|
الخطأ منكم ياشيبان المنتدى في حاجتكم
بسم الله الرحمن الرحيم
أخواني كثير ما أسمع في المجالس وخاصه من الشيبان كلام عن منتدى ومجالس قحطان فهم يقولون أنا المنتدى لم يعد يهتم بالمواضيع التي تهم قحطان وأن أكثر مرتاديه من صغار السن صراحه أنا ماسكت رديت عليهم أقول أن كلامهم إذا كان صحيح فالخطاْ منهم لأنه إذا كان أكثر مرتاديه من صغار السن فأين هم عن هذا المنتدى ولماذا لم يحاولون أن يثرونه بمعلوماتهم عن القبيله وبمعرفتهم بأكثر المواضيع فأود أن أسمع رايكم عن هذا الكلام وتقبلوا تحياتي ,انا أدور ماينفع قبيلتي والله لو مايبقى في ذا المنتدى الا أنا تحيااااااااااااااااااتي للجميع |
رد : الخطأ منكم ياشيبان المنتدى في حاجتكم
بسم الله الرحمن الرحيم
السلام عليكم ورحمة الله وبركاته فعلاً كلام سمعتة انا بعد واكثر من واحد اللي قالة انا اقول لهم اذا كن اكثر اللي في المنتدى الحين من صغار السن فهذا كلام جميل.. لان صغار السن ذولا ما شاركو في هذا المنتدى الى انهم يبغون الفائدة من شيبانهم واخوانهم.. والله يابو حسين كلام ممتاز ومهم لابد من مناقشتة وصراحة اللي يدخل الى الموضوع هذا ولا يبدي راية ما عندة سالفة.. |
رد : الخطأ منكم ياشيبان المنتدى في حاجتكم
ابو حسين موضوع طيب من وجه طيب
والحال الحال وشيبانا اكثرهم ليس متعلم ولكن بدورانا نحن لابد ان نبين هذا الشئ لشيباننا وكلامهم انا اكثر المتواجدين في هذا المنتدى من صغار السن هذا والله الشي الزين والطيب من اجل الحفاظ على تاريخ قبيلة قحطان واعلومها الغانمه وافعالها ولا دخلو صغار السن لهذا المنتدى الا يبون الفايده من شيباننا الله يحفظهم ويهديهم في نفس الوقت وتقبل تحياتي |
رد : الخطأ منكم ياشيبان المنتدى في حاجتكم
شرفني مروركم يا أخوان
المشكله ماهي في صغار السن المشكله أعرف بعضهم مثقف ومشارك في منتديات أخرى غير منتديات قحطان ويقول خلاص كله سوالف ومعارك وقصايد قحطان عارفينها مافيه شي جديد قلتلهم فيه منسبات لقحطان فيه شعار جدد يبون دعمكم لهم فيه مواضيع تعرفونها نبي نستفسر عنها ونبي نعرف أكثر بس لا حياة لمن تنادي |
رد : الخطأ منكم ياشيبان المنتدى في حاجتكم
وهذ هو اللي صاير الله يعين يابن الحلال كلها كم سنة ونصير شيبان ونسحب على المنتدى
|
رد : الخطأ منكم ياشيبان المنتدى في حاجتكم
عاد ماشاء الله على شيبانا
يعتقدون ان كلامهم هو الصح واحنا الخطاء ولا يطيعون الا اشوارهم الله يهديهم ولكن علينا ان نبذل الجهد لانجاح هذا المنتدى كما هو ناجح بوجود الرجال الي فيهم خير مثلك وشرواك ولك تحياتي |
رد : الخطأ منكم ياشيبان المنتدى في حاجتكم
كلامك صحيح يا ياسر
تحياتي لك .. |
رد : الخطأ منكم ياشيبان المنتدى في حاجتكم
اقتباس:
اقتباس:
ههههههههه اقتباس:
تسلم يالهيثم تحياتي لك |
رد : الخطأ منكم ياشيبان المنتدى في حاجتكم
يا خوي عدد الأعضاء تعدى العشرة آلاف وإذا ما عندك خبر إن نصفهم موقوف ونصف الموقوفين ذولا هم اللي شهروا المنتدى وأثروه سابقاً. نسخة للإدارة. |
رد : الخطأ منكم ياشيبان المنتدى في حاجتكم
يا أبو زيد انشا الله مليون
ترى أكثر الأعضاء مسجل أسمه في المنتدى للقراءه فقط يعني مواضيع مشاركات ردود مافيه والسؤال عن الرجال اللي يحطون العتب على صغار السن وهم ماشاركوا أصلاً ماهو عن الموقوفين تحياتي لك |
رد : الخطأ منكم ياشيبان المنتدى في حاجتكم
اخوي انا معك في ما تقول
لكن ادارة المنتدى بدون زعل ماشفت منها حركه مفروض تروح تسئل الشيبان من قبائل قحطان كافه وحنا بعد علينا ان نسئل ونعرف ما نجلس كذا مكتوفين الايدي ننتظر الشيبان يتكلمون مفروض حنا نروح نسئل ونعرف ونستفيد ونفيد غيرنا يالغالي هذا اللي عندي وننتظر باقي الاخوان ^__^ |
رد : الخطأ منكم ياشيبان المنتدى في حاجتكم
معك حق وأنا أخوك إدارة المنتدى ماقصروا
حن نقول الشيبان و العوارف من قحطان ليش مايشاركون بأنفسهم ولا ماحن بمقصرين إنشا الله بننشدهم عن كل شي |
رد : الخطأ منكم ياشيبان المنتدى في حاجتكم
الله يبيض وجهك ياياسر والله مادخلنا هذا النتدا الالنعرف المزيد والمزيد عن قحطان 0
والله انك رائع في طرحك بس وين الشيبان اللى يكتبون في المنتدى 0 0 |
رد : الخطأ منكم ياشيبان المنتدى في حاجتكم
اخوي ياسر موضوعك جيد
وهذا اللي صاير حتى فيه مره من المرات حاولت في شخص كبير في السن ان اكتب عن سالفه سمعتها منه فاردت تفسير واضح ولكنه رفض قلت له اريد ان اكتبه في مجلس قحطان فاصر على الرفض ولكن المتواجدين فيهم البركه وانا واحد من الشيبــــــــــــان المتواجد تقبل مروري وشكرا |
رد : الخطأ منكم ياشيبان المنتدى في حاجتكم
اقتباس:
اقتباس:
تحياتي لك طال عمرك |
رد : الخطأ منكم ياشيبان المنتدى في حاجتكم
أخوي ياسر الله يعطيك العافية فعلا الشباب هم عماد المستقبل وهم القلب النابض للقبيلة بشرط أن يكونوا على مستوى عالي من العلم والإدراك وهم أيضا واسطة بين كبار السن من القبيلة وبين المنتدى ليستفيد من أراد سواء من القبيلة أو من خارجها ؛ ولا شك أن هناك أناس قد تعودو على مقت الشباب والإستهزاء بهم وعدم زرع الثقة فيهم وهم والحمد لله قلة . تقبل مروري ومشاركتي |
رد : الخطأ منكم ياشيبان المنتدى في حاجتكم
شيبانا راس مالنا هذا اول شي
ثاني شي الشيبان معذورين هم يكرهون (( العنترنت )) ولا الومهم كل جيل له الي يصلح له ثالث شي اخذوا العلوم من شيبانكم وهم ما يقصرون ونزلوها بدل طرح الوم عليهم الله يطول في عمارهم تراهم غالين وعندنا مثل جديد دايم اسمعه ((( ماش ماش الشيبان الطيبين راحو ))) خذاهم الموت الله الله بكبار السن تراهم بركه |
رد : الخطأ منكم ياشيبان المنتدى في حاجتكم
صدقت يا خيال الزرقاء بس لو قريت الموضوع زين وشفت الردود
عرفت أن كلامنا على الشيبان اللي تركوا المنتدى والشيبان اللي يعرفون يستخدمون النت ويوم أقول شيبان ترى أقصد من الأربعين إلى الستين وأما اللي فوق الله يعينه يطلب ربه حسن الخاتمه ويترك النت الله يطول في عمارهم ويخليهم ذخر لنا |
| الساعة الآن 06:48 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com