|
مشعل بن مترك بن محمد شفلوت في قصيدة رثاء في جده الشيخ مترك بن شفلوت
قصيدة رثاء في جدي الامير/مترك بن ذيب بن شفلوت رحمة الله
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"] يالله ياللي عالم بكل الاحوال= يامن له العالم عبيدٍ تطيعه ياخالق اجيالٍ ويامفني اجيال= ياباسطٍ سبع ٍ وسبع ٍ رفيعه يارب جاني بغربتي مثل زلزال= كن الحنايا من اثرها شليعه قالوا توفى جدك وبكره يشال= قلت الله اكبر من عظيم الفجيعه يارب ثبتنا لامن جات الاهوال= ويارب لطفك من خطايا الجزيعه ماحتالت الدمعه ولا جسمي احتال =هليت دمعي للي حبه طبيعه لاحدٍ يلوم الدمع لا صار همال= بعض المواقف في اثرها فضيعه نبكيك ياشيخ ٍ رقى النايفة وطال= ياللي مكانك دايم ٍ في الطليعه ياجد تبكيك العرب حضر ورحال= وتبكي الصبيخه والعزا بالرفيعه تبكي الذي فعوله سمينات وجزال= بدَا خويه لو حلاله يبيعه لاقال شي ٍ برهنه لك بالافعال= صادق ولا يعرف طريق الخديعه ماسكَر ابوابه ولا لدَها اقفال= يامتعبٍ ناس ٍ تقلد صنيعه زال العمر لكنَه الذكر مازال= طِيبٍ بقت كل المنابر تذيعه نسل الشيوخ اللي زحازيح وابطال= روس ٍ تقداح للملاقى شجيعه لا مات شيخ ٍارتكى عقبة رجال= زحولٍ تسابق للمراجل سريعه اخوان رثعا اللي رقا طيبها وجال= ربع ٍلهم في الطيب نهج وشريعه ويالله يامنزل تبراك والانفال= ويامنزل عمَى ومنزل تبيعه ترحم لنا شيخا عن الدين مامال= ماحاد لاشايب ولا في ربيعه رجِحَ موازينه لا جا وزن الاعمال= واجعل نبيك بالقيامه شفيعه وختامها صلوا عدد وابل سال= على نبي ٍ مرسلٍ للوسيعه[/poem]
مشعل بن مترك بن محمد بن شفلوت 8-12-1425هـ
|
صح لسانك يا مشعل والله يحسن عزاكم ويعيظكم في كل فات بخير والحقيقة ان الفقد واحد على عبيدة وقحطان كافة |
صح لسانك اخوي مشعل واحسن الله عزاكم وعزانا جميعاً في وفاة الأمير الشيخ / مترك الله يغفر له ويعلم الله ان مصاب فقده جلل اخوك ابوابراهيم العبيدي |
صح لسانك اخوي مشعل
واحسن الله عزاكم وعزانا جميعاً في وفاة الأمير الشيخ / مترك الله يغفر له ويعلم الله ان مصاب فقده جلل |
ارحب ارحب يامشعل وصح السانك صح السانك الله يغفر للشيخ /مترك ويرحمه ويسكنه فسيح جناته واموات المسلمين والحقيقه ان الشيخ فقيده على قحطان كافه والله يعظم اجر الجميع اخوي مشعل يسعدنا ويشرفنا انتسابك لشبكة قحطان وجودك معنا دعم معنوي للموقع والله يحييك بين ربعك واخوانك ويتضح لنا من خلال قصيدتك ان شاعر متمكن ..ونحن بإنتظار مشاركات القادمه انشاءالله .. اخوك خالد |
اررررحب يامشعل وصح لسااانك على هذي القصيده وابوذيب فقيد قحطان كلها وان شالله تعود من ديرتك بالسلامه :) اخوك وليد بن مسفر القويفل |
الله واكبر
بسم الله الرحمن الرحيم نسل الشيوخ اللي زحازيح وابطال 000روس تقادح للملاقى شجيعه لامات شيخ ارتكى عقبه رجال 000زحول تسابق للمراجل سريعه اخوان رثعا اللي رقى طيبها وجال 000ربع لهم في الطيب نهج وشريعه الله عليك يامشعل بن شفلوت ----قصيدة رائعه جدا جزاله في المعنى وروعه في التصوير الحقيقة انا جديد في الكتابة في الموقع وكنت في السابق مجرد قارئ وقد لفت انتباهي هذا الكم الهائل من القصائد في هذا الامير الفقيد وانا في الحقيقه احببت هذا الامير من حب الناس له والدليل هذا الكم الهائل من القصائد الرثائيه وكذلك كثرت المعزين في هذا الموفع و المواقع الاخرى والحقيقه يامشعل لقد اثرت في نفسي هذه القصيدة وتصويرك للدموع فيها لما لمست فيه من صدق لقربك من هذا الفقيد جدك الامير مترك والان لايسعني بعد هذا الكلام الا ان اقدم لك التعازي الحاره من اخوك ابو لينا في وفاه فقيدكم فقيد قحطان وكذلك فهو فقيد علينا نحن القبائل الاخرى لما سمعنا عنه من ماثر رائعه و صفات قل ان تجدها في هذا الزمن الشحيح فقد جمع هذا الفقيد مابين الدين وصفات الرجوله والزعامة كامله وهذا اتضح لي من خلال القصائد التي قرأتها في رثاءه سواء في هذا الموقع او في مواقع اخرى او من خلال الصحافه ومع الاسف انه لم يتسنى لي مقابله هذا الرجل الرائع من قبل الامير /مترك بن ذيب بن شفلوت0 اخوك التميمي/عبدالرحمن بن حمد بن عبدالرحمن المغامس المشرفي الوهبي التميمي |
^
^ ابو لينا الظاهر داخل بيوزر خويك مشعل :) على العموم ترى فعلت يوزرك ابولينا |
شكروعرفان
فارس قحطان الله يعطيك الف مليون عافية على تنشيط العضوية والسماح لي بالمشاركة بمنتديات قحطان واشكر على المجهودات التي تبذلها لتحقيق رغبات المشتركين والاهتمام بهم اخوك ابو لينا |
صح لسانك يابومترك ..
اقتباس:
|
شكرا ابو لينا على نقل هذه القصيده الرائعه من شاعر رائع فكم كانت هذه الابيات جميلة جدامن قريحته وهو في غربته التي تبعد عنا بعشرات الساعات بالطائره
فأبلغه السلام وشكرا لك وله،،، اخوكم عبدالله |
صـــــــــــــــــــــــــــــــــح لسانك يابو مترك ورحم الله الشيخ مترك
|
رد ولو انه مع الاسف متاخر
شكرا اخوي عوض المناديه والله يرحم ميتنا واموات اخوانا المسلمين
اخوك\ مشعل بن شفلوت |
اخواني الغالين :
ابو ابراهيم العبيدي ابن شويه خالد الله لايهينكم على كلامكم الطيب والله لا يريكم مكروه في غالي اخوكم \ مشعل بن شفلوت |
فارس قحطان , ابولينا , عبيدي الدمام
كلام طيب لا يأتي الا من ناس اطيب ومشكورين على ردودكم ولو انها جات مني متأخره فارس قحطان سلم على الشايب كثير السلام لانه من الاصدقاء القدامى لابوي واللي يكن له كل معزه وذكريات طيبه اخوكم \ مشعل بن شفلوت |
عبدالله القحطاني , محمد الزهيري
مشكورين على ردودكم ولاهو بغريب الطيب عليكم لانكم اهله اخوكم \ مشعل بن شفلوت |
رحمة الله على الميت ومشكور على القصيد الجزله والمعبره عن نفسها
|
صح لسانك وبيض الله وجهك ومهما قلنا من القصايد ماراح نوفي الشيخ مترك الله يرحمه ويسكنه فسيح جناته
|
اخوي الغالي محمد الزهيري مشكور على كلامك الطيب وانت من رجال كلامهم مؤثر وله وزن
اخوك \ مشعل بن شفلوت |
اخوي شبل قحطان ما قصرت يالغالي والله لا يهينك على كلامك الطيب ومشاعرك الصادقه
اخوك \ مشعل بن شفلوت |
اقتباس:
صح لسانك وقول على فعل تذكرت قصيدة الشاعر محسن بن منيجل- رحمه الله - يوم توفى جدك مترك وجاء بعد اخوه ذيب - عليهم رحمة الله - حيث يقول يا نحمد الله يوم ذا خوه بدلآه = ضياغم تعمي عيون الحريبي. رحمهم الله جميعاً وطرح البركة في من بعدهم. وبالتوفيق ان شاء الله في دراستكم وعن قريب نقول لكم عوداً حميداً |
ارحب يا حسين بن علي ال حمدان تراحيب المطر , الحقيقه ابو علي انا من المتابعين لمقالاتك
وابداعاتك اللي اثريت بها الموقع , واللي لمسته من كتاباتك انك رجل مثقف وملم ومثلك مكسب كبير للموقع . اخوك \ مشعل بن شفلوت |
صح لسانك يامشعل
وادعو له بالمغفره وان يسكنه فسيح جناته |
| الساعة الآن 06:30 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com