![]() |
$$$$ قـــصـــــــيده فـــــــي الــــعــــــســــــكــــــريه $$$$
يالله انك لاتعود العسكرية
-------------------------------------------------------------------------------- القصيده طويله بس هذا اللي اعجبني منها في احدى المنتديات يالله انـك لاتعـود العسكـريـه والنصيب اللي على البدله حدانـي لبسونـي لبسـة ٍ ماهيـب ليـه درعونـي باللبـوس المشبهـانـي دربونا مثـل تدريـب المطيـه والصعب منـا يعـود مطوعانـي يالله انـك لاتحملـنـا زريــه حيـث حنـا للمعاصـي ماندانـي والشاعر غير معروف |
مشكور
تلقاهم مزحفينه الين داخ |
هذا اول اما الآن يعلنون عن وضيفة جندي يتقدم لها خمسة الآف
بس القصيده حلوه والعسكريين دائماُ يتذمرون من العسكرية مع انهم آخر الشهر يتحمدون |
قصيدة رايعة
ياليتك تكمل باقيها
والله انها قصيدة رايعة |
لاهنت يا ضيغم على القصيدة انا قد سمعتها وباحاول اجيبها للاخوان اللي يبونها اذا قدرت..
وهي ترى ماهي بطويلة حيل.. وتذكرت موقف يسولف لي عنه الوالد الله يحفظة اول ما دخل العسكرية يقول كنت اوزع الاكل على الافراد وكان عبارة عن سندويتشات فرنسية طويلة.. المهم يقول كانو صافين سرا وهو فوق الدينا وكل ما تقدم واحد يرمي له السندويشة وفي الاخير ما بقا الا سندويشة وحدة وكان معه خويه يوزع وكان خويه بيموت من الجوع جا الوالد كان بيتقاسم معه السندويشة قال خوية فز قلبي يوم شفت السندويشة****فزت الصاروخ من فوق الاناشر فما كان من الوالد حفظة الله الا ان يعطية السندويشة كاملة وقعدبها ونام جيعان... هذي الموقف باختصار.. الهدف منه ان حياة العسكرية بما فيها من تعب وعنا وشقا ترى لها ذكريات وطعم حلو جدا جدا جدا وخذو هذا البيت اللي اضحك كل ما سمعته راااااااااااحت حياتي كلها للورى در******** ما بين ثابت واقطع الصوت يا لوح هذا البيت يرددونه غالبية العسكر اثناء فترة الخمسة واربعين يوم ههههههه |
من جد اخوي آخر الشهر يتحمدون
والله بعضهم يمكن راعي القصيدة منهم مع احترامي له ماينفع في عسكرية ولاغيرها ولا العسكرية شرف وخدمة وطن وابلغ من كلام ينكتب والشــــــــــــــــــــــــــــــــاهد مايبذلونه ليل نهار في سبيل الامن والامان الله يقويهم جميعاً الف شكر للجميع تعليقات رائعة |
لاهنت ياضيغم وراعي القصيده شكله حس بمعاناة بس العسكرية ما تطلع الا رجال وهي خدمة للدين وللوطن |
من دخل العسكرية قام يذمها
الظاهر انها مسأله نفسيه بس والا العسكرية ولت من زمان . حتى بعض العسكر يوم تشوف شعوره تقول ماهو بعسكري. |
كنت أجمع افكاري لأرد
فلما قراءت رد فتى الجوة والردود التي تليه أكتفيت بذلك وعموما الشعر يعكس شعور الشاعر ولوكنا معه عندما قالها يمكن كنا نعذره تحياتي للجميع |
يكفي شرف خدمة الوطن
|
السلام عليكم ورحمة الله وبركاته ..................
مشاركة طيبه وانت اطيب ياااااااااااا ضيغم |
اقتباس:
|
الله يعطيك الف عافيه قص2يده رائعه جدا بس ياليت تكملها يالاجودي
وشكرا للك |
مشكور ياضيغم على المشاركة وتكملت القصيدة وهي للشاعر / عواض بن ضيف الله بن حمدان العطشاني الشلوي ـ رحمه الله ـ يالله انك لاتعود العسكريه والنصيب اللي على البدله حداني لبسوني لبسة ٍ ماهيب ليه درعوني باللبوس المشبهاني دربونا مثل تدريب المطيه والصعب منا يعود مطوعاني يالله انك لاتحملنا زريه حيث حنا للمعاصي مانداني ياوجودي وجد حمر عيدهيه ساقط ٍ فيها الحقب ويا البطاني فوقها قرم ٍ ببا كور ٍ قويه من ورى العارض يبي دار شهراني قطر القربه وقدمه قيهميه مع زوال الظهر يوم الشوف داني هسها العرقوب والديره رديه لين دم الجوف بالذرعان حاني ياوجودي وجد عرب ٍ فوق طيه في لهيب القيظ معطيت ٍ ثماني هملن عيالهن بارض ٍ خليه واصبحن اعيالهنه ذيهباني يوم جن البير لياهيى جاهليه ما عليها لا ورود ولا محاني بركن بالشمس تصهرهن شويه كل منهن كنها الخرص الهلالي لو بغيت ادله طرى الطاري عليه واستحس القلب والهاجوس جاني يوم اشوف الدين مرتجدا ً عليه والظهر عريان والجوع يحداني يالله اني طالبك في كل نية ياولي العرش رب المودماني طالبك رزق ٍ تحطه في يديه ماعلى بابه شريف ولا هداني |
الساعة الآن 01:03 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com