|
للي يبغى الفايدة يدخل
[frame="10 80"]السلام عليكم ورحمة الله
أبحط هالموضوع وأتمنى إنه يعجبكم وتشاركون فيه............. ياليت كل واحد يختارله شخصية ذات جاه أو منصب في الوقت الحالي أو في الماضي ويتكلم عنه وعن أفعاله وما قدمه لربعه ولدولته ومن هذا الكلام علشان الواحد يفتخربهم ويرفع راسه بذكرهم وسلامتكم [/frame] |
رد : للي يبغى الفايدة يدخل
جزاك الله خير
والله موضوع حلو |
رد : للي يبغى الفايدة يدخل
بسم الله الرحمن الرحيم
معجب المسردي الفريق المتقاعد حينما كان امر القطاع الشرقي جاه مطيري بمعروض يبي يتعسكر في حرس الحدود ودارت المعامله ولالقيوا له رقم لكن الناس ماخلوا احد في حاله استشار خبيث وقال قدم بكره واكتب اسمك واخره اكتب القحطاني والمفاجاه انه تعين ؟؟؟؟؟؟؟؟ اخونا المطيري اخذ المعروضين الاول باسمه الحقيقي مع الرفض والثاني باسمه الكامل مع تغيير اسم القبيله الى امير المنطقه الشرقيه == استدعاه الامير واول مادخل رفع المعاريض وقال افا ياسعادة اللواء قال حلمك طال عمرك ويش الموضوع قال له الامير هذي واضحه الحميه القبليه فيها وانت مسؤول في الدوله ومانت ببيت ابوك قراها وعرف الحيله قال له يا طويل العمر انا مامون على اطول حد من حدود المملكه ولي في الرجال خبره ابي ناس يعنوني واعناهم ويحرصون على واجبهم ماهم بسلافع يمضغون علك والمشتكي كان يمضغ ضحك الامير واعجبته بديهة ابو محمد=== ومحمد بن فهد رجل مواقف شجاع في اتخاذ القرار اذا اطمئن له قال الامير انت موصول الثقه وانت ياولد عدل نفسك وقدم البلد مليان وظائف |
رد : للي يبغى الفايدة يدخل
بسم الله الرحمن الرحيم
السلام عليكم ورحمة الله وبركاته موضوع جميل ومميز ولـــــــي عـــــــوـوـوـوـو ده لاهنت |
رد : للي يبغى الفايدة يدخل
لاهنت وجمل الله حالك موضوع مفيد ويرفع الراس
القصص واجد والمفاخر واجد لكن في جيلنا الحالي انا اشوف ان العسكري اللي يخدم ان علمه غانم لاننا كلنا نعرف جزاء العسكريه للمتهاون ونقل وغثاء له اول ماله تالي هذا طول الله عماركم العقيد محمد بن فهد العضو ال عبدان العاطفي كان في كتيبه وعنده وكيل رقيب ضويري عاطفي والضويري ماعند شيبانه الا هو قال العضو رح ياولد وعطني لك رقم بين اوصلك به ولاعاد اشوفك الين اتصل عليك وخذا ثلاث سنين وكل العلوم طيبه جاهم تشكيل ونقلوا العقيد لكتيبه ثانيه واتصل على الرجال قبل ينقل وقال داوم مع الرياجيل تراهم نقلوني بيض الله وجه عند بني عمه ... واخوه المقدم حمد العضو في الشرطه العسكريه بالحرس سجن واحدن قحطاني وسعى في موضوعه ووصل العلم لقائد الشرطه العسكريه عتيبي واتصل على العضو وقال لاتدخل في موضوع السجين هذا موضوعه عندي قال العضو خير ان شاء الله وراح من ساعته وطلع القحطاني فزعه وحميه يوم شاف العتيبي مستقصد الرجال عقبن نقلوه الرياجيل للشمال وخذا كم سنه هناك فيها كل هبة ريح مقناص ومرباع وعلومن غانمه ورجع للرياض ============ يوم جاء يومن من الايام والقى واحدن يأشر على الخط واركبه معي على دربي انا يامحاكيكم واسولف انا واياه عرفني بنفسه عبيدي من اهل الجنوب ويشتغل في الشمال قلت وش عندك وين انت رايح قال عندنا مقدم لحيتن غانمه عطاني شهر من راسه وقال رح لربعك وسلم عليهم واذا خلص الشهر اتصل علي من هناك قلت من هو ذا المقدم قال حمد العضو ============================= عز الله صدق راعي المثل ( افعل والناس تكفيك) |
رد : للي يبغى الفايدة يدخل
بارك الله فيك
|
رد : للي يبغى الفايدة يدخل
اقتباس:
اضم صوتي لصوتك,,,وبيض الله وجهك ووجه معجب المسردي عز الله علومه غانمه ووافيه |
رد : للي يبغى الفايدة يدخل
والله يالعذر على كيف كيفك
|
رد : للي يبغى الفايدة يدخل
اشكر كل من قام بالتفاعل مع هذا المنتدى والموقع الرائع واسال الله ان يجعلها بموازين حسناتهم
اجدتم وافدتم |
رد : للي يبغى الفايدة يدخل
اقتباس:
والله ونعم بالمسردي قصه اول مره اسمع عنها وهذي علوم المسارده بيض الله وجيهم |
رد : للي يبغى الفايدة يدخل
الفريق معجب المسردي ابيض وجه منا الى يوم الدين والله ما خدمني غي اي موضوع ولكن ذكره الطيب ينومس كل قحطاني
|
| الساعة الآن 10:04 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com