جعلها عليك نذر يابن ساقان
 

الحقيقه انا مدري وش اقولكم ولكن خيره اختارها ربي

وبن ساقان كسب شهره وعرفوا الناس وهذا يكفي اما انه مافاز ولا ترشح فذا شي ماينتقص من شاعريته ولا ينقص من اللابه اللي هو منها

وانا ياوجيه محلف والله ثم والله اني سويت جهدي وخصصت اكثر من 15 الف ريال تصويت ومن معي مثل ناس من ال عباس ومن ال نصيب ومن ال منيف ومن ال بالحارث ومن الصقور وكلن ماقصر وساهم اقل واحد فيهم ب5 الاف ريال للتصويت ولكن جعلها نذر على ابن ساقان ولكن اختار ربي العصيمي وهو رجال يستاهل هو والمطيري وخويهم المنصوري

اخواني وجيه محلف خلوا ذي الجوله لهم وخلوها لكم عبره لان الرفيق ماله غير رفيقه وانتوا كثير الله يزيدكم ولو كلن صوت برساله وحده اكتسح ذولاك القوم كلهم

دمتم بود لاخيكم

رد : جعلها عليك نذر يابن ساقان
 

ابوساق بيض الله وجهك

وانتو يامحلف ماقصرتوا


بس اكبر قبيلة في الجزيره ماتفوز قهرررررر

رد : جعلها عليك نذر يابن ساقان
 

شف يارحال وانا اخيك

اشوفك متأثر ويمكن انت اكثر واحد كنت اشوف له ردود تشحذ الهمم ولكنها خيره وانا اخيك نفداك ولا عاد تاكل في نفسك

رد : جعلها عليك نذر يابن ساقان
 

قهـــــــر و ربي قهر خروج المسردي ظلم له وظلم لشعر الحقيقي

لكن الحمد لله على كل حال و الخيره فيما اختارها الله

و الله انصدمت من فوز العتيبي (مع احترامي له)

رد : جعلها عليك نذر يابن ساقان
 

انا اشوف ان البرنامج كله كذب ونفاق وصدقوني
مايعطون المليون الا واحد من الامارات والا ذاك العراقي كفو
يفوز على ابن ساقان ...........والله هزلت

رد : جعلها عليك نذر يابن ساقان
 

السلام عليكم ورحمه الله وبركاته

اثبت برنامج المليون
ماني قايل شاعر المليون لانه لو كان شاعر المليون ماكانت بالرسايل

انا والله ارسلت وحق واجب هاجري ومرجعي قحطان
وابشركم ماخسرتو شئ لانه

اثبت هالتجمع وخلانا اكثر ترابط ومؤدة
ورجع عهد عبده وعبيده من غير قصور بالقبايل الاخرى
اخوكم
فالح الهاجري

رد : جعلها عليك نذر يابن ساقان
 

ياجماعة الربع ,,, صلوا على النبي ,,,,

أول شي وسعوا صدوركم وألعنوا إبليس ,,, وترون الدعوى سلامات .. هو فعلا قهر إنه مافاز ولكن نرجع ونقول هذا نصيب وحظ من الله ولو جينا نتكلم عن القصيد فبكل صراحه ومن دون حميا محمد ابن ساقان المسردي شاعر بمعنى الكلمه ,,, ولكن الحمد لله هذي راس مالها مسابقه يارابح ياخسران ماهي حرب ,,, الله يبطي بيوم الشر ,,,

تحياتي لكم وتقديري وبيض الله وجه كل من قام بالتصويت وكل من تابع وكل من شجع للشاعر محمد بن ساقان


تحياتي

رد : جعلها عليك نذر يابن ساقان
 

رد : جعلها عليك نذر يابن ساقان
 

قحطاني من دبي وفقك الله وكلامك في محله


ابو ساق الله لا يهينك على التصويت ونحتاج لوقفتكم مع الحبابي ابن غريب الحبابي يا وجه محلف

رد : جعلها عليك نذر يابن ساقان
 

والله قهر ما تصوتون وتقولون نصيب ومكتوب ؟؟؟

طيب وين بذل الاسباب ؟؟؟

قلتها من قبل وبعيدها والله انكم خنتوا بن ساقان والله قهر يا جماعه

رد : جعلها عليك نذر يابن ساقان
 

8
8
8
8

يارجال الله يرحم ابوك ما خنا بن ساقان ولا شيء

سوينا اللي علينا ولا الله كتب له الفوز


أما الخيانه فمعناها كبير ولا بعد وصلت لذا المواصيل

الترشيح خذاه شاعر ما يستاهله

اللجنة لعبت لعبتها حسب ما اتوقع

قال ايش قال

الله يجملني واجمل ربعي == حتى تدفن فالتراب عظامي


طير يارجال طير




ابو ساق

لاهنت على الشعور الطيب

واذا جا شاعر منكم ترانا بنصوت له <<<<<<<<<<< ولا اقول ما حنا مصوتين عشان حظنا في ذا البرنامج ماهوب مضبوط :)

رد : جعلها عليك نذر يابن ساقان
 

السلام عليكم يا صبيان قحطان ومرحبا بوجه محلف أما بالنسبة للشاعر ابن ساقان والله أن كأنة ما هو من قحطان لأنه لا ناش قحطان من قريب ولا من بعيد حتى خارج نص القصيدة وهذا شي طبيعي وعموماً إذا مافاز ابن عبيان أوتركي الميزاني فوالله أن الشعر هزل والسلام عليكم 0000000

رد : جعلها عليك نذر يابن ساقان
 

الله يعقل عليك راعي هداده

{اشكرك ياوجه محلف}

رد : جعلها عليك نذر يابن ساقان
 

يالربع والله قهر خروجه ولكن قدر الله وماشاء فعل ولكن عندكم الحبابي لاتخلونه لابد من تنظيم طريقه لدعمه والطرق كثير بس انتو عزموا وتشوفون

وانت ياوجه محلف كثر الله خيرك وجمل الله حالك

تحياتي