|
من أشهر المعارك بين آل عاطف والمساعره الدواسر .
أخواني الاعضاء يسرني أن أكتب لكم عن إحدى أشرس وأعنف المعارك بين قحطان والدواسر وهي بين آل عاطف والمساعره . وفي سنة من السنين كانوا آل عاطف تحت إمارة الشيخ الفارس هذال بن مسفر بن هادي بن سعيدان شيخ آل عاطف في زمنه مربعين بأبلهم جنوب نجد " جهة ديار الدواسر" وغزوهم المساعره الدواسر على رآس ستة عقداء ذاك اليوم بقيادة: 1) الشيخ الفارس شجاع بن منيف بن قويد. 2)الشيخ الفارس فيحان بن قويد شيخ قبيلة المساعره. 3) الشيخ الفارس دخيل بن قويد. 4) العقيد الفارس وقيان بن رويضان بن وقيان ال حبشان. 5)العقيد الفارس راجس بن مريسن. 6)العقيد الفارس عبدالله بن سويكت . وغيرهم من فرسان المساعره الدواسر غاروا على أبل واحد ٍ من آل عاطف وخذوها وقبل ما يقفون بها لحقوهم آل عاطف بقيادة الشيخ هذال بن مسفر بن هادي بن سعيدان شيخ آل عاطف ومعه ثلاثين من الفرسان ومن ضمن فرسان آل عاطف ذاك اليوم : 1)الشيخ الفارس هذال بن مسفر بن هادي بن سعيدان شيخ آل عاطف في زمنه. 2) الشيخ الفارس حزام بن مسفر بن هادي بن سعيدان. 3) الشيخ الفارس سعيدان بن مسفر بن هادي بن سعيدان . 4) الشيخ الفارس نايف بن مناحي بن جرمان بن عويضه بن سعيدان. 5) العقيد الفارس محمد بن ولمه آل شريم . 6) الفارس ضبيب بن جري آل شريم . 7) الفارس عفار بن دغش آل خامسة . وغيرهم من فرسان آل عاطف ........ وعقب ما قفوا الدواسر بالابل لحقوهم آل عاطف وتناطحوا مع القوم بالبنادق والرماح وفي اثناء المعركة قامت الابل وتجافلت مع الصوت والكر والفر وقام فارسين من المساعره الدواسر وهم الفارس عبدالله بن سويكت ومعه الفارس المشهور وقيان بن رويضان قاموا يسوقون الابل ويوم نطحت ثلمة عنز وهي ريع ٍ بين جبلين وحولت معها ولحقوهم آل عاطف و أول من لحقهم الشيخ الفارس هذال بن مسفر بن هادي بن سعيدان على فرسه المشهوره [ الحوساء ] المهم إن آل عاطف لحقوهم ونزلوا وسط الأبل واحتموها من المغيرين ودارت معركة شرسه عقرت فيها الكثير من الخيل من الدواسر وآل عاطف ومن ضمن الخيل اللي عقرت ذاك اليوم الفرس ( الحوساء) فرس الشيخ الفارس هذال بن مسفر بن هادي بن سعيدان شيخ آل عاطف والحصان ( منيران) حصان الفارس ضبيب بن جري ال شريم ال عاطف وصوب من الدواسر ذاك اليوم العقيد الفارس راجس بن مريسن وخذوه آل عاطف منيع مع المنعى . المهم إن آل عاطف احتموا ابلهم ورجعوا بها وافتكوها من المغيرين. وبعد هذه المعركة قال الشاعر والفارس ضبيب بن جري آل شريم آل عاطف قصيدة طويله منها هذه الأبيات مادحاً فيها آل عاطف وشجاعتهم في هذه المعركة الشرسه : [poem=font="Arial,5,darkred,bold,normal" bkcolor="transparent" bkimage="backgrounds/1.gif" border="double,thin,gray" type=2 line=0 align=center use=ex num="0,black"] غـاروا علينـا بـيـن واســط وقمـشـان=واقـفــوا علـيـهـم معـذلـيـن الـهـزايــم دواسـر فـي الهـوش تنطـح وظـفـران=ودون الـعـشـايـر حــذّفــوا بالـعـمـايـم مقـدم هـل السـربـة شـجـاع وفيـحـان=تـعـرضّـوا حـــر الـظـمــا والـسـمـايـم وعـيّـا عـلـى تـالـي الركـايـب وقـيّــان=فـي ساعـة ٍ والطيـر فـي الجـو حـايـم ركـبـوا عليـهـم لابـتـي كـــل سـكــران=عنـد العشايـر تـرخـص الــروح دايــم عواطف ٍ تركض على الموت عزران=وخمسـة عشـر مـا بيـن طايـح وقايـم والخيل من ضـرب المخابيـط سدحـان=والطيـر يـرفـس عـنـد خـشـم العـدايـم حـنـا طرحـنـا راجــس ٍ طـيـر حــوران=وقمـنـا نـحــطّ لـــه الـكـبـا والـخـزايـم [/poem] ## شرح لبعض المفردات : " واسط " جبل جنوب المريبخ . " قمشان " جبل جنوب المريبخ جنوب وادي الدواسر . " شجاع " هو الشيخ الفارس شجاع بن منيف بن قويد . " فيحان " هو الشيخ الفارس فيحان بن قويد شيخ قبيلة المساعره . " وقيان " هو العقيد الفارس المشهور وقيان بن رويضان بن وقيان بن عرموش بن حبشان المساعره وهو من شجعان المساعره ذاك اليوم قام يحمى عقاب الخيل وقام يسوق الابل وذلك يدل على شجاعته الكبيره. " حنا طرحنا راجس طير حوران " هو العقيد الفارس المشهور راجس بن مريسن الحباشين المساعره صوبوه آل عاطف برمية بندق في رجله وكسرت ذاك اليوم وصار منيع وخذاه الشيخ الفارس هذال بن مسفر بن هادي بن سعيدان شيخ آل عاطف عنده لمدة خمسة واربعين يوم كل يوم يذبح له خروف ويعالجه لين سلم ثم اهدى عليه ذلول ووداه لربعه معزز ومكرم في وادي الدواسر وقد أرسل الفارس راجس بن مريسن (الصويب)أرسل قصيده للأمير //هذال بن مسفر بن هادي بن سعيدان مادحآ فيها من آل عاطف يخاطب أخوه: [poem=font="Arial,5,darkred,bold,normal" bkcolor="transparent" bkimage="backgrounds/1.gif" border="double,thin,gray" type=2 line=0 align=center use=ex num="0,black"] يــاخــوي ودي أنــــوي بـالـمـراويــح=ردوا علـى أهـل النعـش منـا سلامـي عـواطــف لـمــن جـذبـهــم صـيـايـيـح=رصاصهـم يشظـي صليـب العضامـي تبنى لهم البيضاء في روس اللحاليح=مـثـل القـمـر لا تبـيـن فــي الظـلامـي [/poem] هذا وتقبلوا مني فائق الاحترام |
رد : من أشهر المعارك بين آل عاطف والمساعره الدواسر .
لاهنت ياأبالذموم والله يبيض وجهك
وآل عاطف رجال كفو وشجعان وياويلك ياحرابهم ومعاديهم الله يرحمهم جميع ويعفو عنهم |
رد : من أشهر المعارك بين آل عاطف والمساعره الدواسر .
ركـبـوا عليـهـم لابـتـي كــل سـكـران ****** عنـد العشايـر ترخـص الــروح دايــم
عواطف ٍ تركض على الموت عزران ****** وخمسـة عشـر مـا بيـن طايـح وقايـم السلام عليكم اررررررررررررررررررررررحب وكفووووووووووووووووووووووووووووووو بصبيان ابن عاطف خيالة سمحات الوجيه تاريخ مشرف لقحطان والله اني ششت وكأني أشاهدهم بعيني وهذا يدل على قوة و جمال الطرح والصياغه المميزه وهذا اللي اعتدناه من اباالذموم |
رد : من أشهر المعارك بين آل عاطف والمساعره الدواسر .
لاهنت ياأبالذموم والله يبيض وجهك
وآل عاطف رجال كفو وشجعان وسبعين نعم بهم الله يرحمهم جميع ويعفو عنهم |
رد : من أشهر المعارك بين آل عاطف والمساعره الدواسر .
بيض الله وجهك يابالذموم
تحري بالعلم الغانم وانت هل له تقبل تحياتي |
رد : من أشهر المعارك بين آل عاطف والمساعره الدواسر .
اقتباس:
ما عليك زود الله لا يهينك على مرورك الجميل والرائع تقبل فائق الاحترام |
رد : من أشهر المعارك بين آل عاطف والمساعره الدواسر .
اررررررحب يا ابالذموم
دائما مميز يا كحيلان والله يرحم شيخنا هذال بن مسفر بن سعيدان ويرحم جميع فرسانا من ال عاطف كافه |
رد : من أشهر المعارك بين آل عاطف والمساعره الدواسر .
اقتباس:
ماعليكم زود يالخنافر أنتم هل الطيب والفروسية والشجاعة الله لا يهينك على ردك الرائع الذي إن دل دل على معدنك الأصيل يا كحيلان تقبل مني فائق الاحترام |
رد : من أشهر المعارك بين آل عاطف والمساعره الدواسر .
السلام عليكم ورحمة الله وبركاته
ونعم بك وبربعك آل عاطف ... |
رد : من أشهر المعارك بين آل عاطف والمساعره الدواسر .
اقتباس:
ما عليك زود والله لايهينك على مرورك الجميل وردك الأجمل تقبل فائق الاحترام |
رد : من أشهر المعارك بين آل عاطف والمساعره الدواسر .
ركـبـوا عليـهـم لابـتـي كــل سـكـران
عنـد العشايـر ترخـص الــروح دايــم عواطف ٍ تركض على الموت عزران وخمسـة عشـر مـا بيـن طايـح وقايـم بيض الله وجهك ياابالذموم ولاهنت ياكحيلان على ذكر سوالف اجدادنا اللي تنومس كل اقحطاني والله يرحم شيبانا وشيبانكم تقبل مروري اخوك / ابن عفار آل خامسة |
رد : من أشهر المعارك بين آل عاطف والمساعره الدواسر .
اقتباس:
ما عليك زود ووجهك ابيض يا كحيلان الله لايهينك على مرورك الجميل تقبل فائق الاحترام. |
رد : من أشهر المعارك بين آل عاطف والمساعره الدواسر .
ونعم ونعم يا اقحطان
علومكم غانمة وانتوا هل العلم العلا رحمة الله على هذولاك الشيبان لاهنت يالذيب لاهنت تحياتي |
رد : من أشهر المعارك بين آل عاطف والمساعره الدواسر .
آل عاطف وشيوخهم كفو
حامين نجد وماننسى فزعتهم للخنافر في حروبهم في نجد اخوك الفهري |
رد : من أشهر المعارك بين آل عاطف والمساعره الدواسر .
ونعم ونعم ياال عاطف كفوووو
لاهنت ياا با الذموم لاهنت تحياتي |
رد : من أشهر المعارك بين آل عاطف والمساعره الدواسر .
اقتباس:
ما عليك زود يا ذيبان وانتم هل الطيب يابن عبدان والله لايهينك على مرورك الجميل تقبل فائق الاحترام والتقدير |
رد : من أشهر المعارك بين آل عاطف والمساعره الدواسر .
لا هنت ياباالذموم
واااافي في ما تكتب تحياتي اخوك خالد آل سعد |
رد : من أشهر المعارك بين آل عاطف والمساعره الدواسر .
إلى جميع الأخوان أررررررررحبوا تراحيب المطر
الله لا يهينكم على مروركم على الموضوع فلكم مني جزيل الشكر والتقدير والاحترام لن اوفيكم حقكم انتم مصدر فخر وانتم الدافع الاكبر للاستمرار بالكتابه. |
رد : من أشهر المعارك بين آل عاطف والمساعره الدواسر .
[poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ركبـوا عليهـم لابـتـي كــل سـكـران=عنـد العشايـر ترخـص الـروح دايـم عواطف ٍ تركض على الموت عزران=وخمسة عشـر مـا بيـن طايـح وقايـم والخيل من ضرب المخابيـط سدحـان=والطيـر يرفـس عنـد خشـم العـدايـم حنـا طرحنـا راجـس ٍ طيـر حــوران=وقمـنـا نـحـطّ لــه الكـبـا والـخـزايـم [/poem] كفو كفو كفو وجيه آل محمد ارررررررحب ياابا الذموم تراحيب المطر الله يبيض وجهك بياض يشيع في كل ريع على طرحك المميز وإلمامك بسوالف وقصص ربعنا اللي تنومس وترفع الراس والله والنعم بالشيخ الفارس/ هذال بن مسفر بن سعيدان00 شيخ وفارس من شيوخ وفرسان الله يرحم الميت ويبقي الحي والنعم بربعنا آل عاطف كلهم00 افعالهم ماضية وتاريخهم مشرف مشكور وتقبل تحيات اخوك ومحبك |
رد : من أشهر المعارك بين آل عاطف والمساعره الدواسر .
اقتباس:
اررحب يا بن شديد وماعليكم زود ياربعنا وانتم هل الطيب وبيض الله وجهك وجمل الله حالك على ردك الرائع وهذا لا يستغرب منك فانت احد احفاد الشيخ الفارس العقيد علي بن شديد امير قبيلة ال مخثله ال سعد المشهور باالشجاعة والفروسية والكرم تقبل فائق الاحترام |
| الساعة الآن 02:59 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com