خالد بن حشر
بسم الله الحمن الرحيم
احببت ان اورد لكم قيصيده من قصايد الامير خالد بن فيصل بن حشر الله يرحمه ويرحم المسلمين وهذي القصيده قالها وهو في امريكا للعلاج وكان في ايام اخر حياته فقال ردوني لديرتي فعندما رجع من امريكا دخل مستشفى التخصصي فمات في المستشفى رحمه الله عليه يقول الامير خالد في قصيدته [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] مالي بدار حكي اهلها رطيينه =ودي مع اللي يتعبون المحاميس يازين مجلسهم ويازين زينه=ربعي هل الطولات ابعاد المراميس اللي لدرب المرجله محتسينه =عاداتهم بالطيب كسب النواميس ياماخذينا عدة من سنينه = نمسي ونصبح مانعرف الهواجيس واليوم لارجل ولا يد تعينه = غارت عليه هموم بقعاء كراديس فان كل شي له زمانه وحينه =وان كل شي له حدود ومقاييس من وصل مقايسه قرب مستدينه = من دون يمشي قدم يمشي تناكيس اصبر على المكتوب زينه وشينه =ماني على الفايت كثير الحواسيس الرابح اللي يوم ترسي السفينه =ترفع له البيضاء بمشتى القرانيس[/poem] |
اصبر على المكتوب زينه وشينه ماني على الفايت كثير الحواسيس ماالومه والله الله يرحمك يابن حشر لاهنت اخوك / ابن شويه |
ارررررحب يابن عاصم
صح لسان قايلها ويسلم من نقلها والله يرحم ابن حشر والله الظاهر اني قد سمعت هذي القصيده صوتيه في شريط بحاول ادورها لك ===== وتراني عدلت في موضوعك لتنسيق القصيده :) |
ارحب ..ارحب يابن عاصم هذا الشي اللي حنا ...ننتظره منك ..وبيض الله وجهك على نقل قصيدة شيخنا المرحوم خالد بن حشر .وهو من شيوخنا المحسوبين وحنا في الموقع حريصين على اعلام قحطان المعروفين ..والأمير خالد الله يرحمه علم من هذه الأعلام .. وننتظر المزيد ..منك يابن عاصم .. اخوك اللي انبسط يوم قرا موضوع عن ال حشر .. خالد |
ارررررحب يابن عاصم صح لسان قايلها ويسلم من نقلها والله يرحم ابن حشر أخوووك سعيد المهداني |
صح لسانك يابن عاصم
القصيده معبرة وهذي الدنيا ابن حشر الى جنة الفردوس يوم الزحامي |
مشكورررررعلى مرورك يابن شويه
|
فارس قحطان هذا اقل شي نقدمها لمنتدنا ومشكوررررعلى مرورك
وبالنسبه للتعديل جزاك الله خير وحاولت اعدلها بس ماقدرت كل مابغيت اعدلها مسحتها ههههههههههههههههه |
خالد ياخالد ياخالد ياخالد اشكرك على حماسك والله ياخالد على اعلام قحطان وقد لحظت هذا الشي منك
|
المهداني وجهة نظري فيك لن تتغير بانك من الاعضاء البارزززين
وسلم على قطر واهل قطر |
صح بدنك يا خطاف وجعل والديك في الجنه والمسلمين اجمعين
|
الرابح اللي يوم ترسـي السفينـه ترفع له البيضاء بمشتى القرانيس
لا هنت يا ابن عاصم والقصيده من القصايد اللي تستاهل الحفظ وتستاهل النشر |
ابن كدم صدقت والله تستاهل الحفظ والنشررررررر
ولد عمك ابن عاصم |
صح لسانك يابن عاصم
والله يرحم ابن حشر ويغفرله اخوك العجرشي |
اررررحب ياعجرشي مرورك يشررررررفني
اخوووك ابن عمك ابن عااااااااااااااااصم |
لا هنت يابن عاصم على القصيدة
والله يرحمك يابن حشر اشهد انه حاكم بصفاته وحكمته ونفعته لربعه لكن اللي ننتظره منك كـ عاصمي ، اكثر من هالقصيدة نبي نبذة كاملة عن قبايل ال عاصم وشيوخهم وقصايدهم وفرسانهم ومعاركهم ، طبعا اللي تقدر عليه بمعلوماتك او مصادرك فالموقع شحيح جدا بالمعلومات بالنسبة لقبيلة كـ قبيلة ال عاصم ، يمكن اشار لها في عدة مواقع تعد على الاصابع فالموقع والله بحاجة ماسة لمعلوات كثيرة عن ال عاصم وغيرهم من القبائل الاخرى لكن الله الله في المعلومات يابن عاصم ، ولا تخلينا يا عزوتي اخـــــ السيف النادر ـــــوك |
ابشرررررررررررررربسعدك يالسيف النادر
ودايم ردودك مميزه ابن عمك ابن عااااااااااااااااااااااصم |
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ولاطاح بيتٍ باقي له عمد واطناب = سقى الله مكانٍ فيه لرسومهم تالي[/poem] الله لا يهينك يبن عاصم على هذا النقل الفريد ولا اقول الى من سوالف الشيخ هل من مزيد |
ابو شديد مرورك يشر فني وين رفيقك ابن حمري ماشفناه في المنتد ى
|
مالي بدار حكي اهلهـا رطيينـه =ودي مع اللي يتعبون المحاميـس
يازين مجلسهـم ويازيـن زينـه =ربعي هل الطولات ابعاد المراميس بن عاصم السلام عليكم ورحمة الله وبركاته اقد شكري الجزيل على الطرح الذي اوردته وكل ماحرصت عليه في تعليقي على هذه القصيده هو مساعدة الاخوان خالد والفارس المغوار المراقب العام للحصول على معلومات اكثر وهي كثيره ولله الحمد بحجم عظمة وتواجد هذه القبيله في الساحه القحطانيه العظيمه ان طلبي يتمحور في لقاء عبر وسائل الاتصال الالكترونيه لتوثيق بعض مما لديكم او عن طريقطم تقبل تحياتي واملي الاهتمام بالموضوع |
شكرن على مرورك ورايك سديد ياعاشق الوطن
اخوووووووك ابن عاصم |
يامال الجنة ياخالد بن حشر ان هذه الاسرة العريقة ال حشر من الشيوخ الذين نادر ان تجد مثلهم في جميع القبائل ليس في قحطان فقط فهم بقيادة قبيلتهم ال عاصم من اشرس قبائل قحطان في نجد والتاريخ دون لهم بطولات ومعارك عظيمه حققوا فيها انتصارات سواء مع القبائل المنافسة او القوى الحاكمة
ولخالد موقف معنا ال عفيصان لن ننساه ما دامت السموات والارض فبيض الله وجهه ووجه اخوانه في الدنيا والاخرة |
ماعليكم زووووود طال عمرك
وال حشر من قديم حتى الان في خدمة الوطن وجميع قحطان في خدمة وطننا الغالي اخوووووووك ابن عاااااااصم |
الرابح اللي يوم ترسي السفينة
ترفع له البيضا بمشتى القرانيس ............................................. رحم الله قائلها... قصيدة رائعة ... وتستحق الثناء ... والمرور عليها لتأمل معانيها... وتسلم يابن عاصم على الأختيار ... ونرجوا المزيد ... |
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مالي بدار حكي اهلها رطيينه =ودي مع اللي يتعبون المحاميس يازين مجلسهم ويازين زينه=ربعي هل الطولات ابعاد المراميس اللي لدرب المرجله محتسينه =عاداتهم بالطيب كسب النواميس ياماخذينا عدة من سنينه = نمسي ونصبح مانعرف الهواجيس واليوم لارجل ولا يد تعينه = غارت عليه هموم بقاء كراديس فان كل شي له زمانه وحينه =وان كل شي له حدود ومقاييس من وصل مقايسه قرب مستدينه = من دون يمشي قدم يمشي تناكيس اصبر على المكتوب زينه وشينه =ماني على الفايت كثير الحواسيس الرابح اللي يوم ترسي السفينه =ترفع له البيضاء بمشتى القرانيس[/poem]
لاهنت يا بن عاصم وبيض الله وجهك قصيدة رائعة واكثر من رائع ودائما اختيارك في قمة التميز 0 تسلم يمينك يا بن عاصم مليووووووووووووون والله يرحمة رحمة واسعة ويغمد روحة الجنة تقبل تحيات /////////// اخــــــــــــــــــوك00 |
الأخ ابن عاصم اختيار ممتاز وموفق والله يرحم الشيخ خالد بن حشر ،،
بس لي ملاحظة وهي في البيت الأول وهو : مالي بدار حكي أهلها رطينة...... ودي مع اللي يتعبون المحاميس . والصحيح اللي انااعرفه والله اعلم: مالي بدار حكي اهلها رطينة ......ودي بربعي متعبين المحاميس . وآسفين للقافة ،،، وان كاني مخطي ياخوك فعلمني ،،، لأني بشر ،،،،،،، |
اخوي علي الله لا يهينك على مرورك اللطيف
اخووووووك ابن عااااااااااصم |
اخوووووووي هاوي انت اللي والله مميز في ردودك وتواجدك
لبااااااااااااااااا قلبك وبس اخوووووووك ابن عااااااااصم |
اخووووووي الخرشفي مرورك يشرررفني جعلك تسلم وبالنسبه لملاحظتك على العين والراس بس اعتقد انك قاري القصيده في مجله اليمامه او في احدى الكتب وهذي فيه نفس الخطأ اللي نقلته انت وانا مصدري في هذه القصيده شيئين 1 - ان القصيده اول ما نشرت خذيت منها نسخه 2 - مصدري الاخر من احد ابناء الشيخ خالد بن حشر الله يرحمه اتمنى اني وضحت لك الموضوع والله لا يهينك على كل حال اخووووووووك ابن عااااااااااصم |
رثاء في المرحوم باذن الله الشيخ/خالد بن فيصل بن حشر
قالها الشاعر المرحوم باذن/فهد بن حمود المحيشير آل عاطف يالموت ما جنبت عن حامي القود/////////////اللي لنا درع عن الشمس وظــــــــلال تبكي صحاري نجد وجباله السود/////////////ويبكي طريب ووادي الراك لاســال وتبكي الهياثم شيخها حط بلحود//////////////ويبكي عقب فرقاه شياب وعيـال عليك ياخالد ذرى كل مضهود/////////////////شيخ آل عاصم غيث من حل به حال الياغدينا بين حاوي ومردود///////////// //// الرأي رايه يوم قالوا وهو قــــال خالد ولد فيصل على الطيب والجود/////////////أمعرب أصله من الجد والخـــــــال الله يبيحه عد ماهبت النـــــــــــــود/////////////ويحط له في جند الخلد منــــــزال شيخ سلايل مجد ورجال وفهـــــود/////////////متسلسل من راس فيصل تسلسال مستقعد له في مجاذيبه العــــــــود/////////////مواقفه تشهد بها كل الأجيـــــال لاصاريوم فيه عـــــــــج وبـــــــارود////////////فخيالته تفرق كل خيــــــــــــــال علم وكاد وله تواريخ زشهـــــــــود/////////////يوم الرغامه واحمر الدم شـــــــلال يطعن برمح مايخونه شبا الــــــعود/////////////تحت العلم له دور مع كل الابطــال بالطايله والطيب والعزم مـــــمهــود/////////////ومن طيب راسه كاسب كل الافعال ومادام ابو فيصل على الطول ماجود////////////مالحقنا ضده ولا مايــــــــل مـــــال فلاح بن فيصل خطير على الـــــزود/////////////لاكبرت القالات بقفاي واقـــــبـــال وحزام به وصف من العود مـــاكــــود////////////عساه ملجانا الى حــــدنا الجـــــال واخوانه اللي له معانيز وعـــــــــضود////////////عيال الشيوخ شيوخ في كل الاحوال تمت وصلى الله على خير مالــــــــــود////////////محمد شفيع الخلق في يوم الاهـــوال |
مرورك اخوي ابن سعيدان يشرررفني جعلك تسلم
والشاعررر فهد المحيشير الله يرحمه شاعرعملاق اخوووووووك ابن عاااااصم |
ارحب يابن عاصم لاهنت على ايراد هذه القصيده لابن حشر وآل حشر هم هل الوقفات وعز الرفيق وزبن المجنى انشهد انهم يرفعون الراس بيض الله وجهك على ايراد هذه القصيده للشيخ خالد ونطمح في المزيد تحياتي |
اخوي خليل ماعليك زود ياسلاله الشجعان
ومروك تاج على راسي جعلك تسلم اخوووووك ابن عاااااااصم |
ونعم يا ابن عاصم
لا هنت وانا اخوك .. صح لسان قايلها ...وسلمت على نقلك للقصيده.. شيخنا خالد بن حشر ..انشالله انه في جنات النعيم.. |
اخوي ابن عاصم بيض الله وجهك وطول الله عمرك على ايراد مثل هذي القصايد للشيخ ابن حشر الله يرحمه ويرحم اموات
المسلمين لانها معبره ومؤثره جداااا ابن عاصم لك مني جزيل الشكررررررررررررر:110103_hl |
ماعليك زوووود ياسيف قحطان
ومروووووورك يشرررفني |
اخوي ابن عاااااااااااااااااااااااصم
مساك الله بالخير وش حالك عساك طيب بيض الله وجهك يااااااااالمطنوخ وجمل الله حالك على المشاركه المتميزه وجعلني ما عدمك وتقبل مني جزيل الشكررررررررررررررررررر |
امبرطوررررررر جعلك والله تسلم على مرورك
اسلم وسلم |
بيض ألله وجهك
لاهنت يابن عاصم00 ورحم ألله ابن حشر0 وعز ألله انها رفعت له ألبيضاء بمشتى ألقرانيس |
لبااااااااااااااقلبك يامعشي الذيب على مرورك
والله لايهينك يالمطنوووووووووووخ على قولتك هههههههه |
الساعة الآن 03:54 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com