وقعة [ الأبيرق ] بين آل سويدان الجحادر والشيابين والعصمه .
إلى جميع الأخوان أرررررررررحبوا تراحيب المطر
صبحكم الله بالخير وكل عام وأنتم بخير في هذا الموضوع يسرني أن اعرض عليكم وقعة [ الابيرق ] بين آل سويدان آل الجمل الجحادر ضد الشيابين والعصمه من عتيبه وإليكم التفاصيل . كانوا آل سويدان مربعين في أسفل وادي الأرطاوي بنجد تحت إمارة شيخهم الشيخ الفارس قبلان بن حويزي فغاروا عليهم الشيابين والعصمه تحت إمارة الشيخ الفارس ضاوي بن مصلح بن فهيد شيخ قبيلة الشيابين والشيخ الفارس سلطان أبا العلا شيخ قبيلة العصمه وكان الهدف من الغاره الأبل والحلال . المهم وصلوا العتبان لمكان تواجد آل سويدان ودارت بينهم معركة شرسه بين الطرفين انتهت المعركة بفرار الشيابين والعصمه وانتصار آل سويدان واحتمائهم لابلهم وحلالهم . وبعد هذه المعركة قال الشاعر شليل بن عايض آل عليان قصيدة طويله بعدما شاركهم في المعركة وبعد انتصار آل سويدان على الشيابين والعصمه وشاقه فعلهم يقول : [poem=font="Times New Roman,5,firebrick,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"] قال الصبي الصالحي تهيض = ماهوب في زين الجواب بغاوي أنا احمد الله واقع في الهرجه= ذرب اللسان وباليمين صخاوي سوالفي تعرض ليا جاء مجلس = ما نيب مفلول حكاه نساوي أنا احمد الله يوم انا من لابه = جحادر ٍ حرابهم ما ياوي واللي مهيضني على بدع الغنا = على ابا العلا وابن مصلح ضاوي غاروا علينا في ظلال الابيرق = يقولون خل حن ناخذ الشواوي صحنا عليهم بالسبب فاقطارهم= بصنع الكريزي سبع طير ٍ هاوي اكبارنا لكبارهم حربيه = وصغارنا لصغارهم غذاوي بيننا وبينهم حربة ٍ مجليّه = ضرب الموارث بيننا هداوي يوم ايسوا منا فعاجوا رقابها = للخبره اللي تآسم الحناوي زعزع سويدان ٍ فجات دويسه = عند السلمات بفرعة الارطاوي ذيب السناميه تعشى وغبب= وذيب السراديح جاعل خباوي كم خفرة ٍ خليلها في الهيه= خلي عشا العرجا وذيب عاوي نطعن لعين اللي تصيح وتنخا = وتقول يالظفران ذي بلاوي [/poem] ## [ أبا العلا ] هو الشيخ الفارس سلطان ابا العلا شيخ العصمه. ## [ ابن مصلح ضاوي] هو الشيخ الفارس ضاوي بن مصلح بن ضمن بن فهيد شيخ الشيابين وتولى المشيخه على الشيابين بعد وفاة ابن عمه الشيخ جهز بن هذال بن فهيد . ## [ الحناوي ] وسم قبيلة آل سويدان . |
رد : وقعة [ الأبيرق ] بين آل سويدان الجحادر والشيابين والعصمه .
أرررررررررررحب يا ابا الذموم ومن طول الغيبات جاب الغنايم
والنعم والله بعوال عمنا ال سويدان هم وشيخهم الحويزي وتسلم على العلوم والسوالف الطيبة الي تنومس بكل قحطاني وجعلك تحيا وتقبل تحيتي ,,,,, أخـوك شامانـ ابن الجيـــطاء (ابن الأسود العاطفي قديما) ,,, |
رد : وقعة [ الأبيرق ] بين آل سويدان الجحادر والشيابين والعصمه .
السلام عليكم
مبدع كما اعتدناك يا ابا الذموم وكفو بالاد سواد ونعم بهم وقت الملاقى والشر وكفو بشيوخهم ال حويزي |
رد : وقعة [ الأبيرق ] بين آل سويدان الجحادر والشيابين والعصمه .
اقتباس:
ولها اهتمام خاص اقول ماقصرت ولكن هل من مزيد اكيد ياذيبان لك وانت لها يالوم عيني ياعيال العود رحم الله ابن جروان يوم قال ياعيال ابن سواد ياعيال الظفر== مفلاء العشاير لاحدا يرعاه تقبل تحياتي واعجابي بماتقوم به |
رد : وقعة [ الأبيرق ] بين آل سويدان الجحادر والشيابين والعصمه .
السلام عليكم ورحمة الله وبركاته
ونعم بآل سويدان والله لا يهينك على الموضوع عز الله مواضيعك طيبه مثل علومك جعل عمرك طويل اخوك/ خالد ابن ناصر |
رد : وقعة [ الأبيرق ] بين آل سويدان الجحادر والشيابين والعصمه .
اقتباس:
الله لا يهينك على مرورك على الموضوع وعلى ردك الرائع الجميل تقبل تحيتي الخاصه |
رد : وقعة [ الأبيرق ] بين آل سويدان الجحادر والشيابين والعصمه .
صدقت والله ياشامان من طول الغيبات جاب الغنايم
وأنا اشهد انه موضوع وافي مثل راعيه.... وتقبل شكري يا ابالذموم وتقديري لمواضيعك تحياتي العطرة ،،، |
رد : وقعة [ الأبيرق ] بين آل سويدان الجحادر والشيابين والعصمه .
لاهنت يابا الذموم علومك طيبه
ونعم بآل سويدان |
رد : وقعة [ الأبيرق ] بين آل سويدان الجحادر والشيابين والعصمه .
كفو يا ال سويدان واشيابين والعصمه حضهم ردي مع قحطان كل ما غزوا يبون الفود عودوا مكسورين
ومذبوح منهم رجال بيــــــــــــــــــــــض الله وجهك يا ابا الذموم على الموضوع الطيب |
رد : وقعة [ الأبيرق ] بين آل سويدان الجحادر والشيابين والعصمه .
والله وملااااايين نعم في ربعنا ال سويدان سجل اعجابي المتجدد بكل ما تخط اناملك عن تاريخ قحطان بيض الله وجهك
|
الساعة الآن 12:21 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com