييرة
الله يستر من ذي البلاوي بعض الناس وده يخسر حلاله ولا ينسرق جوالة لكن كما ذكرتوا انتبهوا من جوالات الكاميرا وخلوا تعاملكم معها كجوالات تشكراااااااااااتي |
رد : من بريدي ---- للأهمية
أعوذ بالله ... نـاس من بني هـاجر .. جيراننا ... توفت أمهـم ... وراحـوا يدفنون ...
وتنســـرق 6 جوالات ... اللي مايخاف الله يسـرق في المقبـرهـ ... نسأل الله العفو و العافيـة ... تقبل مني فائق التقديـر و الأحــترام ... حسين فارس الفحــوس . |
رد : من بريدي ---- للأهمية
يالله الخيره
والله حركات جديده وشي كل يوم طالعين بحركه هع هع لاهنت على التحذير |
رد : من بريدي ---- للأهمية
حسبي الله عليهم
لاهنت يا خالد |
رد : من بريدي ---- للأهمية
حركه خطيره
صدق من قال السارق عجز السلطان ومن أكبر الاخطاء أن الواحد يحط صور خاصه في الجوال رجال ولا حرمه ماشوف أن لها لزوم ووالله لو جوالي بينسرق ويساومني ألي بيسرقه بضعف قيمة الجوال لعطيه ماهو بعلشان الجهاز ألا علشان الارقام ألي فيه من ألي عاد يجمع ذي الارقام من جديد |
رد : من بريدي ---- للأهمية
الحرامية يواكبون التطور
|
رد : من بريدي ---- للأهمية
شكرا على التنويه
|
رد : من بريدي ---- للأهمية
حتى الحريم صاروا يسرقون بثقه وفين داخل المسجد ياعيني
لا جوال كمرا يعني مايخارج الجوال العادي بس الحريم الي عطوها بيني وبينكم اغبياء كلعادة |
| الساعة الآن 09:10 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com