ســــــــــــــلطان بن وسام الهـــــــــــاجري
 

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه عيني جفا النوم موقها = تسبر سنا برق(ن) رفيفه يشوقها
جعله من المنشا ينثر مخايله = من مزنة(ن) غرا تكاشف بروقها
لا مرها العساس من غب سيلها = عين خباريها ووكد حقوقها
مدهال ذود(ن) ماتقرع من الطنف = لا قرعت بعض الرياجيل نوقها
البل تبي رجل(ن) عزومه قوية = واليا انتوت من دربها مايعوقها
لايسمع العاذل ولا يسمع الردي = رعاية الربله لايبست عروقها
ياما رعينا بمشبل(ن) مارعوبه = اهل الغنيم اللي تدقق ربوقها
مافيه كود الشقارى وخلطها = وفوه الخزامى اللي طوال(ن) عنوقها
ترعا به العفرا ويبني شحمها = عقب الدهر خطرا(ن) تزايد فتوقها
يازينها لا جات عقب المعشى = والنار تشعق والمعاميل فوقها
لامن ضوت عقب العتيم وتذاوقت = وغسلت شمايلها وربشة شقوقها
هذي تغرز من غلاها وقدرها = وهذي يقلط للنشاما غبوقها
واليا اصبحت تسرح على الروض الأدنى = اليا اشرقت الشمس باول شروقها
لاهبها النسناس تشفيك خنته = يكفيك عن ريح الخزامى نشوقها
هذي طراة البل وحنا هل البل = لا طاحت رفوع الوسامي نسوقها
راعي الوظيفه يرتخص من وظيفته = يرعا بها الجازر ويتبع طروقها
كله لعين الشايب اللي يحبها = عود(ن) يقلط للنشاما حقوقها
لايجرح العاني ولايزعل الخوي = وعوق الخصوم اللي وساع(ن) حلوقها
اللي يحب الطيب يلقاه عنده = واللي يدور للمراره يذوقها
ومن لايحوش المرجله في شبابه = اليا انتحت عسرا(ن) وصعب(ن) لحوقها
وختمانها مني صلات(ن) على النبي = اعداد ماتنشي وتبرق بروقها[/poem]

حي والله ذالعين .... يابو حناش ... الكاتب والشاعر والقصيده... كفو كفو كفو
 

[poem=font="Simplified Arabic,4,darkblue,bold,normal" bkcolor="transparent" bkimage="backgrounds/7.gif" border="none,4,gray" type=0 line=0 align=center use=ex num="0,black"]
هذي طـراة البـل وحنـا هـل البـل=لا طاحت رفـوع الوسامـي نسوقهـا
راعي الوظيفه يرتخص مـن وظيفتـه=يرعا بهـا الجـازر ويتبـع طروقهـا
كلـه لعيـن الشايـب اللـي يحبـهـا=عـود(ن) يقلـط للنشامـا حقوقـهـا
لايجـرح العانـي ولايزعـل الـخـوي=وعوق الخصوم اللي وساع(ن) حلوقها [/poem]

اخوي الغالي احمد بن حناش

بيض الله وجهك على ذي القصيده الهايله للشاعر الهايل ابو وسام (سلطان الهاجري)
ومثل ما عودتنا يابو حناش ما تجيب الا المميز لأنك عضو مميز وكثر الله من امثالك

تقبل تحيات اخوك
ابو ابراهيم العبيدي

يامرحبا ارحبوا ثم ارحبوا ثم ارحبوا وعلي الطلاق ان ترحبون يامرحبا ببني عمي خواني والله انه اسعدني مروركم على القصيدة والله لا يهينكم

صح لسان الشاعر
وسلمت يد ناقلها

يعطيك العافية يابو حناش

على القصيدة الجميلة لشاعر غني عن التعريف

ولاهنت

اخوك
مبارك

[poem=font="Simplified Arabic,5,darkred,bold,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
ترعـا بـه العفـرا ويبنـي شحمهـا=عقب الدهر خطـرا(ن) تزايـد فتوقهـا
يازينهـا لا جـات عقـب المعـشـى=والنـار تشعـق والمعاميـل فوقـهـا [/poem]

صح السان ابووسام
وسلمت يمنى ابوحناش
قصيده كفو كفو من شاعر كفو كفو واللي نقلها كفو كفو
ويكفي ان القصيده لسلطان الهاجري (الأمبراطور )
بيض الله وجهه اللي غنا في عطايا الله (البل) وهي والله في وقت سابق تطقق روس الرجاجيل عندها
وقد سميت سمحات الوجيه ..
اخوي احمد بيض الله وجهك على المشاركه الجزله والوافيه ...
بس ترى اخر مره نسمح لك تكتب لسلطان الهاجري ..نبيه طال عمرك هو ينزلها بنفسه في الموقع
مثل ماسبق ان وعدنا .. وانت اللي موجه الدعوه له ..المهم ترانا ننتظره ..بفارغ الصبر .

اخوكم
خالد

اخوي مبارك كل عام وانت بخير والله لا يهينك على مرورك

فــــــــــــــارس قـــــــــحطان
لاهنت على مرورك وكل عام وانت بخير

ارحب على الطلاق ان ترحب ياكحيلان
وانت تامر علي مثل اخوك الصغير انا كلمت سلطان الهاجري بنفسي ووجهت له دعوه وهو وافق على تواجده بالموقع ومساندة بني عمه ولا هي غريبه على سلطان الهاجري لانه يمثل قــــــــحطان بالنسبه لتواجده هي مسألة وقت وابشروا بمشاركة سلطان بنفسه

لا هنت يا بن حنا ش على هذه الرائعة وهاذي من عوايد ك ونا اخوك

دائما جزل ولا تجيب الى جزل وهذا من طيبك

تســـــــــــــــــــــــلم مليـــــــــــــــــــــــــــــــــــــــــــــــ ــووووووووووووووون

تقبل تحيات =========== اخـــــــــ هاوي نجد ــــــو ك===============

الله لايهينك يابو عبدالعزيز وافي ولا تجيب الا وافي وهذي من عوايدك ياكحيلان



اخوك الصغير عبدالله

مرحبــــــــــــــــــــــا الف ياابو حناش ومشكور جزيل الشكر على هذه المشاركة الجميله
يامرحبـــا ترحيبت الضيف بالضيـــــــــــــــــف
ترحيبة تنصا صبي الفعايــــــــــــــــل
أخوك/ محمد علي بن ناله الزهيري

أحمـــــــــــــــــــــــــــ بن حناش ــــــــــــــــــــــــــــد العرجي
و
ن
ع
م
بالناقل والمنقول .. ولاتحرم أخوانك في المنتدى من القصايد اللي أنت خابرها ,, الله يخليك لي ولشيبانك ولعين ترجيك قل آآآمين

ألاخ/ علي مسيت بالخير وأرجو منك إرسال لي قصة(( حيد الثعل )) التي أسمع بها في قرية الفيض أو من يعرفها القصه والقصيده ومشكور جزيل الشكر كماء نطلب من الاخ / احمد بن حناش الموافقة على طلبك وأبيض وجه

الله الله يااحمد كلك ذوق طال عمرك صح لسااااااانك ولسااااااان الشاعربين عليك تحب البروالطعات شوقتنا يابوحناش
طول الله عمرك سلمت ود مت وسلم على الشايب بس لا تقول الشايب يزعل علي نحتاج مثل هالا صاله
تحياتي لشخصك الكريم والرحب تراحيب المطر

رد : سلطان الهاجري (كله لعين الشايب اللي يحبها)
 

احمد بن حناش اررررررررررحب والله يحييك

لاهنت علي نقل هذا الرائعه للشاعر سلطان الهاجري

بيض الله وجهك اختيار اكثر من رائع

وهذا من طيبك جعلك في خير يالغالي

رد : سلطان الهاجري (كله لعين الشايب اللي يحبها)
 

صح لسان الشاعر

والف شكرا لك يالغالي

رد : سلطان الهاجري (كله لعين الشايب اللي يحبها)
 

مـــــــــــــــــــــــــــــــــــــــــــــــــ ــــــــــشكو يابوحناش

رد : سلطان الهاجري (كله لعين الشايب اللي يحبها)
 

صح السان الشاعر وبيض الله وجهك على النقل الرايع