الشعر صهوة جواد الشاعر وعزه حســــــــــــامه ----- والعلوم الغانمه ما تسلك دروب الذمـــــــــــيمه

دامها تشرب قراح وعدها يدعى شهامـــــــــــــه ----- والله انها تعتني وجهي عن العين السقيمـــــه

استوا الميدان للشعار في عصر الزعامـــــــــــــه ----- واللسان الذرب له حكمه تسام بألف قيـــــــــمه

قلت بانصى شاعرن عالطيب يسلم لي مقامــــــه ----- شاعر الوقفات والشافات أبو اليمنا الكريمــــه

ما عطاه الشعر جاه إلا فرض زود إحترامــــــــــه ----- إن لفا الموقف تسيد وأقبل بقافن عظيـــــــمه

حكمته هرج المجالس وإن لفا جت لابتسامـــــــــه ----- مثل رعادن تزاحم وإن زفر يلفـــــــــــي بغيمه

نفتخر بك يالرفيق اللي سبق فعله كلامـــــــــــه ----- بالاندلس من سمع قولك قال يامــــــال الغنيمه

ياقحطاني الشعر مثل الرجل تاقف به عضامــــه ----- والمعــــــــــــاني زادت الرجال تقديرن وشيمه

قلت بابيّن خفايا كنة الصدر سلامــــــــــــــــــــه ----- وأكتب إعجابي بدهن العود وأرسل لك نسيمه

وأنتظر رعاد ليلن غيمته تسقي الخزامــــــــــــه ----- تســـــقي الارض الــــذي من شحها كنها يتيمه

في حنايا الخير مدح ، ونقد ، ووسام ، وعلامـه ----- وفيــه كيف النصر لاقبــــل شتت اغبون الهزيمه

يالسنافي الشعر هاويني وانا هاوي غرامـــــه ----- والله ما اشرب من هماج الشــــعر واخلي نعيمه

مير ابي منك الوصايا قبل ما اعيش الندامــــــــه ----- قول هذي تنجب الصبيان وامـــــــــا ذي عقيمه

لجل عساف الحروف يدل درب الإســـــــــــتقامه ----- إن جهل وضع الدروب العوج دل المســــــتقيمه

وإن هدر سمحان ما يرغي ولا يقرط ســـــــنامه ----- إن وقف جمل مقامه وإن هدر بكا غريـــــــــمه

مايخاب الشاعر اللي عزوته تجلا مــــــــــــلامـه ----- عزوته يمناه والنيه بعون الله ســـــــــــــــليمه

والسلام أول بدايات الشعر وآخر ختــــــــــامـه ----- والسعد فالك وفالي ياعسا المــــــــولى يديمه



وسلاامتكم جميع وعسى السعد فالنا وفالكم