|
اللي تحكه يده اليمين يجيه فلوس على حسب الحكه
ياشباب
اسمع هذا الكلام من زمان ودائماً تحكني اليسار وادفع بس واما البارح حكتني اليمين طول الليل ومن قو الحكه كنت اقوم وأقرط في يدي توقعوا لي وش يعني بيجيني ورث من جدت خالة أمي اللي عايشه في اليابان في مدينة قنقن بنق في حارة قون قو مدي الله أعلم |
رد : اللي تحكه يده اليمين يجيه فلوس على حسب الحكه
اللي أعرفة الحكة باليد اليمين يا يجيك فلوس أو يجيك ضيف غالي عليك
واليسار أحد قاعد يحش فيك بشيء شين أو العكس مدري بس الله يرزقك انشاء الله بفلوس ودها ورث أو غيرة الله يرزقك ( وتراني أبي سلف) تحياتي يابن عياف |
رد : اللي تحكه يده اليمين يجيه فلوس على حسب الحكه
ال معمر علق
|
رد : اللي تحكه يده اليمين يجيه فلوس على حسب الحكه
من يوم جابتني امي وانا تحكني ايدي ولا به الا الفلس ,,,,
يالربع نبي فتوى هل هذه الامور من التطير (الطيرة) لان هناك حديث عن الرسول ان من يشفع له يوم القيامة ناس من بينهم الذين لا يتطيرون فارجو الا فادة ... وتقبل مروري |
رد : اللي تحكه يده اليمين يجيه فلوس على حسب الحكه
رحو تروشو وأن شاء الله ما عليكم خلاف
خخخخخخخخخخخخخخخخخ أيش رايكم في الرد البايخ لاتزعلون ياشباب |
رد : اللي تحكه يده اليمين يجيه فلوس على حسب الحكه
والله ياخوفي إنها فلس وحساره ماهو بمربح ولا ورث
تتسلف وتخش الأسهم ولكن تخسر ثم يطالبونك أصحاب المال تسدد ولا عندك دراهم ثم يحطونك في السجن ويحكك لغدك <<<< يعني خدك ثم يدخل عليك الضابط ويسطرك ذاك المصماخ اللي يخليك تبرم لين توقع في القاع ومن قوة الخبطة ينكسر عندك الضلع الثالث والرابع من الجهة اليسرى إلا وجنبك يحكك وتروح للمستشفى وما تلقى علاج إلا في مستشفى عرفان التخصصي ثم يحكك جيبك حكه حقيقيه وتدفع قيمه العلاج ثم ما تقدر على كامل التكاليف ثم يدفونك من الدور الرابع وتطيح على راسك وتحكك عيونك ثم تروح للمستشفى الحكومي وتقول عالجوني ويكتشفون ان عيونك فيها ارتجاج في العدسه من قوه الحكه اللي سببتها الطيحه ولا عندك علاج إلا في نيوزيلاندا ثم تطلبهم سكين وتقول لهم قلبي يحكني وتطعن نفسك عشان ترتاح يا رجال من جدك انت تصدق هذه الخرافات لو الدراهم على الحكه كاني اغنى من بل غيتس من يوم عرفت نفسي وانا اتحكك وكل ما زادت الحكه كل ما خسرنا فانا انصحك تترك من التخيلات وتعالج يدك تحياتي لك |
رد : اللي تحكه يده اليمين يجيه فلوس على حسب الحكه
اقتباس:
ههههههههههههههههه الله يرجك يالمقلع والله أنه جاتني حكه في بطني .........من الضحك |
رد : اللي تحكه يده اليمين يجيه فلوس على حسب الحكه
ال معمر
وش فيك على الرجال خله يحك براحتة والله ردك زاحف الله يخضك خض البيبسي علشان تطلع الغازات ابن عياف معليك حك وأنا أخوك وانشاء الله ماتعين الا الخير ترى ال معمر حك يدة وصار مشرف ويوم دريت أخذت إجازة ورحت له وقلت تكفى حك يدي وحك يدي وحطوني مشرف يالتوفيق يابن عياف وتفائل بالخير تلقاه انشاء الله |
رد : اللي تحكه يده اليمين يجيه فلوس على حسب الحكه
منصور العبدالله
ابو معتز العبدي ابوجابر القحطاني ال معمر بن خرصان ============== أشكركم على المرور وعلى التعليقات والتقليعات التي أصابتني بالحكة في جسمي كله بس الزمن دوار يا ..............( ما نيب قايل ) لو جاني ورث ابشتري الموقع وألغي بعض المشرفين وأخليهم يحتكون فيني لين تذبحهم الحك وأتحكك عليهم.... أسف أضحك عليهم |
رد : اللي تحكه يده اليمين يجيه فلوس على حسب الحكه
ابن عياف
أنا أخلاق ومؤدب..................صح |
رد : اللي تحكه يده اليمين يجيه فلوس على حسب الحكه
آلحين كلكم صح
عشان ما أكسب عداوت ( أحتفظ بالاسماء) لين الله يفرجها ونورث |
رد : اللي تحكه يده اليمين يجيه فلوس على حسب الحكه
^ ^ ^ ^ ^ ^ ^ ^ ^ ^
أبن عياف ترني أمزح معك بعدين ال معمر أنا من زمان أحقد عليه وحتى لو تشوف مواضيعه من زمان ونا ما ني أرد عليها وبدت العداوه بينا من أيام الابتدائيه يوم تضاربنا أنا وياه في الفسحه كان معي قرص تنور محشي بتمر<<<<<<<<<<<هاذي والله كانت فسحتي الله يسقي أيام الاول والمعمر معه صامولي جبنه وحاط شطه ويشرب عليها لبن بالشاهي من هنا أنبثقت المشكله وعينك ما تشوف أيش صار من يومها وحن ما نتدانا في الحياه ومرت الايام وصار مشرف وأنا عضو مسكين<<<<<مثل منت شايف وأنت نبغاك تشوف له حل ياصديقي |
رد : اللي تحكه يده اليمين يجيه فلوس على حسب الحكه
لا والله جاك الوليد ويبك تاخذ في الاسهم الي صرح عنها يوم امس علشان تحك يدينك
الف شكر |
رد : اللي تحكه يده اليمين يجيه فلوس على حسب الحكه
^^^^^^^^^^^^^
ألا والله أحس أنه بيحك بساط الفقر على دخلته معا الوليد في الاسهم المحرمه دخلاتك حلوه يابو ريان |
رد : اللي تحكه يده اليمين يجيه فلوس على حسب الحكه
أبو جابر وال معمر
ماشاء الله قرص بالتمر وهذا ساندوتش جبنه فسحتكم والله انكم عيال نعمة وهذا في الابتدائي بعد انا ما أتذكر هالشغلات في الابتدائي بس كنا نفطر بس وشهو والله نسيت والظاهر قطعة خبز وعصير ثلاث جواهر بس بالتمر والجبن لا والله |
رد : اللي تحكه يده اليمين يجيه فلوس على حسب الحكه
ابوجابر / منصور
الرجاء عدم الخروج عن موضوع الحكة والاحتكاك خصوصاً أنني أكتشفت أن أكثر الاعضاء مصابين بالحكة المزمنة ودائماً ما يتحككون بالمشرفين وبعض المشرفين يتحككون بالاعضاء في الاخير صكروا الموضوع واحذفوه واحذفوا المشرفين والاعضاء ((الله لايحكنا في أحد ولا يحك أحد فينا))) حيث أني صرحت بالسبب في موضوع الاخ / عاشق الليل ( بريد الاعضاء) لم أستطيع أن أكتبه هنا |
رد : اللي تحكه يده اليمين يجيه فلوس على حسب الحكه
^^^^^^^^^^^^^^
أبن عياف عاد أيدك تحكك ؟ بتقولي أكيد لا لأنه مو معقول تحكك شهر خلاص خلصت الحكه خلنا نسولف |
رد : اللي تحكه يده اليمين يجيه فلوس على حسب الحكه
مالك معاذ -أقصد - مالك لوى ما عاد في يدي حكة
لانها أنتقلت لرجل احد الاعضاء بسبب دعواتي (الله أكبر) |
رد : اللي تحكه يده اليمين يجيه فلوس على حسب الحكه
بسم الله الرحمن الرحيم
السلام عليكم ورحمة الله وبركاته سلامتك يا أبو منيف من الحكة لكن التفائل بالخير طيب |
رد : اللي تحكه يده اليمين يجيه فلوس على حسب الحكه
بسم الله الرحمن الرحيم
السلام عليكم ورحمة الله وبركاته خخهخهخهخخهخهخخهخههخهخهخهخهخهخهخ وش يدريك يمكن تاتيك قطعة دراهم بس لاتنسانا وانا اخوك خهخهخهخهخهخخهخهخههخخ |
رد : اللي تحكه يده اليمين يجيه فلوس على حسب الحكه
وش رد ذا الموضوع علينا
قدنا بننساه الله ياذيك الايام أنا أعتبرها الفتره الذهبيه للأستراحه وليته يجينا زمان تعود الاستراحه مثل أول |
| الساعة الآن 04:27 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com