700الف تنهي خلاف بين الجرابيع عبيده وال جميح الحباب
 

أنهى حضور عدد من مشايخ قبائل قحطان أمس خلافاً نشب بين شابين منذ 7 أشهر إثر إصابة أحدهما للآخر بـ3 طلقات من بندقية في مركز طريب.
وكانت جموع تمثل أكثر من 20 قبيلة قد توجهوا إلى منزل الشاب المعتدى عليه في مركز الأمواه طلبا للصلح، حيث عفا الشاب سعد حمد آل جميح عن يمين من 22 حالفاً، واشترط مليوناً ونصف المليون ريال وسيارة وبندقية مقابل الإصابات التي تعرض لها من جراء اعتداء الشاب عبدالله سعد آل عادي، وبعد مداولات بين الجموع لتخفيف المبلغ تنازل عن 500 ألف ريال، وزحفت مجموعة من قبائل الحباب وأمسكوا بالشاب المعتدى عليه وجلسوا على الأرض حيث ألقوا بعمائمهم على الأرض، فخفض الشاب المبلغ إلى 800 ألف ريال، وزحفت مجموعة من قبيلة آل كناد قحطان لأمتار قليلة، فتنازل عن 100 ألف والسيارة والبندقية ليستقر المبلغ على 700 ألف، حصل عليها مقابل تعهده بانتهاء القضية.


جانب من الحضور
http://www.alwatan.com.sa/daily/2006...at.p7.n701.jpg

رد : 700الف تنهي خلاف بين الجرابيع عبيده وال جميح الحباب
 

الله يصلح مابين الناس , ولايهين من سعى للصلح ولكن المبلغ أكبر من حجم القضية .

رد : 700الف تنهي خلاف بين الجرابيع عبيده وال جميح الحباب
 

الله يصلح الشأن

رد : 700الف تنهي خلاف بين الجرابيع عبيده وال جميح الحباب
 

لاهنت يا ابن فالح والله يسد الشان

رد : 700الف تنهي خلاف بين الجرابيع عبيده وال جميح الحباب
 

االله يصلح الشان

لا هنت يا بن فالج

رد : 700الف تنهي خلاف بين الجرابيع عبيده وال جميح الحباب
 

المنافس
ابن العماني
تركي بن فرحان
محمد بن مشبب
الله يسمع منكم ويبطي بيوم الشر
لاهنتوا على المرور والمشاركه

رد : 700الف تنهي خلاف بين الجرابيع عبيده وال جميح الحباب
 

و هل هذا من العدل والإنصاف ؟

أم من الجور والإجحاف ؟

رد : 700الف تنهي خلاف بين الجرابيع عبيده وال جميح الحباب
 

الصلح زين في كل الاحوال

ولكن المبلغ كبير شوي اذا عرفنا خلفيات القضية

يا مسلمين يا عالم

رجال لا يسمع ولا يتكلم
يعتدي عليه ثلاثة اشخاص قادمين من ديرة بعيدة وامام بيته وامام محارمه
يريدون ان يسلبونه جواله وفلوسه.
ودافع عن نفسه دفاع الرجال الابطال اما ثلاثة رجال وهو وحيد
ماله الا ما سوا
وبيض الله وجهه
وجعل يمنيه ما تعطب


المشكله ماهي في الصلح
المشكله في الناس الموجودين اللي اقتنعوا بالصلح وهم خابرين القضيه

وين العدل
وين الانصاف
وين الشهامه
وين الرجوله
وين النخوة.


بكره لا يعتدي ناس مثلهم على واحد ثاني
قال جعل الجوال والفلوس القليلة ما تعود
ولا احمل ربعي ميات الالاف والا الملايين.

وراحت ضربته عار لين يموت

ليش يامسلمين
نجازي المعتدي المخطي بسبعمية الف
و ننظر لاساس القضيه
ونقول للمخطي انت اخطيت.

الله لا يقدر
لو اعتدى عليك سكران والا عربيد وانت معك وحدة من وحارمك
وقمت وضربته والا كسرته
بيجتمعون الشيوخ بعدها بكم يوم ويعطون المعتدي مليون
لا
والف لا
لازم قحطان تشوف لها حل
ليش ما يجتمع كبار قحطان ويدارسون رايهم
وتوقف هذه المهازل عند حدها.

رد : 700الف تنهي خلاف بين الجرابيع عبيده وال جميح الحباب
 

أخوي بن فالح الله لايهينك على النقل وبيض الله وجهك

وصراحه والحق ينقال أن المبلغ مبالغ فيه ولو رجعنا للصحيح فالحبابي هو المخطي ولا ينلام بن عادي فاللي سواه

ولكن من يعلم الناس اللي تجحف على العرب بدفع المبالغ اللتي ماأنزل الله بها من سلطان ثاني شئ بعض الناس اللي

تدفع له هذه المبالغ مايسوى عشره ريال على العموم أصلح الله الشأن والله يستر على عوال الشايب

تقبل تحياتي وتقديري

رد : 700الف تنهي خلاف بين الجرابيع عبيده وال جميح الحباب
 

الله المستعان مبالغ واديان ما انزل الله بها من سلطان

اويد وبشده وبعيد عن العنصريه كلام ساس العرب هوعين الصواب

فهذا الملبغ كبير جدا ولكن نقول الله يحمانا واياكم من شر الفتن واهلها

رد : 700الف تنهي خلاف بين الجرابيع عبيده وال جميح الحباب
 

الله يصلح الشان ويهدي عوال قحطان

رد : 700الف تنهي خلاف بين الجرابيع عبيده وال جميح الحباب
 

الله يصلح الشأن والصلح زين في كل الأحوال
ولكن مثل ماذكر الاخوان لابد ان ينظر مشايخ القبائل
في هذه المبالغ الطايلة التي تتحملها القبيلة مقابل
قضية لاتستحق هذا كله دون النظر في اساس القضية
واسبابها فقد يكون الشخص المعتدي مخطا عليه او
انه يقوم بالدفاع عن محارمه وغير ذلك
اضافة الى بعض القضايا التي يتسبب فيها اناس سفهاء
او بمنزلة السفهاء من اصحاب المخدرات اعاذنا الله..

رد : 700الف تنهي خلاف بين الجرابيع عبيده وال جميح الحباب
 

السلام عليكم
اخواني
المدى البعيد
ساس العرب
ابو عساف
سعد الحبابي
ال زامل
سفير الخير
اشكركم على المرور والتعليق
وصح لسانك ياساس العرب على اللي ادليت به
من كلام هو عين الصواب فالله مايضيمني الا ان بعض الناس
يعتدى على ناس امنه وعند محارمها وفي حماها وفي الاخير يظهر بمليون
في جيبه من غير حبة الخشم والله هذا الاجحاف بعينه وعينه قويه يبي مليون ونص
وسياره وبندق تنفض راسه وين مشايخ القبايل وين الناس العاقله
واللي يضيمني اكثر ان المخطي ماخذاها تجاره ولاهي باول مشكله ياخذ فيها فلوس
الله يهبها في وجهه
والله يصبه في واحد على الاقل يقعده
والله يصلح الشان ويكفانا شر الفتن

رد : 700الف تنهي خلاف بين الجرابيع عبيده وال جميح الحباب
 

كلامك صح

رد : 700الف تنهي خلاف بين الجرابيع عبيده وال جميح الحباب
 

يالربع اهل مكه ادرى بشعابها

ولاحن اعرف من الشيوخ ولكنهم ينضرون اليها بمنضور اخر يريدون اخماد نار الفتنه نهائيا فلا انا ولا انت ولا ساس العرب افهم من الشيوخ ومن اللذين قامو بالصلح بين القبيلتين ولكن لا يهم اذا وصلت هذه الى هذه الاسعار اذا كان هناك حقن لدماء المسلمين والابرياء واللذين ليس لهم ذنب سوى انهم من اقارب الجاني !! وعلى المقوله ( الطارف سديد )

ولا ننسى اطلاق النار اللذي حصلت بين اثنين من عبيده في الطايف وكان هناك اسعار خياليه بالملايين

رد : 700الف تنهي خلاف بين الجرابيع عبيده وال جميح الحباب
 

الله لا يهينك يابن فالح
واحب اقول للاخوان اللي ما هو مرضيهم الصلح يحمدون الله على العافيه
والناس اليوم يدفعون من المال مايكفيهم عن الشر
وبعض الهرج ماله لزوم من ساس العرب
طرد الفايت نقص فالعقل
الرجاجيل صلحوا وانتها كل شي ما ينفع الهرج الحين

رد : 700الف تنهي خلاف بين الجرابيع عبيده وال جميح الحباب
 

قحطاني متغرب
سعود الحبابي
لاهنتوا على المرور والتعليق

رد : 700الف تنهي خلاف بين الجرابيع عبيده وال جميح الحباب
 

الله يصلح شان المسلمين

رد : 700الف تنهي خلاف بين الجرابيع عبيده وال جميح الحباب
 

الله يصلح الشأن

رد : 700الف تنهي خلاف بين الجرابيع عبيده وال جميح الحباب
 

هذا اللي ضيع المراهقين..
وزادهم إجرام..

اذبح..
صوب..

والجماعه من وراك..
بيجمعون الربع..

والدراهم جاهزه..

وصارت دماء المسلمين.. سهله هينه

رد : 700الف تنهي خلاف بين الجرابيع عبيده وال جميح الحباب
 

المهلهل
العرب الجدد
لاهنتوا جميع والله يصلح الشان ويهدي شباب المسلمين

رد : 700الف تنهي خلاف بين الجرابيع عبيده وال جميح الحباب
 

الله يصلح الشآن

رد : 700الف تنهي خلاف بين الجرابيع عبيده وال جميح الحباب
 

الله يصلح الشان و لا يجيب المشاكل ...

رد : 700الف تنهي خلاف بين الجرابيع عبيده وال جميح الحباب
 

لاهنت يابو فالح

رد : 700الف تنهي خلاف بين الجرابيع عبيده وال جميح الحباب
 

بن فالح شكرا على طرح الموضوع
وصح لسانك ياساسً العرب هذا الكلام الصحيح

رد : 700الف تنهي خلاف بين الجرابيع عبيده وال جميح الحباب
 

الله يصلح الشان

رد : 700الف تنهي خلاف بين الجرابيع عبيده وال جميح الحباب
 

الله يصلح شان المسلمين
وبالتوفيق للجميع

مشكور اخوي الغالي على نقل الموضوع

رد : 700الف تنهي خلاف بين الجرابيع عبيده وال جميح الحباب
 

ياليت يحكم كتاب الله ولاداعي للمبالغات التعجيزية

واغلب القضايا اصحابحا غير مبتلين بمعنى ليست دفاعا عن الدين والنفس والمال والعرض