![]() |
إعلان هام لمرتادي مجالس الإستراحه
السلام عليكم ورحمه الله
يا شباب بس بروح البقاله قلت احد يبي شيء عاد الحين نرجع للجد لاحظت شكاوي كثير وجتني رسايل كثير وفي النهايه فجرها ابو جابر في موضوع مستقل عن الالعاب والمسابقات وبصراحه ضاعت المواضيع والردود وانا نزلت كم موضوع يادوب نزل وراح للصفحه الثانيه وفيه كثير من الكتاب الرائعيين وقفوا وقالوا لي ماراح نزل مواضيع جديده لانها تضيع على طول وما تاخذها حقها في الرقراءة والردود علشان كذا قمت بإقفال مواضيع الالعاب وتنزيلها وحتى يفتح مجلس متخصص لها سأقوم بإرجاعها وكان واجبي ابلاغكم والاعتذار منكم عن ذلك ولكن للمصلحه العامه قمت بذلك تمنياتي ان تظل الاستراحة في تقدم بوجود كوكبه ذهبيه من افضل اعضاء مجالس قحطان خصوصا وجميع المنتديات عموما آملي ان لا احد يزعل واللي يزعل له حق وبعدها له حق نرضيه في النهايه اقدم لكم شكري وتقديري واقولها بكل صراحه وبكل قوه الله لايحرمنا هالوجيه الطيبه ولا يحرمنا تواجدهم ومشاركاتهم في رعايه الله عفوا رحت البقاله لقيتها مقفله للصلاه فمان الله |
رد : إعلان هام لمرتادي مجالس الإستراحه
الله لا يهينك يالغالي
وبيض الله وجهك يالقرم وكانت على طرف لساني بغيت اقولك لكن انت سبقتني بالطلاقه يالغالي على العموم حاضرين و على خشمي و الرجو المعذره من الجميع اذا غلطت على احد في هذه الالعاب اوفي غيرها تقبلوا ودي و سلامي يالغلاه دمتم بووووووووود |
رد : إعلان هام لمرتادي مجالس الإستراحه
لاهنت يابو فرحان مبروك الاسم الجديد
المهم تغير الاسم ولا قعد المهم حضورك طال عمرك |
رد : إعلان هام لمرتادي مجالس الإستراحه
الله لا يهينك يا منصور ..
ولاهنت على هذي الخطوة الجريئة :) وذا يوضح .. علاقة الاعضاء معى بعضهم .. وان الإدارة والمشرفين .. يطمحون في توفير ما يرضي الاعضاء والزوار.. ............... ولا فتحت البقالة .. جب لي معك .. عصير ما .. وانت يا بو فرحان .. ما جا منك الا كل طيب .. وشهادة الجميع فيك ..... (( مجروحة >> ودها المستشفع مجهوداتك يا بو فرحان .. واضحة .. والله لا يهينك .. بس المجلس .. صار من المجالس الرئيسية .. والزوار والاعضاء .. صا رو واجد .. ويبيله .. شوي ترتيب .. وشووووكرن .. |
رد : إعلان هام لمرتادي مجالس الإستراحه
هلا اخوي العبدي
انتوا طلباتكم اوامر ولا يهمكم المهم هو رضاكم وسعادتكم ومشاركاتكم وانت يالعبدي لو اكتب عشرين موضوع عنك ماوفيناك حقك لاهنت وبيض الله وجهك |
رد : إعلان هام لمرتادي مجالس الإستراحه
بسم الله الرحمن الرحيم
السلام عليكم ورحمة الله وبركاته الله يوفقكم انشالله في المجلس الجديد ومنصور انت تستاهل كل خير انت والمشرفين الي في الاستراحه والله يقويكم اخوك /عبدالله السحيمي |
رد : إعلان هام لمرتادي مجالس الإستراحه
لاهنت يامنصوروالله انك صادق ياليت يصير لها قسم مخصص الالعاب ومشكور على كل الجهود اللي تقوم بها انت وجميع الاعضاء والمشرفين
|
رد : إعلان هام لمرتادي مجالس الإستراحه
الله لا يهينك يا منصور ..
ولاهنت على هذي الخطوة المنتازة وتصدق أني ماتوقعتها منك لكن جت وجابها الله.. بالله لتنسى تجيب معك شاني ..وسندويش فلفل.. |
رد : إعلان هام لمرتادي مجالس الإستراحه
الله يبض وجهك
وحتى لو تحذف الالعاب يكون أحسن لان بعض الناس مايمديه يدخل الا وهومحظر على الالعاب على طول <ترى ماأقصدك أنت وتركي> مشكور تقبل مروري وتحياتي |
رد : إعلان هام لمرتادي مجالس الإستراحه
بسم الله الرحمن الرحيم
وعليكم السلام ورحمة الله وبركاته الحمدلله والصلاة والسلام على رسول الله وعلى آله وصحبه أجمعين ارحب يا منصور كلامك وفعلك ماعليه غبار تحياتي |
رد : إعلان هام لمرتادي مجالس الإستراحه
منصور
الله يبيض وجهك بوجودك ووجود الاعضاء شرواك ستعود الاستراحه ألى سابق عهدها وألى مجدها البطولي أليوم مجلس للألعاب وبأذن الله تتطور الاستراحه ويكون هناك العديد من المجالس متى ما أقتضت الحاجه ومتى ما أستطعنا تكثيف عدد القراء بالطرح الراقي وبوجود المشرفين الاكفاء شرواك جب لي لاهنت دفتر وجه وجه شوكرن |
رد : إعلان هام لمرتادي مجالس الإستراحه
--------------------------------------------------------------------------------
الله لا يهينك يا منصور .. ولاهنت على هذي الخطوة الممتازة احسن تصرف سويته من يوم توليت الاشراف .................كني خربتها شوي بيض الله وجهك ولاهنت يالغالي |
رد : إعلان هام لمرتادي مجالس الإستراحه
الحمدلله ان الجميع تفهم الموضوع ومازعلتوا
وعلى العموم فيه العاب جديده الحمدلله اللي قرب رايكم لرأيي وحنا بدونكم ولا شيء بس على فكره ابو عصام مارد ليش يا ماجد يهمني رأيك يعطيكم العافيه يا شباب |
رد : إعلان هام لمرتادي مجالس الإستراحه
الله لايحرمنا من مجالسنا ومن مشرفينها الاعزاء
والله ان هذا المنتدأ منتدأ مثالي يتعامل مع الجميع باخلاق عالية ويطبق مبدأ الشورى 000000انقلب دولة هههههه بجد منتدانا رائع والواحد يفتخر انة منتسب لة حيث ان القرارات تصدر بعد اخذ الاراء وان كان ابو جابر أو من سبقة قد كتب عن هذا الموضوع يعلم الله كم كنت اتضايق من كثرتها وكيف انها تضيع المواضيع المطروحة بسبب كثرتها ولكن الحمد لله مايضايقك شئ الاوتلقى لة الدواء مع احسن مشرفين 0فلك الشكر يامنصورنا الغالي وسلامتكم 0 اخوك ابواحمد |
رد : إعلان هام لمرتادي مجالس الإستراحه
بسم الله الرحمن الرحيم
السلام عليكم ورحمة الله وبركاته منصور العبدالله تحياتي ويكفي ترابط الاعضاء |
رد : إعلان هام لمرتادي مجالس الإستراحه
بسم الله الرحمن الرحيم
السلام عليكم ورحمة الله وبركاته اخي العزيز المشرف منصور بعد التحيه انا اقدم اعتراضي على ماقمت به وسوف اقيم دعوة في محكمة العدل الدولي الا اذا تم انهاء المشروع المقترح من قبل الادارة فعلى عيني وراسي وما قلتو قلنا تم لكن اخاف انه يطول الموضوع ونحن في حاجه للفرع هذا مع تحيتي وتقدير لكل من ساهم في انجاح الموضوع وتقبل تحيتي بلنسبه للبقاله المقفله يتعذر منك العامل ما شافك يوم دخلت البقاله كبيره وانت دخلت قبل الصلاه طلع الرجال يصلي مادرا انك جوه بس عساك كثرة في الجالكسي والعصيرات وترى ماحد دراء الا انا ولا اعلم احد |
رد : إعلان هام لمرتادي مجالس الإستراحه
لاهنت يا منصور ودائماً عودتنا على الاخبار الزينة ... والبقالة لافتحت جب معك الله لا يهينك عصير سنتووووووب ... شكراً
|
رد : إعلان هام لمرتادي مجالس الإستراحه
خطوه رائعه حفظا على كتاب المجلس
شكرا يا منصور العبدالله |
رد : إعلان هام لمرتادي مجالس الإستراحه
أخي منصور العبدالله الله يوفقكم في تطوير هذا المجلس
شاكرين ومقدرين اهتمامك أنت وباقي المشرفين تقبل تحيات أخوك / ساج الوقت المشعلي |
رد : إعلان هام لمرتادي مجالس الإستراحه
منصور جب لي معك حليب سعودية عشان بعض الأحيان تقلب علي كبدي من كثرة الألعاب :)
بيض الله وجهك على التنوية ولاهنت يالغالي وأن شاء الله الأعضاء بيتفهمون الوضع ويتم تقليل الألعاب لآن كثرتها تحول الأستراحة لواجهة متكرره لتكرار فكرة اللعبة وقرب مضمونها من بعض وأن شاء الله يتم تطوير الأستراحة للأفضل وأنت تأمر آمر يابو عبدالله تحياتي |
رد : إعلان هام لمرتادي مجالس الإستراحه
كثر خيرك يالغالي ...
انت تأمر ونحن ننفذ .... وفقت ولاهنت على التنوية وعلى الموضوع ... |
رد : إعلان هام لمرتادي مجالس الإستراحه
لاهنتوا ياشباب
ومشكور اخوي ابو غاده وبيض الله وجهك على الاخبار الطيبه والمهم ياشباب احنا مش خسرانيين شيء واكيد ماسوينا كذا لا للتجديد الالعاب لها اكثر من شهرين وملينا من لغه الارقام تخيل مجلس تتكرر مواضيعه على طول اكيد فهمتوني لاهنتوا ياشباب كلكم من أيد ومن عارض |
رد : إعلان هام لمرتادي مجالس الإستراحه
http://www.moq3.com/img/uploads/Lpi92535.gif
والله يامنصور ياليت تتوقف الالعاب نهائياً حتى فتح مجلس خاص لها ما يمدي الواحد ينزل موضوع الا وموضوعة محذوف للصفحة الثانية من كثرة الالعاب 0 او ان المواضيع تتوقف الى ان يتم فتح مجلس خاص بصراحة الله يحلل اليمون والرمي من الطيارة عند اكوام الالعاب اللي نزلت مؤخراً 0 تصدق اني نزلت موضوع وعندما انتهيت ابحث عنة لقيتة باخر الصفحة والله هذا قمة الاحباط 0 http://www.moq3.com/img/uploads/zKL92993.gif دام الود بيننا اخوك ابو احمد |
رد : إعلان هام لمرتادي مجالس الإستراحه
أيييييييييييييييييييييييييه يا منصور
كن الشغله أنقلبت قحاره نزل بدل كل موضوع قفلته موضوع من ما أخشاه أن تنقلب الاستراحه ملجأ للباحثين عن زيادة عدد المشاركات ويضيع المضمون فيها شوكرن ونأمل الاسراع بفتح المجلس ونا من المتحمسين له لاكن مو على حساب الاستراحه ككل |
رد : إعلان هام لمرتادي مجالس الإستراحه
كلامكم في محله ابو احمد وابو جابر
وبالضبط صارت الاستراحه هدف لزياده عدد المشاركات فقط وراح المضمون علشان كذا ترى لعبتين فقط وغيرها بنقفل |
رد : إعلان هام لمرتادي مجالس الإستراحه
اقتباس:
1- ان لاتحسب المشاركات في الالعاب 0 2- او توضع جائزة لاقل مشارك في الالعاب 0 صار الاهتمام بالكم لا بالكيف ويجب ان لايكون هذا هدف لاي شخص مخلص لمنتداة الذي يحبة وينتمي لة 0 |
رد : إعلان هام لمرتادي مجالس الإستراحه
لاهنت يابو نوااف
وهذا عين العقل والاستراحه راحة فيها بعد الالعاب مع كثر المرتادين لأني الاحظ انه أكبر مجلس مشاء الله تبارك الله الله لا يضركم عليه اقبااااال فزين ما سويتوا سلملم |
رد : إعلان هام لمرتادي مجالس الإستراحه
عبدالله المهداني
ابو احمد الرشيدي الله يعطيكم العافيه على مساندتكم وحنا بدونكم ولاشيء ابو احمد كلامك في محله بس صعب التطبيق حسب مقترحاتك بس اكيد بنشوف حل ثاني عبدالله المهداني شهادتك بالنسبه لي شهاده فخريه اعلقها على مدخل الاستراحه تحياتي ولاتنسون ياشباب ترى القفل شغال والمفتاح ضايع ( تراني امزح والله خذوا راحتكم وحتى لو ماتبوني ادخل الاستراحه فابشروا ) |
رد : إعلان هام لمرتادي مجالس الإستراحه
اقتباس:
0 0 0 0 0 عشان انا اقل واحد يشارك في المسابقات 0 ههههههههههههههههههههههههه الله لايحرمنا منك الاستراحة بدونك ما تنفع انت نجمها المشرق 0 |
رد : إعلان هام لمرتادي مجالس الإستراحه
هههههههههههههههههههههه
وانا اقول يابو احمد بس بيني وبينك وانا شخصيا ودي بعضو ردوده مشاركاته تستاهل تقرأ ولو ماعنده الا عشر ردود ولا واحد كتب او ماكتب ما احد درى عنه ومشاركاته توصل ل 5000 مشاركه وانت يابو احمد عودتنا واقولها وانا والله صادق فيها ان مواضيعك وردودك محسوبه وتستاهل القراءه وتستاهل تشكر عليه وبيني وبينك حتى انا والله بعدت عن الالعاب ياخي احوليت من هالارقام حتى العيال في البيت لمايطلبون شيء اقول خلاص اللي يوصل رقم 6 اجيب طلبه اول واحد بس بما نه عاجبه الشباب نخليها يهمنا راحتهم سوري يابو احمد طولت عليك بس احس انك تفهمني كثير علشان كذا طولت |
رد : إعلان هام لمرتادي مجالس الإستراحه
خذ راحتك فاهمك اوي اوي 0
الله يحفضك ويحفظ لك عيالك ومن يعز عليك قل آمين يارب العالمين 0 |
رد : إعلان هام لمرتادي مجالس الإستراحه
اللهم امين والجميع اخوي ابو احمد الرشيدي
|
الساعة الآن 02:35 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com