السلام عليكم ..

عبدالله علووووووش .. قصيده تستحق النشر

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
شح الكلااااااااام وصملن الطواريق = والشعر لو وقفت واصل طريقه


فأن كان من عقب السعه حدك الضيق = منصاك من عقب الخيال الحقيقه


كم لك تلفق من خيالك تلافيق = بأوهام جاوزت الخليج ومضيقه


تمدح ردي وتركبه قمة طويق = وتكتب غزل عاشق ولالك عشيقه


وتسافر لجمهور عطشان تصفيق = وتنافس المتعلثه والعويقه


تجري ورى الاعلام وتخب وتويق = ومع كل تافه لك علاقه وثيقه


لانك تحسب الشهره تجوز وتليق = وانها على كل الاوادم شفيقه


ماتدري انها تشب وتغط وتفيق = واحيان تقطع بالرفيق ورفيقه


رح علم اللي شهرته بالتوافيق = بكره اذا طال المدى نشف ريقه


ثلاثه الشعار خل الملاحيق = ماعاد للرابع معاهم طريقه ..


شاعر وينحت فالصخر نحت ذوييق = وشاعر يغرف من البحور العميقه


وشاعر اذا مر الحدايق مغاليق = قامت تفتح له حديقه حديقه


الأفكار فيهن البكار الغرانيق = النايفه والذايره والرشيقه


اللي ماهن يراوزن التفافيق = واللي تسلف بندقه من صديقه


واما بعد ياهل العزوم الشواهيق = ياللي عليكم كل نجم وبريقه


الى متى وحنا العيون الغواريق = والى متى وحنا القلوب الرقيقه


والى متى وحنا الرقاب المدانيق = والى متى وحنا هدف كل ضيقه


واما بعد ياهل الوفى يالمطاليق = ياهل البيوت الشامخات العريقه


حنا بزمن غفله وجفوه وتفريق = واخلاق منحله وعالم طليقه


تمسكوا بالعروتين المواثيق = المصحف وسنة نبي الخليقه


واما بعد يا قافلين الصناديق = لعل روس اموالكم للحريقه


فقرانكم ما حصلوا بلة الريق = وانتوا تعدون الذهب بالدقيقه


والا تبثونه على غير توفيق = في مزاينات و جاهليه عتيقه


واما بعد الاحلام تحتاج تحقيق = والحلم حملناه مالا يطيقه


شرع الله ان حصل على الارض تطبيق = وشفت المساجد بالعرب مستضيقه


فأبشر بنصر بأمر رب المخاليق = وابشر بريحان النعيم ورحيقه


واما بعد ياحسين صلح لي بريق = في خايعن طشت عشوبه وريقه


الذود فالصمان والنفط فبقيق = والله يخلي مملكتنا الشقيقه[/poem]

المشاركة الأصلية كتبت بواسطة عايض الفهري ابوبندر (المشاركة 638594) لاهنت على حسن الاختيار مشكوووووووووووووووووووور تحياتي

المشاركة الأصلية كتبت بواسطة بن غوينم (المشاركة 638612) الـذود فالصمـان والنفـط فبقـيـق والله يخـلـي مملكتـنـا الشقيـقـه لا هنت يافلاح على الاختيار الرائع

المشاركة الأصلية كتبت بواسطة علي بن شبله (المشاركة 638642) مشكور يا فلاح إختيارك دايم حلو وأنت أحلا وتقبل مروري فديتك

المشاركة الأصلية كتبت بواسطة سفر بن مبارك (المشاركة 638755) صح الله لسانك ولسانه جزل اخوي فلاح وعلمك غانم لاهنت........

المشاركة الأصلية كتبت بواسطة ابن عياف (المشاركة 638775) لاهنت يا فلاح وبيض الله وجهك على النقل الرائع ووجه الشاعر عبدالله علوش على القصيدة الرائعه والجميلة وتقبل التحية

المشاركة الأصلية كتبت بواسطة فهد آل سلمان (المشاركة 638978) لاهنت يافلاح عالاختيار وبارك الله فيك وبن علوش علم من اعلام الشعر

المشاركة الأصلية كتبت بواسطة ناصر.الخبر (المشاركة 639830) فلاح لبى قلبك وربي اني ادور لك شي ابي اسابق الربع لاكن الربع ردو قبلي ماششاء الله عليهم فلاح لبى قلبك يالقرم عز الله ماتجيب شي الا اقوى من الاول وربي انت فخر لقسسم عذب الكلام ووللمنتدى كله يالقرم ..............> فلااح ابي اقراء عليك بعض من ايات الله العظيم من القرااان سوره الفلق والناس والصمد وايه الكرسي هههههههه خايفن عليك يالغالي من هالعين لاني قبل مده شفت واحد من ربعنا الي هنا قال كلام مزح ادري وادري انه يحبك ويغليك ويقدرك .ههههههههه قال بمعنى كلامه فلاح اركد انت في كل محل ههههههههههههههه قلت في نفسي له لا عز الله انعطب فلاااااااااااااااااااااااااااح ههههههههههه فلاح ياخي انت مكسسب للمنتدى ولنا كلنا . الله يسسعدك ويششرح صدرك ويعزك في الدنيا ولاخره ويحفظك ويعافيك الله لا يهينك وصح للسسسانك مليون تردف مليون

المشاركة الأصلية كتبت بواسطة ابن دغيّم (المشاركة 641541) ارحب يا فلاح صح لسانك ولسان الشاعر بن علوش وبيض الله وجهك والسامعين ورايتك بيضاء نفداك وننتظر المزيد من ابداعاتك وتقبل مرور اخوك ابن دغيم الجحلي