|
أبن خضير..أبو عساف..تركي السنحاني
السلام عليكم ورحمه الله
طبعا بتستغربون العنوان بس هذا الأسبوع فيه أخبار ساره وجميله وبعضكم ماعنده علم فحبيت أهني وأبارك لي شخصيا وللشبكه وللجميع وجود ثلاث مناسبات سعيده على قلبي وقلوبكم ويشهد الله من فرحتي طرحت هالموضوع أولا : الغالي والأستاذ وأخوي الكبير أبن خضير ----------------------------------------------------------------------- طبعا من أوائل الأشخاص اللي تعلمت منه والله الكثير وأتذكر اول ماصرت مشرف كان يوجهني ويدق علي وما أدري وش السالفه ويقول إذا تبي كذا ساوي كذا وإذا سويت كذا لابد تحط كذا المهم علمني شلون أصير مشرف وكان الله يعطيه العافيه يدق علي ويتابع معاي في المجلس ويبلغني ويوجهني ويكفي عندي أنه في صيف العام وبالرغم من أكثر الشباب مافهم موجودين وكانت الاستراحه نائمه شوي وهو معاي شعللها وشغلها بمواضيعه وتواجده وردوده ومشاركاته بالفعل والله انه استاذ طبعا اخوي ابن خضير طلب أعتذار عن المراقبه نظرا لظروفه الصحيه والكثير يعلم بذلك ووالله اني زعلت وماتخيلت مجالسنا تخلو منه ومن وجوده وبالذات في الاستراحه ووالله يابو سعد اني من يوم عرفت وانا أفكر في طريقه لعلي أثنيك عن عزمك في الرحيل والحمدلله على رجوعك وبيض الله وجهك على موافقتنا وتقديرك لطلبتنا انا والشباب فأقول لك أهلا وسهلا بك ومن هالعين لي هالعين ويامرحبا وسهلا فيك يابو سعد ------------------------------------------------------------------------------------------------------------------------------------------------ ثانيا: أو عساف المشرف الراقي الرائع ويكفي أن تكون مجالس قحطان متميزه عن باقي المنتديات بوجود أبو عساف وهو بالنسبه لي رصيد داخل وخارج الشبكه والله على ما أقول شهيد أبو عساف يحل ضيفا علينا في إستراحة المجالس وعلى كرسي التعارف وهذه مناسبه سعيده لنا في الاستراحه وتميز فمرحبا بك يابو عساف بين محبينك وأخوانك وأبناء عمك ------------------------------------------------------------------------------------------------------------------------------------------------- ثالثا: تركي السنحاني وما أدراك ماتركي السنحاني إذا لمجالس قحطان دينمو يحركها فهو تركي بلا منازع إذا كان لكل منتدى في عالم النت شخص مثل تركي فأضمن له النجاح والشعبيه طيب طيبه غير طبيعيه هذا الشخص...ودود جدا وخفيف دم لدرجه انك ممكن تشرب الشاهي حار وهو قدامك وياكثر ماتعبته وكلفت عليه وعارف نفسي أحيانا أغثه وماعمره غيره شيء أبد وحتى وهو في أسوأ ظروفه؟ وملاحظه هامه : تروه أمين يا شباب يعني اذا حط أحد عنده فلوس فلا يخاف ( عن تجربه ) وهو شخص له شعبيه جدا جدا بين الأعضاء والمشرفيين والمراقبين واتمنى القى واحد ما يعرفه ومالقيت؟ له قبول في النفس بالرغم إني أحلا منه ( صح ياتركي ) لكن سبحان الله ربي عطاه قبول من الناس ماعمري شفت هالقبول عند أحد فسبحان الله وسبحان من أعطاه هذا الحب والقبول ويستاهل والله ابو فرحان المهم نرحب بعودة تركي السنحاني بعد مدة من الإنقطاع عن مجالسنا نظرا لظروفه وأنا أول من سعد بخبر رجوعه فهلا وغلا يابو فرحان ولو يسمحون بالرمي لجيب دبابه على بوابة المجالس وأرمي عليك بكم صاروخ ترحيبا بعودتك. ---------------------------------------------------------------------------------------------------------------------------------------------------------- في النهايه لقيت ثلاث مناسبات مع بعض جمعتها والله يديم علينا الرخى والنعمه ويديم هذا التواصل الجميل تقبلوا تحيات أخوكم / منصور العبدالله من أمام بوابة إستراحه المجالس - بمجالس قحطان - وألقاكم في نشره جديده. |
رد : أبن خضير..أبو عساف..تركي السنحاني
الله يبيض وجهك وماقصرت
ويستاهل كل من مدحت أبن خضير أبو عساف تركي السنحاني |
رد : أبن خضير..أبو عساف..تركي السنحاني
لا هنت اخوي محمد ال غانم
وانت تستاهل الشكر والتقدير يابو غانم وحياك الله واشكرك لتواجدك الجميل معنا وسرعة ردك وطيب كلماتك |
رد : أبن خضير..أبو عساف..تركي السنحاني
السلام عليكم
ابو نواف وش العلم خاصه من صوب ابن خضير هو صدق العلم ولا تخبل علينا والله يشفيه ويعافيه مترك رجال فيه خير ودين ان شاء الله وابو عساف وهو يبشر باللي يتعبه وهو يجاوب والحلو تركي على ما قلت<<<<<<<<< والله ما ضنتي لو انه الجهيمي ياشيخ كان صدقت ههههههههههههه الله يحييه ويا مرحبا مليووووووووون |
رد : أبن خضير..أبو عساف..تركي السنحاني
على فكره صباح الخير يا منصور
|
رد : أبن خضير..أبو عساف..تركي السنحاني
صباح النور يا سعيد
وشكرا لتواصلك ومرورك الجميل والحمدلله على رجوعهم كلهم وتواجدهم وهم مكسب لنا وانت والله ياسعيد انك عين في الراس ومن الاشخاص اللذين سجلو اسمهم بحروف ذهبيه تحياتي والله يسعد صباحك |
رد : أبن خضير..أبو عساف..تركي السنحاني
وعليكم السلام
والله وسبعة انعام في اللي ذكرت كلهم رجال وافين ويستاهلون اللي يذكرهم بالطيب ولاهيب غريبة عليك يابونواف ذكرك لعلوم الطيب لاهنت يا كحيلااان والله يصلح الشان تحياتي |
رد : أبن خضير..أبو عساف..تركي السنحاني
جمعن 3 من عمالقة المنتدى يا منصور
الله يهديك هظمت حقهم يا منصور الواحد منهم يبغا له مجلس كامل للحديث عنه نرحب بالجميع في بيوتهم ذاب الجليد ورأينا معادن الرجال ولله الحمد كانت اصيلة تشكرااااااااااااتي |
رد : أبن خضير..أبو عساف..تركي السنحاني
هلا يا بو نوّاف
وحنّا فخورين بتواجد هذولا الأعضاء اللي يعتبرون من أهرام أعضاء هذا الموقع وسعداء برجوعهم .. وأرحب بــ تركي السنحاني وابو عسّاف بعد الغياب الطويل وأشكر ابو سعد على التراجع عن موقفه وأدام الله المعزّه بين الجميع تحيّاتي |
رد : أبن خضير..أبو عساف..تركي السنحاني
اخواني الغلاه
مساااااااااااااكم الله بالخير جميعا اخبااااااااااااركم عساااااااااااااكم طيبين اخوي الغاااااااااااااااااالي ابونواف لاهنت فديتك على الترحيب وهاذي ظروف الدنيا و انا اخوك لاهنت يالقرم و ان شالله تفكنا من نشباااااااتك لاهنت فدييتك |
رد : أبن خضير..أبو عساف..تركي السنحاني
والله انك وافي يا منصور وسباق للجميل
وبيض الله وجهك وجمل الله حالك على التذكير ومتابعة الشباب بن خضير المعروف لا يعرف ما تسوى المجالس من دونه :) أبو عساف : والله اني فرحت فرحة كبيرة بعودته وأنا أدري أن الظروف اللي مرت عليه قويه شوي ولكن هو جبل ما تهزه الرياح تركي : يكفيك طيبته وأخلاقه وعودته للمجالس بعد غياب استمر طويلا بسبب بعض الظروف الله يحفظ الجميع بحفظه ويديم المحبة والخير :) لاهنت يابو نواف |
رد : أبن خضير..أبو عساف..تركي السنحاني
والله انك وافي يا منصور وسباق للجميل
|
رد : أبن خضير..أبو عساف..تركي السنحاني
الساعه المباركه في عودت الاخوان المذكورين
وانت يا منصور تراك مطلوب امنين لانك تبغى ترمي بدون ترخيص والرمي ممنوع عند الحقيقه لولا ان الاشخص المذكورين غالين علي كان حذفت موضوعك اللي كان ردي ثم اصبحى الان جيد جدا >>>>معليش حنا في وقت اختبارات اقدم شكري وتقديري لكل من ابو سعد و ابو عساف و تركي وادائم الله المحبه بيننى جميع وشكرا |
رد : أبن خضير..أبو عساف..تركي السنحاني
اخواني مشرفي الاستراحة
والله العظيم انها مناسبات سعيدة وتفرح القلب ونحن كذلك سعدنا معكم والله يحييهم جميع واقول لهم مرحبا ومسهلا بس ثلاث مناسبات في مجلس واحد وانتو ثلاث مشرفين والضيوف اجحموكم في محلكم والله البخل اللي ما عاد فيه علاج من يوم جوكم ما شمينا ريحة الزفر ولا شفنا ريحت الدخان كل المجالس القريبة يطلطلون عليكم كل يوم ولا به احد كان جمعتوهم في ضيفه وحده يالبخلاء والله لا شفنا ارانب ولا غزلان اثر ما فيكم حيله !!!! ترحيب مع صده |
رد : أبن خضير..أبو عساف..تركي السنحاني
لاهنت يا ابو عبد الله على الموضوع الجميل والصراحه التي كتبتها من كل قلبك
والله يشفي ابن خضير ويشفي جميع اخواننا المسلمين والحمد الله على رجوع اخونا وحبيبنا تركي بعد غيابه الطويل واكرر شكري وتقديري لكل من قام وتعب في هذا المنتدى الجميل وعسى ان يجعل والديه في الجنه وتقبل مروري يا اخ منصور انت ومشرفين والمراقبين........ |
رد : أبن خضير..أبو عساف..تركي السنحاني
تسلم يابو نواف
والرجال الي ذكرتهم يستاهلون ... |
رد : أبن خضير..أبو عساف..تركي السنحاني
هونا نفتح موضوع جديد
ولا نكتفي برد ولا نفتح لنا موقع جديد على النت نسجل فيه فرحتنا بهذي الأخبار الساره أو نستعين بقذايف الهاون ترحيب بهالخبار الساره ولا الدبابتك كفيله بالغرض أرحب تراحيب الحيا يامنصور بن عبدالله عز الله ألي جبت العلوم الغانمه ألي تفرح القلب كل خبر من هالاخبار يبي له مجلس مستقل هذا أبن خضير وهذا أبو عساف وهذا الصديق العزيز الوفي تركي بن فرحان السنحاني ويا والله ونعم وكرم و مليون أرحبو بمعادن الرجال الشجعان ألي تبان لما حميت المواقف ولا بعد سمعنا أن به معدن يميز بشروق الشمس وذوبان الثلج أكتفي بترحيب بموضوعك والاخبار ألي فيه يابو نواف أما عن الثلاث مناسبات ألي ذكرتها فيعجز قلمي عن التعبير ........... |
رد : أبن خضير..أبو عساف..تركي السنحاني
هلا وغلا ياشباب والمعذره في التأخير على الرد
انا عمدا مارديت من بدري علشان الكل يشارك مشكورين والشباب يستاهلون والله وطلوع احد منهم خساره علينا اشكركم بعنف وبيض الله وجيهكم وماسوينا الا الواجب والمفروض |
رد : أبن خضير..أبو عساف..تركي السنحاني
منصور العبدالله
الف شكر على مشاعرك الطيبة اتجاه اخوان اعزاء ابن خضير أبو عساف تركي السنحاني ومن شخصكم الكريم |
رد : أبن خضير..أبو عساف..تركي السنحاني
http://www.qahtaan.com/works/up/get....opuv1200046908
يستاهلووووووووون الضيوف بهذا الترحيب و الثناء كله و الله يديم المودة لاهنت يا منصور العبدالله تــــــــــــــــــــــــحياااااااتي لــــك ياذيـــــــــبان |
رد : أبن خضير..أبو عساف..تركي السنحاني
اقتباس:
اخوي الغالي ابو محمد لاهنت فديتك و بيض الله وجهك يالغاااااااااااااااالي و ما تعز الا اللي يعزك و القدر في الصدر لاهنت فديتك |
رد : أبن خضير..أبو عساف..تركي السنحاني
يستاهلون
|
رد : أبن خضير..أبو عساف..تركي السنحاني
اقتباس:
نشكرك يا كابتن المنتدى --بموضوعك هذا الذي اتاح لنا الفرصه ان نعبر عن مشاعرنا نحو الفرسان الثلاثه واذا احتفظ الرجل بمعروف الاخرين --يكون وفيا -- واذا اعلنه للمللأ يكون جميلا وأنت كذلك تحياتي |
رد : أبن خضير..أبو عساف..تركي السنحاني
أشكركم ياشباب وياشيبان على مشاعركم الطيبه اتجاه الاخوان
وهذا من طيبهم وطيبكم ولو مايستاهلون ماتكلمتوا وشاركتوا لكم دعواتي بأن يديم علينا نعمته وفضله وأمنه وأن تظل هذه الشبكه ناجحه ومن نجاح الى نجاح بوجود كوكبه جميله شرواكم والف تحيه والله يحفظكم ويرعاكم |
رد : أبن خضير..أبو عساف..تركي السنحاني
والله والنعم بالرجال الطيبين شرواك يامنصور
وابن خضير وابو عياف والغالي تركي نجوم مضيئه في سماء شبكتنا الغاليه |
رد : أبن خضير..أبو عساف..تركي السنحاني
ماعليك زود يابو احمد الرشيدي
ارحب ملايييين يالله حيه والله وحشتنا يابو أحمد لعل المانع خير ...من زمان ماشفناك؟ يعطيك العافيه ونورت الاستراحه |
| الساعة الآن 03:08 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com