القصيدة الموجه من الشاعر/مشعوف بن كردم الحياني إلى الشاعر/حامد بن سمحه الحياني
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياطول ليل البارحة ماعدت=وانا اتحرى الصبح يطلع نوره
دنيا عطتني وجهها ثم صدت=ياشين ميلات الزمان وجوره
وين الرفيق اللي ليا من حدت=الجا لراية ثم اتبع شوره
وين انت ياحامد ليا من ضدت=دنيا الشقا والهم يلعب دوره
شاعر ليا من الامور انشدت=يحلها والشعر غاص بحوره
ماني بشاكي من لغيري بدت=ولا اتظلم من هوى غندوره
انا اشتكي لك يوم ناس ردت=جمايل(ن) لي عندهم معمورة
كيف انها تنكر يمين مدت=مدة وفا يحسب شبوره[/poem]

=================

رد الشاعر/حامد بن سمحه الحياني على قصيدة الشاعر/مشعوف الحياني
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يالله عسى دعواتنا ماردت=رحمتك لاطاش الفتى عن طوره
ابواب رحمة ربنا لو سدت=راحت حياة الآدمي مدموره
من بعدها ترحيبتي لو عدت=زادت علي اللي روحوا بالثوره
بالشاعر اللي نظرتي به قدت=ينقل عن اخبار الصحايب صوره
افرح ليا من قالوا انها شدت=وابعد شبوحك والعرب مخبوره
من جاب علم الطيب قله سدت=وقاوم ولو شفت العصا مشقورة
وان ضاق صدرك فالفجوج امتدت=من راس تنورة إلى مستورة
سج القدم والنفس مهما كدت=ما تجد الا حصة محصوره
فالناس لو جابت خبر ولو ودت=تبقى عواقب مدها محظوره
وان مال وقتك والسنين اسودت=فأزبن على الله والعرب مشكوره[/poem]