قصيدة إعلام قحطان كافه
السلام عليكم ورحمة الله وبركاته هذه قصيدة الشاعر حامد بن غانم بن سيعد الجذع العبيدي القحطاني في إعلام قحطان [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] يامن تبي تكتب عن إمجاد قحطان = وتذكر تواريخ الشيوخ الأوايل أهل المواقف يوم زوغات الأذهان = يوم الحكم سيف ورمح وسلايل الله يعينك ياسلايل كحيلان = مهمتك صعبه ومثلك قلايل لاشك عندك ياأبيض الوجه برهان = وعندك من التاريخ صدق ودلايل ديارنا من نجد لي غرب نجران = ولنا ربوع من ورى حد حايل وشرق بني هاجر ربوع ابن شبعان = يشهد لهم راكن والشك زايل هل دقله تروي عطش كل ضميان = وهل موقف ماعاد بعده عذايل وغرب نزل منا المدينة فريقان = الأوس والخزج وحازوا الفضايل أنصار للمبعوث رحمه وغفران = مذكور في السنه وذيك الرسايل قد قالها حسان في ماضي أزمان = والصدق نور والدعاية ظلايل قبايل معروفة قبل والأن = تعزا لهود معربين واصايل ربعي عبيده والجحادر وسنحان = ورفيده وجمع الحباب الهوايل وبني بشر وشريف ماني بغلطان = هل قالة عليا لما ظال ظايل منا ابن هادي واللبلد وابن سفران = ومنا مروية السيوف الصقايل والشيخ ابن هادي تقدم لعربان = شيخ تعدل حكمته كل مايل شيخ تطوع صطوته كل فسقان = وربعه هل الطالات يوم القتايل والشيخ شالح والفديع ابن هدلان = فرساننا يوم اقتتال القبايل هل صبحة يشبع بها الذيب سرحان = يشهد على قولي عيال الحمايل والخوة اللي بينهم شانها شان = قدوة وذكر ينقله كل قايل رمز الوفاء والطيب من بين الأخوان = والعزوة اللي تجعل الراس طايل لا قال ابن دراج ثم ثار دخان = راحت خيول القوم منهم جفايل خنافر تارد على الموت شجعان = وجحادر تاطا على كل عايل وذيب على اسمه ذيب من روس فرسان = له موقف يشفي الكبود الغلايل كسب الأصيله واشتهر طير حوران = وعمره عشر واربع عديم الخصايل دون إبل بوه موقف قبل الأذان = حتى انصرف عنها سموم القوايل صد المغيره ذيب والحظ له زان = وكسب ونعم واحمر الدم سايل وبره يسولف فيه حضر وبدوان = عساه للجنة وبرد الدبايل زيد ابن شفلوت له المدح عنوان = على قرارة نجد جاله فعايل شهد له ابن فهيد بالفعل وكدان = ماني بقايل قول ماله حصايل ومنا ابن حشر وموقف الشيخ قدبان = مع الموحد يوم قدح الفتايل وابن رشيد اللي منا زله برزان = الضيغمي فعله قديم وهايل ومنا المهادي نوابن غيده ودبران = أهل المواقف كاسبين النفايل وابن سعيدان آل عاطف وجبهان = وفراج بن ريفه حميد الشمايل ومنا ابن شري والجذع وابن فردان = ومنا المرحب والفشق له مخايل وابن دليم وابن عبود شيخان = وأبن حويل اللي للأمجاد نايل وجراب والمدرس وذيب ابن عردان = وجديع والعماج روس وزحايل ومنا ابن جافل وابن سلمان زبران = وذيب بن قنطاش صبي الصمايل وراعي السويد محمد وابن كزمان = يوم اعتزى جاء القوم منه نكايل وحاتم وابن معدي كرب جود وسنان = أمجادهم سولف بها كل جايل وابن مريحه وابن داهك وشهوان = ومنا آل عشتل محتمين الحلايل ولنا سلوم تطلق وجيه وإيمان = ساروا بها العربان فوق الرحايل دون الخوي والجار والضيف والعان = والشاهد الله والفعول الطوايل ديرة حقيب يوم في الوجه مالان = وقصرة محمد يوم صارت مثايل ودون الخوي قام ابن محسن ولاهان = فيه اقتضى عشرة وخاله كمايل هذه مآثرنا وكل له لسان = والنار ما تقدح بليا شعايل واللي عن فعول المطاليق عميان = ماني طبيب للضعوف الهزايل تشهد مطير ويام وجموع عتبان = يوم القنا والرمح والخصم صايل ذاك الزما اللي به الموت عزران = ويميز الطيب من أهل الفشايل وبيت بلا ساس ودعايم وعمدان = لي هبته ريح يجيك متمايل والناس يفرقها الشجاعة والإيمان = وجود لما شحت يدين البخايل ولا فلان اسمه على فلان وفلان = الاسم واحد والفعايل سهايل موجز بسيط فيه ذكر عرفان = لاهل القعول الوافيه والجمايل وكل القبايل كامله دون نقصان = مثل الجبال النايفات الوحايل واللي نسيت العذر من كل إنسان = الكامل الله والعفو في الزلايل كم من عقيد ماضي الوقت قد كان = يثني نها ر فيه يبس البلايل واليوم في عهد السعد أمن وأمان = حكم الشريعة مانبي له بدايل عهد الملوك مرجحة كل ميزان = حكامنا آل سعود نعم السلايل الله يديم الملك ويعز الأوطان = ويزيل من ينووننا بالدغايل وختامها باعداد ماهل ودان = على الرسول أزكى صلاة ونفايل[/poem]
هذا وتقبلو مجهودي البسيط لدى شبكة قحطان وإذا كانت مكررة آسف على التكرير أنا قمت بالبحث في المجالس ولم أجدها ولذلك قم بكتابتها ووضعها في المنتدى |
http://www.al-molatham.net/p2/w/13.gif |
الله لايهينك وابيض وجه
مافيه طباعه طباعه طباعه ثلاث مرات نذر انك قرم وجعلك تسلم ادورها من زمان لاهنت تقبل تحياتي ترا لو تعدها مانت محصيها لانها كثر هل المطر ...... الله لايهينك ابن الرين (((((((((((الحجاجي))))))))))) |
!!!!!!!!!!!!!!!!
|
صح لسان الشاعر على هذه الأبيات التي توضح التاريخ العريق لقحطان
بيض الله وجهك على هذه القصيدة الرائعة لاهنت لاهنت |
فتى الجوة ــــــــــــ ارحب وحياك الله شكراً على المرور والكلمات الرائعه التي تزيدني شرف وفخر
أبن الرين ــــــــــــ أرحب يالمباركي وأنا في الخدمتك يالذيب تأمر أمر أبن مجمش ـــــــــــــ حرام أن ترحب يالقرم ومرورك شرف وأهم شي تعجبك يالغالي آل معمر ـــــــــــــــــ ارحب يالمعمري تراحيب المطر وأهم شي أنها تعجبك يالغالي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ لاهنتو على المرور والتعليق وتكرمكم بالإطلاع الذي هو محل إهتمامي |
حدباء قذله ارحب بيض الله وجهك
قصيده وافيه وقالها وافي في وافين الله لا يهينك والله يجزاك خير وبيض الله وجه الشاعر الجزل على القصيده اللي لها طعم ومعنى |
حدباء قذله
اول شي اسمك يذكرني بالشيخ محمد بن هادي لان الشيخ محمد اول مانزل نزل في حدباء قذله وثاني شي اشعر ان قلبك طيب ونيتك زينه عندما اقرا لك موضوع اورد وهذه القصيده تشرفت ان سمعتها من صاحبها حامد الجذع وعزالله انها قصيده مسكته واخيرا لاهنت يا ذيبان لاهنت |
لا هنت يا حدباء قذلة على هذه القصيدة الرائعة والجزلة .... للشاعر الجزل حامد الجذع .... وأحب أن أشكرك على حسن اختيارك لمواضيعك التي دائما تتمتع بالجزالة والروعة ... تقبل تحياتي |
الأخ الأمبراطور
ومن قال مايهون ووجهك أبيض يالذيب والجذع شاعر جزل فالمعاني وصح لسانه على كل حال الأخ ابن عاصم ثاني شي أسمك يذكرني في الهيبة والفخر لقحطان وإضافة على حدباء قذلة فقد شهدت حدباء قذلة مواجهة الفارس ذيب بن هدلان رحمة الله مع فرسان الملك عبدالعزيز طيب الله ثراه ويشرفني أنك تقرا مواضيعي وردودي ومن قال مايهون يالغالي ومرورك أعتز فيه وتعطير لموضوعي الأخ السيف النادر ومن قال مايهون ومشكور على المرور والتكرم بالإطلاع وإضافة الرد ومرور شخص كشخصك أعتز فيه ومواضيعي أقل بكثير مما تستحقونه ولكم خالص تحياتي |
مشكور يا حدباء قذله
قصيده طيبه تشكر على نقلها. (ويش مطلعك من العمل الساعة 12.19 ----- اكيد مفرك يابو محمد) حلل راتبك |
الأخ سلامة
لا شكر على واجب وشكراً على المرور والإطلاع والمعلومات الأستخبااراته الجيدة ( شكلك في الإستخبارات ) تقبل تحيتي وودي يالغالي |
السلام عليكم ورحمة الله وبركاته انشهد ان القصيده وافيه وافيه وافيه
وصح لسان الشاعر وبيض الله وجهك يامن تعب في كتابتها وبيض الله وجه الشاعر انشهد انه ما كذب في كل حرف قاله لكن لنا فبها عبر بان جدودنا الاولين اللي ذكرو بالقصيده لهم تاريخ وباع طويل ونريد ان نحافظ على هذا ا لتاريخ فنحن احفادهم واولادهم وحملت هذا التاريخ المجيد بعدهم ولكم مني مليار تحيه |
الله لايهينك على ذي القصيدة وصح لسان الشاعر وصراحة قصيدة تبيض الوجه ...
|
مشكور ولا هنت على نقل القصيدة الله لايهينك
|
انا اشهد ان ذالشاعر ذكر جميع قحطان والله لا يهينك على النقل ..
|
سلايل كحيلان
زياد البشري شيهان ارحبو تراحيب المطر ولاههنتو على المرور والتعليقات الرائعه تقبلو شكري وتقديري لتقديركم لمجهودي وتستاهلون أكثر يالنشاما |
حدباء قذله
صح الله لسانك ولاهنت |
حسين الحبابي
ومن قال مايهون وشكرا ُ للمرور وتعطير الموضوع تحيتي لك يالغالي |
الله لايهينك على هذه القصيده وبيض الله وجهك
|
|
أخوي حدباء قذله
تسلم يمناك على النقل وأنشهد أنك ما قصرت ووافي الله يطول عمرك وتقبل تحيات أخوك راعي السمراء |
حدباء قذله
بيض الله وجهك وتسلم يمينك |
صح لسان شاعرها
انا اشهد انها قصيده وانه شاعر |
الله يبيض وجهك على المجهود اللي سويته .. وأشهد بالله أنها وافية وماعليها كلام ( لازم أحفظها ) ....
تحياتي لك ياحدباء قذلة |
أرحبو يارجال
وحياك الله ولا هنتو على المرور الذي اسعدني كثيراً وخصوصاً من أشخاص لهم كل التقدير والأحترام عندي تحيتي لكم جميعاً |
لاهنة ياقرم الرجاجيل لاهنة ======= لاهان رجلا يضهر افعول قحطان
|
صح لسانه
وعـلا شـانه |
صح لسانك
|
حدبا قذله
بيض الله وجهك على مشاركتك بهذه القصيده وصح الله لسان شاعر الحرقان |
الله لا يهينكم ويبض وجهيكم على الردود
تحيتي للجميع |
[frame="1 80"]
لاهنت ياالذيب [/frame]جعلك والله تسلم ومشكور يالغالي |
خاااااااص
كل العاده ((((((((((((((((((((((((((التميز)))))))))))))))))) )))))))))))))) في مشاركات ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ وصح الله لسان الشاعر ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ لك خاص التحايا والأماني أخوك .......................ذيب المعادي.................... |
والله مجهود رائع وتشكرا علية
وبيض الله وجهك |
أشكركم جميعاً
ومروركم شرف لي وأعتز فيه لاهنتو يالقرررررررررررروم |
بيض الله وجهك يابن غفره ولاهنت وصح لسان ابو غانم شاعر الجزاله قصيده عصماء وتعتبر من عيون القصيد تقبل من بحر كل الود |
ووجهك أبيض يالغالي
ومن قال مايهون وأبو غانم جزل يستاهل كل خير واسعدني مرورك العطر |
لاهنة ياصلب جدي وعادتك الجزله واقبل تحيات -بن قداح الزهيري
|
الله لا يهينك
وكثر الله خيرك واشكرك على اطلاعنا على هذي القصيدة اخوك ذيب زهرة بني بشر |
حدباء قذله اضم كلامي مع الامبراطور واقول لاهنت وبيض الله وجهك .
وصح لسان الشاعر الجذع . ونتمنى منك المزيد . أخوك / ساج الوقت المشعلي. |
الساعة الآن 08:31 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com