|
بني هاجر عبيده ( خلان اشدتها)
بسم الله الرحمن الرحيم السلام عليكم ورحمة الله وبركاته هذا ما قاله شعراء بني هاجر وبني هاجر اعرف بنسبهم سبب طرحي للموضوع ردا على بعض المشككين في نسب بني هاجر انهم ليسوا من عبيده وبعض الاخوان الله يهديهم ويجزاهم خير نسبوا بني هاجر لقبيلة شريف قحطان وشريف كل يتمنا انه منها قبيله لها تاريخا ومفخرة لقحطان كافه وهم عضودنا وحنا عضودهم لي حزة الحزه ارجوا ان تتقبلوا موضعي بصدرن رحب يقول الشاعر عمير بن عفيشة " رحمة الله " [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] يا غتــــــير بالقبائل وتاريــخ العرب=جدنا اللي سبع الافيا شكوا حرايبة حن بني ضيغم عبيدة عربين النسب=من بني هاجر وقحطان حن ضرايبة[/poem] ويقول ايضا : [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] ياسعيـد كــــــــان تسـال جـد وتحفيـد =لــــــك معنـوي باصلـنـا تستفـيـده يمكن علـيـــك نـــزل بالخبـر ونزيـد =الا انـشـــــد التـاريـخ تلـقـا وكـيـده حنا الذي يضرب بنا الوصف ياسعيد =ضياغـم مـن روس جنـب وعبـيـده وهواجر يوثق بنـــــا فـي المعاهيـد =وقحطـان ابونــــا حافظيـن رصـيـده[/poem] وابن عفيشه شاعر بني هاجر عامه ولا يمثل ال شهوان المخاضيب فقط ويقول أيضا : [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] ابن يعرب ابنا بأس ونعارة=بني هاجر عبيدة نسل ضيغم لنا التاريخ مثبوت قرارة=ومن قحطان ابن هود نسبنا [/poem] ويقول ا [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] سور الجبل حاميه عمن يريده=ومحمد اللي لبس تاج المقاليد ضياغم من روس جنب وعبيدة=حنا وهم عصبة بعد وتأكيـد قحطان أبونا حافظين رصيده=هواجر يوثق بنا في المعاهيد[/poem] يقول الشاعر الكبير سالم بن نويمي ال فهيد الله يرحمه: [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] من نسل سلطان العبيدي ننتسب =ايضا ولانرث على الجار الكدر [/poem] ويقول [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] حنا بني هاجر وقحطان نسبنا=من ساس سلطان العبيدي قحاطين نمشي على الدنيـــا لو ماهوتنا=جنوب ولا للوســـــامي شديدين[/poem] يقول الشاعر الفارس راشد بن انشيرة ال منيف " رحمة الله [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] ان كنت نشاداً عن الموت ياسعيد=فأنحر بني هاجر وتلقى زهاللك من لابتا تقبل على الموت وتزيد=صوبك ولا ينفعك منه غوابك من ساس سلطان العبيدي وله نزيد=هواجرن معها الوهن في شبابك فان طعتني ماعاد ينفع لك الفيد=غير اطرد الشيطان والزم صوابك[/poem] الشاعر : سالمين بن طالب ال شهوان " رحمة الله " [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] حن بني ضيغم عبيدة عريبين الجـدود=من بني هاجر وقحطان ساس اركانها دق طبل الملعبه وعل صوته للصعود=لين يذن الله اكبـر علـى شيطانهـا[/poem] يقول الشاعر مطلق بن ناصر ال محمد الهاجري [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] حنا بنـي هاجـر عريبيـن الجـدود=حـنـا لسلـطـان العبـيـدي ننتـمـي هواجـرٍ نرجـع لقحـطـانٍ وهــود=وضياغمٍ سلطان ابونا الضيغمي [/poem] الشاعر : سالم الصويتي من الشباعين " رحمة الله " [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] قلته وانا من غلمة آلاد منصور=حريبنا دب الدهر في ملاله[/poem] الشاعر ناصر بن سعود بن سالم الهاجري: [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] هـواجـر خـصـيـمـنــا يمه انحـول=لا نتقي مـنـــــــه ولا نلتجيله من صلب سلطان العبيدي له انسول=والجد قحطان الذي ننتميله[/poem] الشاعر العقيد / فهيد الحافرال فهيد " رحمة الله " [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] قحطان ساس العرب وحنا لة اعيال=هواجرمن قبل عصر الصحابة ضياغم ٍ لا جاء نهاراً فية اهوال=حنا شبوب الحرب حنا سبابه[/poem] يقول الشاعر شالح الخنفري القحطاني في بني هاجر : [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] شافي ووسام وحمد وابوكبدين=ربعك هواجر سعد من هو نصاها سموك سلطانن سلالة سلاطين=تنسب وضيغم من اخيار اشعارها[/poem] يقول الشاعر الكبير مبارك بن شحيمان ال فهيد : [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] هواجر يأمن من الخوف جـــارها=وعون الضعيف ايلا ترددت مكاسبة وأرجع عبيدي ساس جدي وعزوتي=ما نيب من اللي ضايــعات مناسبة انا من اللي خـــيلها ترهــق العــــدا=قحطان هم ساسي وقحطان عاربة[/poem] ويقول : نهار بن محمد بن سحمي آل زايد [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] حنـــــــا بنـي هاجـرٍ خـلان الأشــده=حنا الضياغم عبيده نسـل قحطانـي تاريخنــا أمن الخليج الـى بحـر جـده=كل العرب تذكره فـي كـل الأوطانـي صبينــــــا بالمراجـل واصـل(ن) حـده=والطيب قدامه عينه صار نيشاني ومن كان حنـا خوالــه يعجبـك هـده=شبره على شبـر غيـره زاد ذرعانـي فينا الكرم والصخا مـن يقــدر أيعـده=وفينا الوفا كلنـا شيـب (ن) وشبانـي دايم وحنــا على الهقـوات فـي الشـده=والجار فـي حدنـا فرحـن وطربانـي ماهمنـــــا هرجـت الهـراج فـي عـده=الشيخ شافي علـى الشيخـان ربانـي كم شيخ قوم (ن) وسمنا في اللقا خـده=وأصبح يجر المذلـه عبـر الأزمانـي وكم حاكم (ن) يحكم أبلاده وحن عضده=ماهمه قلبت حكـم أو غـدر قومانـي[/poem] ويقول الشاعر سعيد بن شايع الهاجري : [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] حنا وعبده نسل ضيغم الاولـــي=حنا بني هاجر وضيغم جدنا من راس قحطان العريب العبدلي=حنا عبيده ما نضيع بدنـــــا[/poem] الشاعر : فهد بن ناصر ال شافي [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] بمدح ربعي وامدح الجد قحطـــــان=ربعي هل الافعال في كل غارة ضياغم (ن) والجد معروف سلطان=اسلم حنـــا له وللحرب ناره[/poem] الشاعر : فهد بن دلباح [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] ربعي اللي لابدا الازم تبين=لابدا وقت العسر والمعضلات حن بني هاجر عذاب المعتدين=الضياغم متعبين المسرجات من عبيده ضلع قحطان المتين=جدنا هودٍ عليه ازكى صلات[/poem] الشاعر : هادي بن مبارك الهاجري [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] من لابتن تعـرف نهـار الملاقـاه=هواجـر تـرد الخطـر ماتبـالـي والجد سلطان العبيدي حفظنـاه=قحطان تفخر في جنـوب وشمالـي وكل القبايل وافيه بالمثاراه=والطيب قسمه من عزيز الجلالي[/poem] الشاعر : عبدالله بن علوش [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] ولو حنا شوين ما علينا=زهمنا الجد الاول من جباله يجي قحطان في لازم عبيدة=وترقى له عبيدة وتحماله[/poem] الشاعر : عامر بن راضي الكدادي : [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] هواجر من بني ضيغم عبيدة والنسب قحطان=مراسيل لملك الموت يأمرها وينهيها نزلنا في الجنوب ونجد برجال وقنا وسنان=على قب المهار اللي المنايا في نواحيها[/poem] قال الشاعر فلاح بن عايد الشمري في ناصر بن مذكر آل شافي وبني هاجر عبيدة قصيده موجهه لبني هاجر ، ناصر بن مذكر آل شافي : [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] هذا ذكر يا بن مذكر لأصول الجدادي=حـنــا ويـاكــم بـنـسـب مـــن عـبـيــده حـنــا بـنــي ضـيـغـم كـــلام وكــــادي=وعبـده بـنـي ضيـغـم وهـاجـر حفـيـده وحـنـا ويـاكـم مـــن سـنـيـن بـعــادي=أصـحـاب وأحـبـاب ونـصـح وعقـيـده [/poem] قصيده للشاعر الكبير / دليهي بن عبدالله بن الحضرم الكليبي رحمه الله [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] انـا ابـن كليـب ابـن راشـد وجـدّه=علي ابن محمد الحصن الحصينا ابـن عـلـي المـجـرب بالمـواقـف=ابـن منصـور ابــن ضيـغـم ابيـنـا ابـوه منيـف ابــن ضيـغـم وجــدّه=منـيـف الـلــي يـنــوف النايفـيـنـا ابــن جـابـر ابــن عـلـي وتـنـشـد=وتـلـقـالـك رجـــــال ٍ بـاخـصـيـنـا وعـبـد الــرب أبــو عـلـي وجــدّه=ربـيـع وخــل مـنــك المغرضـيـنـا نسـل سلطـان سلـطـان العبـيـدي=عـزيــز ٍ مـــن رجـــال مجربـيـنـا ابـن عـبـد ارحـمـان وروح جــده=وحـنّــا مـــن خـلـفـهـم ناسـلـيـنـا وسميـنـا الهـواجـر مـــن طـنـانـا=هجـر منـصـور ربـعـه الاقدميـنـا نـسـل منـصـور مافيـهـم مـغـالـط=خـــــوان ٍ اربــعـــه و مـذربـيـنــا طريف وعلي وعبدالله على امـه=يجـي شهـوان زيــزوم الضعيـنـا وحـنّــا جـدّنــا جـنــب الـمـسـمـى=وحــنــا روس جــنــب الاولـيــنــا عـبـيـده امّـنــا مـــا فـيــه مـنـكـر=ولابــــــه ام يـنـكــرهــا جـنـيــنــا ابـوهـا مــا خـفـى ذاك المهلـهـل=وهـــي لـيـلـى غـــرام الطالبـيـنـا عـبـيـده ساسنـــــــا الاول وحنـا=عـبـيـده في زمـــــان الحاضرينـا [/poem] الشاعر محمد بن سيف بن علي بن شاهين الشعامل ال محمد الهاجري ولد في عام 1310هجري _ 1892 ميلادي في جوف بني هاجر بالا حساء وعاش في دولة الكويت ويعتبر من الشعراء البارزين وله الكثير من القصائد في المدح الوصف والرثاء وتوفى رحمه الله عن عمر يناهز 104 سنوات سنة 1996 ميلادي_ 1417هجري وقد اخترت بعضا من قصائده [poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] قال ابن سيـف هيـض الصدربالغنـا =يزمـل بيـوت الشعـر ينظـم جوابـهـا البـارحـه ممسـيـت والعـيـن كنبـهـا =زنجـار مـن عـود العويـدي لجابهـا والصـدر محشـاد علـي كنـه لازمـا =مـوج يغبـي مـا بـدا مــن هضابـهـا تدافر بي العبرات ما حـرزت اكنهـا=خطيـر علـى لنجـاف منهـا خرابـهـا تهيضت واللي هاضني نوض بارق=يـعـزل مــزون ينـثـر الماءربـابـهـا جعلـه علـى الـديـره عـمـوم يعلـهـا=سـال الجبـل منهـا ويسقـي ترابـهـا مـدهـال حيـانـي وربـعــي ودنـوتــي =دهم السحايـب جعـل تسقـي ترابهـا ربـعـي بـنـي هـاجـر حـمـا كــل دنــا =الى اختط عج الرمـك مـع ضبابهـا عـيــال سـلـطـان الـعـبـيـدي جــدنــا =نـروي السـلايـل لاقبضـنـا نصابـهـا وحـنـا قحاطـيـن الـــى عـــد عـدنــا =كبارالخسـايـر مانحـسـب حسـابـهـا قـحـطـان ابـونــا نفـتـخـر بـأفـعـالـه =وافعـالـنـا كــــل الـقـبـايـل درابــهــا كـــم شـيــخ قـــوم بـنـحـور لابـتــي=عـلـيـه الصـبـايـا مـزعــن ثـيـابـهـا بمنحشـات ضربـهـا يقـضـي الـلـزم =ومواصـلات سمهـا فــي اضرابـهـا ومـن بعـد ذا يـاراكـب فــوق حـايـل =ست سنوات ما سعـو فـي ضرابهـا على غاية المطلوب ماهيـب فاطـر=سـديــس ولا تـــو مــاشــق نـابـهــا عليهـا العقيلـي والعنينـي ودشنـهـا =ودويـرع يـزهـى المنـاكـب هبابـهـا صعاطيرها في الراس مـا ينفختهـا =طــيـــب وت_ ركــايـــب نـجـابــهــا لا هــاوز الـركــاب لاكـــن عيـنـهـا =شـيـهـانـة لـسـمـعــة اللـيـدعـابـهـا اتــــل راعـيـهــا ومـــــرن يـتـلـهــا=ولولا الصريمه كان ما عاد جابهـا بلـغ سـلامـي لــه وعــم الجمـاعـه =واختـص لـي شيبانهـا مـع شبابهـا اهـل الكرامـه والشهامـه والصخـا =واهـل السمـوت اللـي لذيـذٍ جنابهـا وصـلـو عـلـى سـيـد ابـرايـا محـمـد =عسـاه لنـا يشفـع الـى جـا حسابهـا [/poem] منقول من اخوي ,نهار بن محمد بن سحمي آل زايد الهاجري العبيدي عضو منتديات ( عبيده الزحام ) هذا وصلى الله وسلم على نبينا محمد |
رد : بني هاجر عبيده ( خلان اشدتها)
لا هنت على التو ضيح
ونعم بربعنا ..................................... |
رد : بني هاجر عبيده ( خلان اشدتها)
اقتباس:
الأخ الكريم : فلاح ال راكان ,, من يشكك في الحربه الفاريه التي شبت نيران الحرب من جنوب الجزيره العربيه مرور ا بالدرع العربي وحتى المنطقه الشرقيه من يشكك في تاريخ قبيلة الهواجر التي هي أساس لإيقامة أحد الدول الخليجيه بل ساهموا في دعم وتأسيس أكثر الدول الخليجيه من يشكك في تاريخ أبناء سلطان العبيدي من يشكك في تاريخ : حنا بني هاجر عبيده عريبين النسب ******وحنا بني هاجر وقحطان حن ضرايبه نرد ميراد الضوامي على جال الثغب *****مارد المحسوم بين المرج والعايبه لن يشكك في تاريخ الهواجر سلايل عبيده إلا المؤرخين الجدد الذين لايعرفون أو يفقهون في التاريخ شيء شكرا لك ,,,,, |
رد : بني هاجر عبيده ( خلان اشدتها)
اقتباس:
اررررررررررررحب يا الوهابي ولا عليك زود يا القر م اسعدني مرورك |
رد : بني هاجر عبيده ( خلان اشدتها)
اررررررررحب يابندر والله اني صادق
ما عليك زود مدد بلا عدد المشكله ان بعض وليس كل المؤالفين الجدد شتتوا العالم واختلط حابلهم بنابلهم ولاكن كل قبيله حافظتن بدها يابندر ولا يصح الا الصحيح شرفني مرورك وتعليقك يا القرم |
رد : بني هاجر عبيده ( خلان اشدتها)
أخوي فلاح آل راكان
والله مافيكم شك وإنه مايفرقنا حنا وإيا كم إلا اللي يفرق اللحم من الدم أنتم طال عمرك إخوان وساعد مافيه مفصل وتشرفون قحطان كلهم فعلكم الغانم تقبل من أخوك خالص التحيه ......... |
رد : بني هاجر عبيده ( خلان اشدتها)
ارحب يا فلاح وتاريخ بني هاجر معروف عند القاصي والداني
ومعروف ان بني هاجر من عبيده وهم ربعنا يشوش الراس لاجا ذكرهم واللي يشكك في ذلك اعرف انه مريض عقل ودمت لمحبك ابن دغيم |
رد : بني هاجر عبيده ( خلان اشدتها)
اقتباس:
ارحب يابو مبارك ترحيبة الحيا جعل اللي مثلك يكثرون انا والله شفت مو ضوع منزله احد لاخوان وكثر النقاش فيه ولا ودي ادخل في نفس الموضوع حتى تجنب اما محسة رفيق ولا زلتن يجبها الشيطان وهي على غير قصد فنا نزلة موضوعي حتى اكون انا المحاسب عليه ومرورك وتعليقك والله انه شرف يابو مبارك |
رد : بني هاجر عبيده ( خلان اشدتها)
اقتباس:
ارررررررررررررحب يابن دغيم حي والله ذا البنايد عيني فلا هلت يابن دغيم دمت لمحبك بعد |
رد : بني هاجر عبيده ( خلان اشدتها)
بيض الله وجهكـ يا فلاح ولاهنت على هالموضوع الذي لا يدع مجالاً للشكـ في نسب بني هاجر في عبيده فأنا استغرب من بعض الكتاب في المنتديات الذين يحرفون ويشككون في نسب بني هاجر في عبيده دون دليل صريح فانا اطلب منهم ان يأتوا بقصيده او قصيدتين من احد شعراء آل محمد او المخظبة من قديم او في وقتنا الحالي ينسب فيها بني هاجر في شريف وللاسف ان بعض هؤلاء ياتون بقصائد وابيات ويفسرونها على هواهم وعلى ما يشتهون ولا ينظرون الى هذه الابيات اللي ذكترها يا فلاح واخيرا لاهنت يا فلاح على هالموضوع القيم وآسف على الاطالة .. |
رد : بني هاجر عبيده ( خلان اشدتها)
اقتباس:
ارحب يامالك بن ادد ترحيبة الحيا اللي مزعلني وانا اخوك بعض الاخوان المؤلفين وينهم من ذا القصايد والوكاد ان مرورك عطر الموضوع لك كل الاحترام مني |
رد : بني هاجر عبيده ( خلان اشدتها)
ارحب يافلاح
الي يقول غير كلامك لاترد له الناس اشتبهوا في تطابق الاسماء مثل بني هاجر شريف الي منهم ال داوود ومنهم عاطف الهرمس وهي تشابه اسماء ليس الا لدي موضوع لازلت اكتبه يبين عبيده البطون وعبيده الظهور لانه حصل خلط عند الكتاب وحطوا البطون جد اسمه ابطن والسلفه غير كذا تقبل تحياتي |
رد : بني هاجر عبيده ( خلان اشدتها)
والله ونعم بكم سواء من شريف والا من عبيده ..
لكن ودي تنشد لك عبيدي من الجنوب وتقوله عينتو بلاد عندكم للهواجر وشف وش بيرد عليك ..!! اما لو نشدت شريفي وقلت له عينت بلاد الهواجر عندكم بيقولك اي بالله ان بلادهم في الحرجه وعاد فيها من الهواجر قوم .. |
رد : بني هاجر عبيده ( خلان اشدتها)
اقتباس:
حياك الله يا ابن صلام.. هذا بارك الله فيكـ ماهوب دليل صريح مثل ما هالابيات والقصايد ذكرت نسب بني هاجر بالتفصيل الصريح..؟ |
رد : بني هاجر عبيده ( خلان اشدتها)
اقتباس:
تحياتي |
رد : بني هاجر عبيده ( خلان اشدتها)
اقتباس:
(والناس مؤتمنون على انسابهم ) فلا اعتقد ان فيه احد اخبر بنسب بني هاجر من انفسهم..؟ وانت بارك الله يا ابن صلام رح انشد اي هاجري من آل محمد والمخظبة وقل له انتم من شريف ولا من عبيده ..؟ تقديري |
رد : بني هاجر عبيده ( خلان اشدتها)
اقتباس:
ارحب يا الظهور ترحيبة الحيا في انتظار موضوعك يا القرم مرورك شرف |
رد : بني هاجر عبيده ( خلان اشدتها)
اقتباس:
ابن صلام ارحب ترحيبة الحيا ولا عليك زود يا القرم انت بتقنعني ان بلاد شريف ما يسكنها لا ال شريف؟ هذا ما يصدقه العقل وبلاد عبيده ما يسكنها الا عبيده؟ وبعدين جوف بني هاجر ماهوب خاص في بني هاجر؟صح او لا؟ يسكن الجوف مع بني هاجر الجحادر وبعض من قبايل عبيده ومن القبايل الاخرى مثل بعض من الغمد وبعض من زهران هل اقدر انسبهم لبني هاجر !!!!!!!!!!!!!!!!!!!!!!!!!!!!!!!!!!!!!!!!!!!! ؟؟؟؟؟؟؟؟؟؟؟؟؟؟؟ مكان السكن ما يغير نسب الرجال حدث العاقل بما يعقل مرورك شرف يابن صلام |
رد : بني هاجر عبيده ( خلان اشدتها)
اقتباس:
عيني فلا هلت على ثمك الشحم |
رد : بني هاجر عبيده ( خلان اشدتها)
اقتباس:
ارحب يابن صلام بني هاجر هجرت الجنوب قبل اكثر 500 سنه استقروا في نساح الى ضرماء حدود 200 سنه وصبحوا معى الجحادر في صبحاء سنة 1163 وبعدها نزحوا للشرقيه وهواجركم ياشريف منهم عاطف الهرمس وال داوود تطابق اسماء كل على بوه تغصب العرب ببو ماهوا ابوهم وين رايح تقبل مداخلاتي لاعدمتك تحياتي |
رد : بني هاجر عبيده ( خلان اشدتها)
على فمك الشحم يابن راكان
اعتقد مسأله نسب قبيلتي بنو هاجر نوقش في اكثر من مجلس خاص لقحطان وتم طرح كل الادلة والقصايد والبراهين الي تجمد على الشارب من قبلي شخصيا ومن قبل بعض الرفاقه جزاهم الله خير بني هاجر راسخه ومتأصله في الضياغم ومن ثم عبيدة الى جنب قحطان لايشكك في هذا لا قبل ولا بعد نسبنا شاربينه شرب الما من شيباانا وحنا ادرى بمرد روسنا اكتفي بهذا الرد... |
رد : بني هاجر عبيده ( خلان اشدتها)
اقتباس:
ارحب يا متعب وعلى فمك الشحم اسعدني مرورك وتعليقك اخوك فـــــــــــــــــــــــــــــــــــــــــلاح |
رد : بني هاجر عبيده ( خلان اشدتها)
السلام عليكم ورحمة الله
أخواني إذا تسمحون ما خبرنا ولا سمعنا إن بني هاجر من عبيده إلا من بعد الكتب والمنتديات واللي تعلمناه من شيبانا الله يرحمهم إن حنا يا بني هاجر من جنب ويجمعنا شريف مع باقي أخوانا قبايل شريف وحنا يا بني هاجر نقول للعبيدي يا وجه جنب والأدله على هذا الشيء كثيره وموثقه واللي من عبيده في بني هاجر هم آل شهوان فقط وسلامتكم |
رد : بني هاجر عبيده ( خلان اشدتها)
اقتباس:
لوله .... الله يحييك بين ربعك وبين بني عمك يا وجه بني هاجر والثانيه ...... يابن ظافر كانك من شريف فذا باب وله جواب والقصايد اللي نقلتها ماهيب قدحن من راسي قصايد شيبانا اللي توفى منهم الله يرحمهم واللي عاده باقي الله يطول في عمره شعارها من ( آل محمد وآل مخضبه ) ولا علمن يجي من حدر حيده ارجع لكتاب الشيخ: ناصر بن حمود آل شافي الموجه الى جميع المؤلفين والكتاب وبعدها عفاك ومرورك وتعليقك على العين والراس يابن ظافر |
رد : بني هاجر عبيده ( خلان اشدتها)
اقتباس:
|
رد : بني هاجر عبيده ( خلان اشدتها)
اقتباس:
مالك بن ادد ارحب والله اني صادق دمت لمحبك في الله |
رد : بني هاجر عبيده ( خلان اشدتها)
خلو القصايد على جنب
لو تروح تنشد لك شايب هاجري عمره 100 بيقولك حنا عبيدة , طيب انشده من وين عرفت الحكي ذا . من جده طبعا وهكذا نسبنا متواتر من شيبانا فلو حنا من شريف كان على الاقل فيه مجموعة من شيبان بني هاجر تقول ان حنا في شريف لكن قبيلة كاملة بطول وعرض عددهم عشرات الالاف يقولون حنا في عبيدة وش معناها !؟ |
رد : بني هاجر عبيده ( خلان اشدتها)
اقتباس:
اررحب يا الهاجري ترحيب الحيا كلامك صحيح وعلى فمك الشحم بس ودك انك ماقلت للقصايد والموضوع اللي مشتهد فيه ومتعب نفسي ( خلوها على جنب ) دمت لمحبك مرروك شرف |
رد : بني هاجر عبيده ( خلان اشدتها)
اقتباس:
وكذلك من مواقعهم الخاطبيه وهي تقع شمال شرق بيشه وقد قام بإهدائها ابن شبعان للشيخ بن شفلوت مؤخراً وهذا دليل قاطع على تقارب النسب والله اعلم |
رد : بني هاجر عبيده ( خلان اشدتها)
اقتباس:
ابو شروق ارحب ترحيب الحيا مرورك زاد الموضوع ثروه وزيدك من معلوماتي الخاصه ان ( خشيم الذيب ) مكان في بيشه خاص للأل محمد بني هاجر وسلامتك دمت لمحبك |
رد : بني هاجر عبيده ( خلان اشدتها)
شكرا لكم على الموضوع
|
رد : بني هاجر عبيده ( خلان اشدتها)
بسم الله والصلاة والسلام على رسول الله
الأخوة الأعزاء بعد التحيه أقسم بالله العظيم أنني لم أشارك في هذا الموضوع إلا بسبب أنني رأيت الخطأ الواضح في نسب القبيله وأقسم بالله العظيم أنني لم أشارك إلا بسبب غيرتي على قبيلتي ولتبيان الحق وأنا سوف أكتب الأدله الواضحه الموثقه والجليه وسوف أترك الحكم للأخوة القراء لكي يدلوا بدلوهم إن كان لديهم أدله وبراهين في نفس الموضوع . الدليل الأول : بني هاجر يقولون ويدعون أخوانهم آل حمرا ويدعونهم بوجه {{ شريف }} لماذا ؟ الجواب هو : لأن الجد الذي يجمعهم بهم هو { شريف } فلو كان شريف ماهوب جد على بني هاجر كان ما دعوا بعضهم بوجهه . الدليل الثاني : بني هاجر يدعون العبيدي بوجه {{ جنب }} لماذا ؟ الجواب هو : لأن الجد الذي يجمعهم مع عبيده هو { جنب } *** الأخوة الأعزاء لو كانوا بني هاجر من عبيده كان بيدعون العبيدي بوجه عبيده أو بإسم أحد الأجداد الي من بطن عبيده . أنتظر الرد والتعليق وبعد ذلك سوف أذكر الأدلة الأخرى وسلامتكم ؟ |
رد : بني هاجر عبيده ( خلان اشدتها)
اقتباس:
شكرا لك على المرور |
رد : بني هاجر عبيده ( خلان اشدتها)
اقتباس:
يابن ظافر انت قصدك ان شيبانا وشيوخنا ما يعرفون نسبهم؟ انت من اهل الجنوب ؟ او من اهل الشرقيه؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
رد : بني هاجر عبيده ( خلان اشدتها)
يا فلاح آل راكان
الموضوع هو عن نسب القبيله ما هوب عني واعتقد إنه ما هوب مهم إذا أنا كنت من الجنوب أو من الشرقيه والآن أين هو ردك على المقالة السابقه حتى لا ينقطع سياق الموضوع ولكي يستفيد الجميع وسلامتك والحاضرين |
رد : بني هاجر عبيده ( خلان اشدتها)
اقتباس:
ردي على مقالك السابق القصايد المذكوره وكتاب الشيخ : ناصربن حمود آل شافي وتحصل الكتاب في مجالس بني هاجر ( مجلس نسب بني هاجر ) ويابن ظافر عطني قصايد من الشيبان اللي قالولك انك من شريف ويذكرون نسبهم فيها الى ان ياصلون شريف دمت لمحبك |
رد : بني هاجر عبيده ( خلان اشدتها)
بسم الله الرحمن الرحيم أخي العزيز فلاح آل راكان بعد التحيه : أنت لم تعلق على الدليل الأول والثاني لذلك أنا أعتبر أنك لا تملك أي تفسير وأن موضوعك قد تم فلجه بأيسط وأقل الأدله !!!!! أما كلامك عن الكتاب المنسوب للأمير ناصر بن حمود فهو لا يعتد به لأنه بدون توقيع وأيضا إن كان الأمير ناصر بن حمود يقول أن بني هاجر من عبيده فهو كذلك يقول أن بني هاجر من شريف ومع احترامي للأمير ناصر فهو رجل مثل باقي رجال بني هاجر يخطأ ويصيب فيؤخذ منه الصحيح ويرد عليه الخطأوهذا ليس بالأمر المعيب والأمير ناصر مع إحترامي وتقديري الشديدين له فهو غير خبير بالأنساب وقد خلط كثيرا وكثيرا !!!! والدليل سالفة الهرشان . وأنا لدي ملاحظة مهمة هنا!!! أنتم تحتجون بكلامه الذي ينسب بني هاجر فيه إلى عبيده وتقولون هو أمير القبيله وهو أعلم بأمور النسب وهو المرجع وهو الخبير ولكن وفي نفس الوقت أنتم ترفضون منه أن ينسب الهرشان إلى بني هاجر وأنا معكم في ذلك فهم دخلاء ومتطفلين ؟؟ فسبحن الله أنتم تقولون وتنقمون علي أنني مخالف لأمير القبيله في مسألة شريف وعبيده وأنتم لاحرج عليكم لالالا تعليق؟؟؟؟؟ تابع الأدله على أن بني هاجر من شريف : الدليل الثالث وهي القصائد أما القصايد التي تطلبها فخذ ما يلي : 1. قصيدة سالم الصويتي من الشباعين : قلته ونا من غلمة آلاد منصور *** حريبنا دب الدهر في ملاله الشاعر لم يقل عبيده أو ضيغم وكلنا يعلم أن شعار الضياغم فيكل الأوقات يذكرون ضيغم في أشعارهم الحماسيه ، مثل آل عفيشه . 2. قصيده للشاعر محمد بن بادي الهاجري : آلاد منصور هل الطور وعروق *** لطامة (ن) خشم الحفيف الموالي وكذلك الشاعرهنا لم يذكر عبيده أو ضيغم . 3. قصيدة عمرها حوالي أكثر من 650 عام للفارس / فايع بن مداوي آل جمهور من آل محمد بني هاجر الذي ينسب نفسه صراحة في شريف ويستحثهم لنصرته في حرب بني هاجر مع آل شعيب من عبيده : فايع يهيض القاف والصـدر غنـى **** ومعه قرين علىالقوافـي يزيـدي سد ابن جمهور هـل خيـل مثنـى **** مادرعت للركض في يـوم عيـدي ألا بيـومٍ حايـم الـمـوت دنــي **** قـد الصبايـا جالعـات شـريـدي بيني وبيـن شعيـب حـرب مثنـى **** وبيني وبين شعيب دولـة سعيـدي ربعي على طرف المحاجـي تبنـى **** وعلى الطرف ما حن نداري العبيدي لا يا شريف هو ني منكم أمني مجنى **** فعيدوا أفزعواما ني منكـم بعيـدي فـلا وطنكـم جازعـا عـن وطنـا **** وحنـا قبايلكـم فـراص الحديـدي لا ياشريـف الفسـل فيشـد مـنـا **** ينزع حلا له من حـلا لنـا بعيـدي أخي العزيز آل راكان أرجوا أن تقرأ القصيده جيدا فهي واضحه ولا تحتاج إلى تفسير وخاصة إذا كان القارئ يبحث عن الحق . أنتظر ردك الكريم على ما قد سبق لكي أستطيع أن أذكر الأدلة الأخرى على أننا من شريف وسلامتك والحاضرين . |
رد : بني هاجر عبيده ( خلان اشدتها)
اقتباس:
ختم الشيخ.. كافي ولاوراق الحكوميه والختم امااااااااانه وانت في مقالك كنك تشكك في امانة ابو حمود لا ياطويل العمر ابو حمود أمنوه الحكومه على الختم والاوراق الحكوميه ولاهوب كل من جا خذا الاوراق وكتب اللي في خاطره وحطها ولا سندها وقال انها من الشيخ ابو حمود رجل دين ورجل صدق وحكمه وهو قدها الله يطول في عمره وبعدين سالفة الصلب ماهيب دعوانا الله يصلحك وبعدين جبت البيوت وفسرتها على مشتهاااااااااااااااااااااك ليه مانسخت ذا القصيده بعد [poem=font="Simplified Arabic,4,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] انا ابن كليب ابن راشد وجـدّه = علي ابن محمد الحصن الحصينا ابن علي المجـرب بالمواقـف = ابن منصور ابن ضيغـم ابينـا ابوه منيف ابن ضيغـم وجـدّه = منيف اللـي ينـوف النايفينـا ابن جابر ابـن علـي وتنشـد = وتلقالـك رجـال ٍ باخصيـنـا وعبد الرب أبـو علـي وجـدّه = ربيع وخل منـك المغرضينـا نسل سلطان سلطان العبيـدي = عزيز ٍ مـن رجـال مجربينـا ابن عبد ارحمـان وروح جـده = وحنّـا مـن خلفهـم ناسلينـا وسمينا الهواجـر مـن طنانـا = هجر منصور ربعـه الاقدمينـا نسل منصور مافيهـم مغالـط = خـوان ٍ اربعـه و مذربيـنـا طريف وعلي وعبدالله على امه = يجي شهوان زيـزوم الضعينـا وحنّا جدّنـا جنـب المسمـى = وحنـا روس جنـب الاولينـا عبيده امّنـا مـا فيـه منكـر = ولابـه ام ينكـرهـا جنيـنـا ابوها ما خفـى ذاك المهلهـل = وهي ليلـى غـرام الطالبينـا عبيـده ساسنـا الاول وحنـا = عبيده في زمـان الحاضرينـا [/poem] وبعدين تقول ( لاحرج عليكم ) ليه انت من جهينه..............؟ الكلام الزين يا حييك وحيه...... والكلام الشين بعطي منه جيره ماياجب عليك تقول ذا الحكا ولحانا ما تستاهل ذا الحكا بني هاجر مطولين وجيهم عند القاصي والداني ومشرفين عمارهم ومشرفين قحطان كافه بعلوم الطيب والمرجله وحقوقهم ماضاعت في بطون الرجال وتشهد لهم القبايل كيف تقول لاحرج عليكم؟ |
رد : بني هاجر عبيده ( خلان اشدتها)
لاهنت يا وجه ال محمد
وبيض الله وجهك حن بني ضيغم عبيده عريبين النسب ..... حن بني هاجر و قحطان حن ظرايبه جـمعنا يشــدي قنيفن يزايفه المـهب ..... الهنادي بارقه والــقنا سحايبه |
رد : بني هاجر عبيده ( خلان اشدتها)
اقتباس:
اررررررررحب تراحيب الحيا يابن شاايع والقايل مايهون نفدا ذا الوجه ووجهك ابيض البيوت اللي كتبتها اثراء للموضوع عيني فلا هلت يا وجه آل محمد مرورك شرف والله اني صادق |
| الساعة الآن 06:07 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com