من شاعرات قحطان
 

السلام عليكم ورحمة الله وبركاتة..

مساء الخير جميعاً..

إذا كان الرجل يمتلك موهبة الشعر ويصدح بأشعاره حيثما أراد فإن لحواء أيضاً نفس المشاعر سواءاً من قديم الزمان أو حاضره , فلهذا أحببت أن أطرح بين أيديكم عدد من القصائد للإحساس والشعور الأنثوي من فتيات قبيلة قحطان.

جادت قريحة الشاعره خضرا القحطانيه بهذه الأبيات الغزليه:

[poem=font="Simplified Arabic,4,white,normal,normal" bkcolor="transparent" bkimage="backgrounds/3.gif" border="none,4,gray" type=2 line=0 align=center use=ex num="0,black"]
لعل عيني مايقلبها المداوي = يوم شافت نشرهم والشمس حيه
فري قلبي فري دلو مع رواوي = انفرى قد هو على جنب المطيه
تل قلبي تلة سبوق النداوي = شاف جول الصيد دونه جرهديه[/poem]
يقلبها المداوي= يفتشها الطبيب.
يوم نشرهم والشمس حيه = يوم شافت حلالهم منتشر قبل مغيب الشمس.
رواوي= اللي يجلب الما من البير.
سبوق النداوي= سبوق. السيور اللي يقيد بها الصقر والنداوي الصقر.
جول الصيد= شاف مجموعة منه منتشره.
جرهديه= يمتد دونه أرض فسيحه عديمة الشجر.


الشاعره نفلا من المسارده قحطان , كان زوجها ناوي السفر ولمن شرعت في خرز قربته اللي بها الما قالت هذي الأبيات تمازح زوجها:

[poem=font="Simplified Arabic,4,black,normal,normal" bkcolor="transparent" bkimage="backgrounds/6.gif" border="none,4,gray" type=2 line=0 align=center use=ex num="0,black"]
أبا ارقع صميل القرم حامي عقاب القود = أربه إذا ماراح يذكر معازيبه
من خوفتي يظما ليا درهم الجلعود = ليا عرضوهن تختخٍ عاويٍ ذيبه
وحالي عليهم مثل حال ازرقٍ مضهود = وزادوا على حمله , وكثرت شواذيبه
الله على ماراك ياصاحبي وتعود = متى عوص الأنضا من جنوب تلفي به[/poem]

وكان أبن أختها ( فايز ) يحب ويعشق فتاة وكان مهتم فيها , فشافت الشاعره هذا الإهتمام وقالت:

[poem=font="Simplified Arabic,4,black,normal,normal" bkcolor="transparent" bkimage="backgrounds/12.gif" border="none,4,gray" type=0 line=0 align=center use=ex num="0,black"]
إبن فايز بدا المشذوب = هيض القلب بالونه
هيضه جادل رعبوب = بو قرون نقضهنه
ريقها سكر مجلوب = ليت من يشتري منه
هايف الخصر يالمذهوب = طردهن يرث الونه
عود موز وهو نبنوب = فيه الأغصان مفتنه[/poem]



عقاب القود= مؤخرة البل.
أربه= بتشديد الباء بمعنى ربما أنه.
درهم الجلعود= إذا اسرع مجموعة من البل. ويقال فلان جاك مدرهم= أي مسرع.
تختخ عاوي ذيبه= الأرض الخاليه وبها مجموعة من الذئاب الجائعة.
أزرق= توصف لون الجمل.
مضهود= شايل فوق احتماله.
كثرة شواذيبه= ظهرت عليه علامات العجز والكبر, وأدمى كوعه , والشاذوب عيب من عيوب البل وهو أن يقرب الكوع من الزور , فإذا شال حمل ثقيل يكون الكوع يحك الزور بقوه ويسيل الدم.
عوص الأنضا= العوص المطايا المختاره اللي تستعمل بالغزو, والمفرد عوصا.
الأنضا= الهزيل من البل من كثر السير.

المشذوب= راس الجبل.
المذهوب= المعذب.
طردهن يرث الونه= متابعتهن تورث الندامه.
نبنوب= غض.


الفارس المشهور شليويح العطاوي العتيبي , كان غازي في بعض مواقع قحطان ولمن وصل لمقاطنهم تقدم شليويح واللي معه يبغا يشوف كيف أوضاع القبيله , وعلى غفلة شاف المره وهي غافله وكانت ترعى البل وتنشد :

[poem=font="Simplified Arabic,4,white,normal,normal" bkcolor="transparent" bkimage="backgrounds/26.gif" border="none,4,gray" type=2 line=0 align=center use=ex num="0,black"]
الورع راعي السيف حبه شعاني = شعو القطيع اللي خذاهن شليويح
شقح خذاهن من ديار قحطان = واقفى عليهن مرذي الفطر الفيح
أقفوا عليهن يزعجون الغواني = يابعد مايرمي لهم بالمصابيح
اللي على الضلع القصير كواني = ثلاث مرات وانا اقوم واطيح[/poem]
ولمن انتهت من شعرها وشليويح يسمعها , رجع لأخوياه وماخذوا من ابلها شي ولكنه أخذ ابل قومها.

مرذي= متعب.
الفيح= البل التي تستطيع الصبر.
يرمي لهم في المصابيح= يبحث عنهم في الصباح.
كواني= أحرقني بالنار. يعني بالحب
أقوم وأطيح= تتعثر بحبه.


عمشا القحطانيه تهجي ابن عمها اللي تزوجها وهي كارهة:

[poem=font="Simplified Arabic,4,white,normal,normal" bkcolor="transparent" bkimage="backgrounds/36.gif" border="none,4,gray" type=2 line=0 align=center use=ex num="0,black"]
ياحت مكنوني على مامضى حت = حت الورق من يابسات الغصون
إن كان هالحاله على اطولت مت = عزي لمن مثلي يمون مغبون[/poem]

حت = مأخوذه من حت الورق.

المصدر= شاعرات من الباديه لعبدالله بن رداس

بيض الله وجهك على الموضوع إلي عرفتنا فيه على شاعرات من بلاد قحطان ولا هنت نفداااااااااااااااك

لاهنت على الموضوع الجيد

واحتيارك كان جدا موفق

تقبل من وافر التحيه والتقدير

لاهنت على الموضوع الجيد

واحتيارك كان جدا موفق

اخوووووك:شبل قحطان

الأخ ملحف الرفيدي..

فداك اللاش , شاكر لك مرورك يالغالي ولاهنت..


أخوك/ ناصر

أخوي الإمبراطور..

قايل مايهون , أشكرك على الإطلاع يالطيب..

أخوك/ ناصر

شبل قحطان..

مشكور يالمشرف الغالي على المرور.. لك تحياتي..


أخوك/ ناصر

اخوي ناصر بارك الله فيك وما قصرت الله لا يهينك
على نقلك المبروك

أرحب يابو ذيب..

الف شكر يالغالي على المرور..

ويعطيك العافيه..


أخوك/ ناصر

تشكر على الموضوع ----- وايضا انا معجب بالتوقيع ---- ال معمر ونعم-- كرم وشجاعه --- ولي اصدقاء ومعارف كثر

منهم ---- وخوتهم ومجلسهم ما يمل

أرحب أرحب أرحب أرحب أرحب أرحب أرحب أرحب ياناصر ملايين
وبيض الله وجهك وننتضر المزيديالقرم

اخوي ناصر المعمري مشكور الله يعطيك العافيه

لاهنت اخوي الغالي


المعمري



كثر الله خيرك

مساكم اللة بالخيريالربع والشكر موصول للاخ سليمان القحطاني الذي اعطاني طابع كبير ومميز لهذا الصرح العظيم منتدى شبكة قحطان كمااشكرالاخ العزيزوالراوي علي بن شافع العنبسي على مااتحف بة المنتدى من قصص وروايات تعطي الجميع طابع جيد عن ماضي وحاضرالقبائل ونتمنى منة المزيد


وشكرا للجميع /لمعان الحبابي

أرحب أرحب أرحب أرحب أرحب أرحب أرحب أرحب
أرحب أرحب أرحب أرحب أرحب أرحب أرحب
أرحب أرحب أرحب أرحب أرحب أرحب
أرحب أرحب أرحب أرحب أرحب
أرحب أرحب أرحب أرحب
أرحب أرحب أرحب
أرحب أرحب
أرحب



يالمعاااااااان

ابو سلطان لمعان
 

لاشكر على واجب يابوسلطان نورت المكان وابطيت علينا مرحبابك عند من سلم الله بين ربعك وخوانك

مشكور على الموضوع الطيب........

الأخ ونعم ونعم..

ونعم فيك ملايين وأشكرك على أعجابك والمعمري ماخاواك إلا وأنت كفو وتستاهل الخوه.

تبقا ياسليمان وأنت اللي أرحب..

مشكور على المرور والتعليق ياغالي...

أرحبو يآل شري ..

عزالله أن خوتكم تنشرى وآل شري أعرف منهم واجد وهم كفو وقد قالوها من قبلي كثير..

وأتمنى لكم التوفيق في المزايين الجايه..

لاهنت يالقرم..

أخوي فتوى الجوة ( شعلة المنتدى )..

مشكور ياغالي ولاهنت يالقرم..

أرحب يالمعان والله يحييك والشكر موصول للأخ سليمان اللي وصلك للمنتدى..

وننتظر مشاركاتك يالغالي..

لاهنت يابن مجمش على المرور..

الله يعطيك العافيه يالغالي..