السلام عليكم جميع
ماجورين والسلامه

في تقديم في شركة فيلا البحرية العالميه وهي شركة تابعة لآرامكو والتقديم ماهوب أكيد انه ألحين بس هو يكون بين فتره وفتره

وشي هالشركه ؟؟

مثل ماقلت هي كانت تابعة 100% لرامكو حيث كان مكتبها في الظهران داخل آرامكو بس ألحين أنفصلت وانتقل مكتبها الرئيسي لدبي بس تبقى تابعة لرامكو
الشركة شغلتها نقل البترول عن طريق السفن لأمريكا وهولندا وشرق آسيا

من تقبل ؟؟
معك شهادة ثانويه حيااااااااك

كيف الشغل ؟؟
بيبعثونك طال عمرك لبريطانيا وتدرس هناك هندسة بحريه , أو هندسة كهربائية , أو ملاحة هذا إذا كانت نسبتك في الثانويه 80 % وفوق أما إن كانت تحتها فبتدرس دورات تقريبا تأخذ سنه في بريطانيا طبعا ثم تشتغل سنتين بعدها يرجعونك تدرس هندسة

وبعد ما اتخرج كيف بيكون الوضع ؟؟
نظام الشغل في الشركة 4 شهور بحر وبتسلتم راتب إذا كنت مهندس تقريبا 20000 ريال على أدنا تقدير ثم 4 شهور مجاز أبد عند هلك وفوقها راتبك الأساسي 11500

كيف أقدم ؟؟
Vela International Marine Limited

P.O. Box 26373

7th Floor, City Tower 2,
Sheikh Zayed Rd

Dubai, United Arab Emirates

Tel: 00971 4 312 3100
Fax: 00971 4 331 5675

www.vela-international.com

أبد لاتفكهم غثهم :075:



تحيااااااااااااااااااااتي وتكغون ا :rolleyes: دعونا بالتوفيق

المشاركة الأصلية كتبت بواسطة زابن العاني يالربع الشركة تبي السعوديين لان الأجانب دجوها وراحو لشركات خليجية ثانيه المهم أنك إذا قدمت بيسونلك إختبار أنجليزي في معهد الحصان اللي في الدمام الأختبار ذا أقولك على بلاطه سهل ولا يعتمدون عليه أهم شي أنك تكلمهم وتبين انك تبي الوظيفة هم بيكرهونك فيها بس معليك مالها إلا رجالها .... أما من ناحيه الدراسه إنت بتستلم راتب 1000 باوند يعني 7000 ريال والدراسة لا تفكر انها صعبه سهله بالحيل المشكله التسجبل بالضبط ماادري متى بالضبط بس هو اكيد في الأيام هاذي أنت بس أسال أي واحد من ربعك في آرامكو عن شركة فيلا وحاول انه يجيب تلفوناتهم وللعم مدير التسجيل واحد زبيري يقاله عزام المشري حاول أنك تجيب إيميله وتراسله وأتمنى أن الشركة تمتلي من عيال العود تحياتي الكلام ذا من واحد من الربع يشتغل فيها

المشاركة الأصلية كتبت بواسطة الصقر الجارح للصحاري فيه امكانيه لموظفي شركة الكهرباء