شبكة قحطان - مجالس قحطان - منتديات قحطان - الشاعر حسين بن شتوي الحبابي وقصيده مدح

- مجلس عذب الكلام (https://www.qahtaan.com/vb/forumdisplay.php?f=16)

- - الشاعر حسين بن شتوي الحبابي وقصيده مدح (https://www.qahtaan.com/vb/showthread.php?t=29893)

الشاعر حسين بن شتوي الحبابي وقصيده مدح

قصيده للشاعر الشاب حسين بن شتوي الحبابي وهي قديمه بعض الشي قالها
في جده لامه الشيخ معوضه بن مسعود ال ملهي الحبابي رحمه الله قبل وفاته
والشيخ معوضه والد الشاعر المعروف حسين بن معوضه ال ملهي الحبابي
اليكم القصيده مع التحيه والتقدير والشكر الخالص للشاعر[poem=font="MS Dialog,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يالله ياللي فارض خمس الاركان=منها الصلاه وحجنا والصيامي
ولا الا اله الا انت ياعالي الشان=مع الزكاه اللي علينا لزامي
انت الذي متكفل برزق الانسان =ورزق الدواب اللي بجحر هدامي
وانت الذي تعلم خفا الانس والجان=وانت الذي تحيي رميم العظامي
غفار جبار رحيم ورحمان=الواحد الفرد الصمد والسلامي
جل وتعالي شكر طاعه وعرفان=وابدا بذكرك قبل ما ابدا كلامي
اسالك التوبه ورحمه وغفران=تغفر جميع اذنوبنا والاثامي
لي حلت القدره وفارقت الاوطان = وفارقت ابوي ولابتي والعمامي
يقول من هوجس قبل وقت الاذان=الساعه الثنتين تم تمامي
ناموا هل الديره ولازلت سهران=ومماطرالي ما اهتنيت المنامي
لماذكرت اللي له الطيب عنوان=عود علي الطاله رفيع المقامي
عودلما عدوا من القوم شيخان =يسجل اسمه مع كبار الاسامي
هذا معوضه شائب ذرب وحصان=عود كريم ومن رجال كرامي
من شبيته مايزعل فلان وفلان=سعد لربعه ولرفيقه يحامي
مع بنى عمه عما كل فتان=يوم البرى مردود والسوق حامي
وبيته ذرى يذري رفاقه وضيفان=يوم القبائل يسكنون الخيامي
وشارك مع القوات في فتح نجران=مع الملك عبدالعزيزالامامي
وعسير شارك فتحها ثم جيزان=وخاض المعارك يوم شد الحزامي
وخذا نصيبه في المراجل كحيلان=مع الرجال موردين الضوامي
وسمعه وقدرومنزله عند من كان=عند اشهراني وقحطاني ويامي
والطيب والنخوه مع صدق واحسان=احسان واخلاق وراس قلامي
ماجاء رفيقه يشتكي زله لسان=ويذكر بفعل الخير شرقي وشامي
وسوالفه ماهي تقدر بالاثمان=اصغي لها بالي وجل اهتمامي
وبانت علي وجه علامات الايمان=بصمه شرف يامفسرين الحلامي
هذا كلام له دليل وبرهان=وهاذي وصوفه يوم عاده غلامي
هذا طويل العمر ماني بغلطان =واليوم فوق اميه وعشرين عامي
قضي سنين طوال وازمان وازمان=ولازال ويصلي صلاه القيامي
وانجب رجاجيل نشامي وشجعان =افخربهم لجاء نهار الزحامي
ياسعد منهم له بني عم واخوان=وعند ابوهم ما لحقهم ملامي
واختامها قوموا شباب وشبان = وادعو له الولي بحسن الختامي [/poem]