محاورة خلف بن هذال و حمد هادي المسردي
السّلام عليكم ورحمة الله وبركاته
وكل عام وأنتم بخير عندي طلب للي يحفظون المحاورات القديمة وهو محاورة خلف بن هذّال وحمد هادي وكانت هذي المحاورة في الحرس الوطني وكان الأمير سلمان حاضر وقتها وحضر حمد هادي معى شيخ من ال حشر ال عاصم ومدري من اللي طلب خلف يحاور حمد هادي فقال خلف لــ الأمير ببداها ترحيب وبسب قبيلته ان سرّيته ولا هو اللي يسرّيني وسمح الأمير وبدا خلف بالتّرحيب ثم قال في سبّه : أنا ما شفت في ذا الوقت بأتذل من شرف قحطان ,,, قبايل كنها بين القبايل كنّها الصّورة قام حمد ومن ما رد عليه : أقول وربّي الله خاين من يامن العتبان ,,, والا جاك العتيبي حط رجلك فوق صرصوره عتيبي وتزمّر وأنت حافي ترثت جهيمان ,,, هدمت البيت بيت الله ودونه سيف أخو نورة وقام الأمير سلمان وصفّق وطلب من حمد يعيدها وانتهت الحاورة فأطلب من اللي يحفظ شي من هذي المحاورة أن يخبرنا به مع خالص تحيّاتي |
رد : محاورة خلف بن هذال و حمد هادي المسردي
اقتباس:
تكفون يالربع اللي هي عنده لا يبخل بها علينا وللمعلومية حمد المسردي كان خوي للامير سلمان تشكراااااتي |
رد : محاورة خلف بن هذال و حمد هادي المسردي
لاهنت يالعبدي
وهذه البيتين كما سمعت قالها حمد [poem=font="Simplified Arabic,4,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] حمد هادي عبيدي مسردي والساس من قحطان=قبيله واضحه بين القبايل كنها الصوره ترانا يالنذل ماقد نسينا قصة جهيمان=تريدون الحرم مير ان دونه سيف اخو نوره[/poem] رحمة الله عليه رحمة واسعه |
رد : محاورة خلف بن هذال و حمد هادي المسردي
اقتباس:
إي والله ودنا بها .. ونتمنّى من الشباب اللي ملمّين وحافظين المحاورات القديمة يعلّمنا بها وللعلم حمد هادي اسمه حمد بن فالح بن هادي وقد اشتغل في قطر وكتب بهذا الاسم على العموم شاكر مرورك |
رد : محاورة خلف بن هذال و حمد هادي المسردي
اقتباس:
أرحب يا ابراهيم الله العالم بالصّحيح وللعلم خلف بن هذّال مناسبٍ المساردة :) وشاكر لك مرورك |
رد : محاورة خلف بن هذال و حمد هادي المسردي
اقتباس:
ويعلمون لي ناس من ربعة انه ما غدا له مجلس يلفون عليه الناس فيه الا من بعد ما خذاها +++++++++++++++++++++++++ يالربع اللي عنده المحاورة يعجل بها :) |
رد : محاورة خلف بن هذال و حمد هادي المسردي
بداية المحاورة لم تكن هجومية فبداء بالسلام وهناك بيت لخو معجبه ( حمد هادي ) قال فيه
حلفت لوتقعد الحفلة شهـــــــــر نوم عيني مايطب اجفانهـــــا ولوتجمع عتيبه مع جموع البشر ماهمني القمله معى صيبانها وبعد ذلك تم تغير بيت الشيله الذي تم ذكره وبداء خلف بالبيت المذكور انا ياناس مشفت مثل قحطان لاتنفع الدولة وولا بالخير مذكوره وهناك بيت اخر لخلف هادي لااعرفه ورد حمد بالتالي تراكم ياعتيبة شلة من شلة جهيمـــــــان توطى بالحرم لين اظهره بالسيف اخو نوره انا بزهمك انا بنخاك انا بنصاك ياسلمان لاطاش العتيبي حط رجلك فوق صرصــــوره وكذا انتهت المحاورة بطلب من الامير سلمان العذر اذا كان هنك خطا او تقصير ولاكن هذا ما اعرفه عن هذه المحاورة |
رد : محاورة خلف بن هذال و حمد هادي المسردي
اقتباس:
وفعلا خلف تزوج اخت جمل بن ناصر ال شري قبل 4سنوات وطلقها قبل سنه وهي متزوجه الان من رجل اخر. واعتقد يااخوي صالح انك بالغت قليلا فخلف رجل له حجمه ومن قبيله طيبه وجليس ملوك وصاحب مال ومرتبه وسمعه وشهره "ماشاء الله"من سنوات طويله وليس من المعقول ان يكون كما ذكرت ,, تحياتي |
رد : محاورة خلف بن هذال و حمد هادي المسردي
الموضوع خرج عن موضوعه
حنّا ننشد من المحاورة فخلّونا في صلب الموضوع صالح السنحاني , ناصر بن شري مشكورين على المرور وشكر خاص لك يالهاشل على هذي المداخلة ومشكورين جميع تحيّاتي |
رد : محاورة خلف بن هذال و حمد هادي المسردي
طلبت هالمحاوره من الساحه 2
ولاعينوها :d الظاهر انها مهب موجوده الا في ارشيف التلفزيون السعودي |
رد: محاورة خلف بن هذال و حمد هادي المسردي
المحاوره أكيد يحفظها فلاح بن فالح اخو حمد هادي وخلف بن هذال رجل عارف وعاقل ولا اضن يبداالمحاوره بالشكل اللي ذكر اما أبيات حمد هادي فانا سمعت منها اقول وربي الله خاينن من يامن العتبان لما جاك العتيبي حط رجلك فوق صر صوره تراكم يالعتيبي كلكم من شلت آجهيمان بغا مكه ولاكنه حماها سيف اخو نوره
|
رد: محاورة خلف بن هذال و حمد هادي المسردي
يعطيكم العافيه
بيتين حمد هادي المسردي عساه في الجنه تكفي عن كل شيء ورد حمد هادي اعجب الامير سلمان الله عليك ياحمد هادي شجاعه وحميه وشاعر فحل.. |
رد: محاورة خلف بن هذال و حمد هادي المسردي
ياالربع عطوني وقت و تحصلونها ان شــاءالله في هذا القسم
تحياتي اخوكم / فــهد الحبابي |
رد: محاورة خلف بن هذال و حمد هادي المسردي
اقتباس:
اخي الكريم هل وجدت المحاورة ؟ |
رد: محاورة خلف بن هذال و حمد هادي المسردي
طالت المده ماحد جاب المحاوره
|
الساعة الآن 08:20 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com