نصيحة خـــوي النــشامى
 

[poem=font="Simplified Arabic,4,black,normal,normal" bkcolor="transparent" bkimage="" border="solid,4,black" type=2 line=0 align=center use=ex num="0,black"]

قدرة الله بينه من قراها بالكتاب
=وقدرته في خلق عبده بشتى فروقها
لأدمي مخلوق من طين ويرجع للتراب
=وينعمي الغافل اللي جهل طاروقها
اذهنوا يا اصحابنا قبل تفتيش الزهاب
=يوم تـنـساق الخلايق على مخلوقها
الجزاء جنس العمل يامدروت الثواب
=والبشر عند الولي ماتضيع حقوقها
يادواليب الفكر هاجسي ودى وجاب
=والجواهر وسط غبة بحر ويحوقها
ماندور للمجامل لجا الحق الصواب
=والنصيحة تنشرى والرجال التوقها
نعرف أن السيف شامان يمسك بالنصاب
=ونعرف أن مابه يد إلا يد الله فوقها
المراجل عند اهلها عزيزين الجناب
=وكل شجرة طيبه ماتموت عروقها
من يدورها لقاها بعد خوض الصعاب
=ما تجيه هوينه في الضحى وشروقها
بالمجالس لهرجت تسمع الهرج اللباب
=وينصت اللي يسمع السالفه ويذوقها
جودها للضيف والجار واصحاب وقراب
=دونها لآجات خملات ترفا شقوقها
الكبود الضاميه شافت الماء بالسراب
=ترتوي ماترتوي حظها ويسوقها
المراجل ماتهيا لمنزوع الشباب
=لوطردها مالحقها عجز بلحوقها
الرخوم علومها بالوطى مثل الغراب
=لوترقع ماترقع تبين فتوقها
النميمه والحكي بالقفى ونبح الكلاب
=طبعها ياجعل ربي يخيط شدوقها
ليت ولد اللاش ماعاش بالدنيا وغاب
=طاح له في حفرةٍ هافيات عموقها
لو يعيش اقول يارب جعله للذهاب
=ليت بقعاء تحسبه من كبار عقوقها
والزمن لاتأمنه الزمن فيه أنقلاب
=لو يعطيك العطايا يعود يبوقها
وختامها صلوا على المصطفى ورد الجواب
=عد وبل مزون لا حت علينا بروقها

خوي النشامى[/poem]

بيض الله وجهك يا النشمي


قصيدة وافية من وافي

والله مافيها مجاملة اقولة وانا صادق

سجل اعجابي

ولا تحرمنا من الجديد

صح الله لسااااااانك

ابيض وجه وقصيدة جزله

لا تحرمنا من المزيد

أخوك فارس الشواطي

خوي النشامى بيض الله وجهك وجمل الله حالك ...قصيده جزله من راس جزل... سجل اعجابي....

اخوك بليهاااااااااااااان...

ارحب ...ارحب ...
 

بيض الله وجهك ياخوي النشاما

وصح الله لسانك


والله يحييك حساب المطر





اخوك ,,,

صح لسانك ياخوي النشامى


وبيض الله وجهك على هذه النصيحه

صح لساااااااانك ياخوي النشاما

لباااااااااااا قلبك على القصيده الجزززله

اخووووك

ابن عاااااااااااااصم

بيض الله وجهك ياخوي النشاما وصح لســـــــــــــــــــــانك