السلام عليكم ورحمة الله وبركاته :
اخي الكريم النساب ارجو في التدقيق في معلوماتك .
ولكن والله لو تجيب الف مصدر وقصيده وسالفه ماني بطايعك ولا تحاول تغطي على عين الشمس ان قبيلة عتيبه اخذت نجد بالقوه وبخشم البندق من ابن هادي وقحطان كما تزعمون ,وترا صبيان بني مظيم معروفين وهم سلاطين نجد بلا شك ومعروفين بك ومن دونك .
والسلااااااااااااااااااااااااااام

الله يعطيكم العافيه وماقصرتو في التبيين والتوضيح لاخينا العتيبي
والله ماقول الا قول احد شعار القحاطين يوم قال قصيده طويله في قحطان تعدت السبعين بيت ومانيب حافظ الا القليل منها
يقول
يذكرنا الزمان في كل دوره 000 ونذكر كل ماشفنا ثراها
اتانا السيل وجتاح المداين000 وشتت شملنا وبعد مداها
نزلنا بالعراق وله حكمنا000 والبشام العزيزه جا وطاها
وبلاد الفرس قد ضاقت بموج000 يعاربة الزمان وماسواها
بني قحطان قد سارت وحارت000 جموع وين تذهب من بلاها
الى ان قال
غزينا الروم في قيعت بلدها000 شمال قد طمعنا في وطاها
تتالت في يدينا كل دوله000 وشواهدنا بقت تشهد ملاها
الى انا قال0000000000 وفي افريقيا حكم تلاها
وفي وقت قريب جات شده000 امورن بينت فيما وراها
وسادت بالجزيره وستثارت000 وعمت كل دار ومحتواها
نزلنا من جنوب الدار حنا000 وصبحنا الاعادي في حماها
تحملنا المصايب والوقايع000 وكله لجل عشبتها وماها
خذينا نجد بالسيف اليماني000 وبالرمح الرديبني ثبتاها
خذينا زعب مع ناهس وعلوى000 وسقناهم بعد دارت رحاها
الى ان قال
وفي السره بوادي من عتيبه000 كما الهضب العلى كل يراها
تقابلنا على بيدا سويه000 على دهم العوادي في خلاها
الى ان قال 000000000 وفزنا وستحلينا حماها
وشددنا عتيبه من حماها000 ونزلنا بالبلد نبغي عطاها
وبني العجمان سقناهم وراحت000 بيارقهم تبي تسكن حساها
الى ان قال
وزاحمنا الشريف بوسط داره000وذللنا القبايل واعناها
فرضنا الحكم والجزيه عليهم000 فرضناها عليهم وش وراها
وادخلنا الحجاز بحكم فيصل000 بجيش كد للحجز وغشاها
الى ان قال
رسمنا حدنا بالسيف الاملح000 مهوب اصكوك وشهود علاها
بخيل كنها طابور رومي000 لعين اللي مقوبعها رداها
رعت ذيداننا في كل خايع000 ولا ردت علينا في ضماها
نوينا ثم نهضنا وستوينا000 وشاركنا الذيابه في اعواها
تهاميون جينا من تهامه000 ولينا نجد ماحين ولاها
وخلينا قبايلها شرايد000 بعد ماكانت بنجد تباها
ولايذكر لنا في نجد ديره000 ولا تذكر لنا مبعد مداها
خذيناها وحنا اليوم فيها000 تحت حكم الشريعه مبتغاها
من اطويق العزيزه لين صنعاء000 ومن ابها اقحطان اليا حساها
ديارن من مساحتها الوسيعه000 تسير ابها ولاتلحق مداها
يقوله جحدري من روس جحدر000 اصولي امن الجحادر لا سواها
بني سنحان حنا لعتزينا000 لنا المصدار في ساحت لقاها
والقصيده اطول من ذالك ونا ادري اني لخبطت فيها وجبت بيت من ورى بيت لكن العذر والسموحه

[size=6]رحمه الله وأسكنه فسيح جناته
ومهما أسردنا فلن نوفيه حقه[/size]

عموما يا ابناء مضيم فرصه سعيده
وكنت اود ان يكون النقاش عقلاني وموثق بمصادر,,, لكنه خرج عن مساره.
مع احترامي للأخ ابن الاروق

ومن ناحية التبيين والتوضيح يابن الشايب والله ما احد بين لي شيء نقاش الاخوان تركز على مدح قحطان وكأني ساب قحطان او مقلل من قدرها.

ومن ناحية الكلام والقصيد فكل قبيلة لها حقها,,,

ولو بتكلم عن مدح عتيبه بسرد لها كتاب مش موضوع سواء من مدح ابناء القبيله او القبائل الاخرى او حتى مستشرقين غرب,,,

وترا ماعليكم زود ياقحطان وحنا ماعلينا زود

وان كنتم ادخلتم الحجاز بحكم فيصل فحنا ادخلنا الحجاز بحكم عبدالعزيز بجيوش سلطان الدين وحكم فيصل انتهى وحكم عبدالعزيز باقي.

وحنا اللي حاربنا الحكام ابن سعود وابن رشيد
حروبنا مع ابن سعود
وقعة طلال الاولى وانتصرنا
وقعة طلال الثانيه (جيش ابن سعود ومطير وسبيع والعجمان والسهودل والسدارا واهل العارض والمرتزقه) وانتصرنا
مناخ الضال (جيش ابن سعود ومطير وسبيع والعجمان واهل الوشم واهل العارض واهل الرياض والدراويش واهل الخرج) وانتصرنا

وحاربنا ابن رشيد وجيويشه في:
الرحا ومعه اهل القصيم وحايل وانتصرنا
الانصر وانتصرنا
ابرقيه وانتصرنا

وشيخنا مسلط بن ربيعان ملقب بمناوخ الحكام لان اغلب حروبه مع الحكام والعثامنيين والاتراك

هذي حروبنا مع الحكام وجيوشهم فما بالك بباقي القبايل

اعزائي قحطان كل قبيله في حقها ولا نهضم حق باقي القبايل,,,

ولاحظت كلمة غصب وبالقوه تكررت كثير,,,,
وتقولون ان عتيبه دفعت الهدو غصب عليها,, فاقولكم نعم دفعت الهدو ولكن ليس بالقوه وانما اتقاء للشر واختيار جانب السلم,,,

وكلكم تعلمون حين رفض ابن هادي طلب تركي بن حميد نزول نجد (رغم انهما اتفقا على الصلح في العام الذي سبق هذه القصه 1269)اشترط عليه اما الهدو او رجوعهم الى ديارهم او الحرب فاختار تركي بن حميد الحرب
وانتهت الحرب باستقرار عتيبه في نجد وزحزة قحطان الى جنوب نجد والى حد حصاة قحطان وانتهى بذلك هدو ابن هادي فلم يعد له حكما على نجد.

وقال ابن حميد:
مطلوبكم ياشيخ بـه زود حقـران **** والذلَ مايرضي عريـب المجانـي
لو أن مطلوبك على مثـل ماكـان **** خفَـت مداريجـه علينـا وهانـي
أدرا كلامي عـن عـدو وسفهـان **** لزَازة المجلس وجيـه الحصانـي

وسلامتكم

والله يالعتيبي ونعم بك وبربعنا عتيبه الهيلا قوم قطاعه ولافيهم شكه والشك مهوب داخلنا ولاهوب داخلكم لكن كل يمين تحتمي شمالها ونا اخوك وفعل اقحطان بين ولايبي توضيح لامني ولامن غيري
وقولتك ان عتيبه حاربت كل القبايل مانقول الا ونعم عتيبه قدها وقدود
لكن قحطان حاربت الدول وصلت حروبها الى احدود الصين وكذالك افريقيا ولاتنسى ان قارة افريقيا نسبه الى افريقش بن قحطان يعني استعمار اقحطان ليس على نجد والشرقيه والجنوب فقط بل على قارات ونا اخوك ولا تنتقارن بها اي قبيله عرفها التاريخ
وودي اوضحلك شي ترى قحاطين نجد هم فرع من قحاطين الجنوب يعني فرع الجحادر بس ولا ويمكن ال محمد وال محمد يخوي هم الي زاحموا عتيبه ومطير وعنزه والدواسر يعني نعتبر ان الجحادر تعد من فروع القبايل المذكوره لا وستطاعت ان تحكم نجد وتفرض الجزيه على اهلهابقوتهم وبشجاعتهم حتى امتدت قحطان من حدود القصيم مرورا باليمامه لين اقصى جنوب الجزيره وصار لها الدرع العربي ولاننسى ان نجد وموقعها قبل ضم القصيم كان من العارض لين تثليث وهذا موقع قبيله قحطان لا بل فرع من قبيله قحطان والهواجر من شرق الرياض لين الحساء وعبيده من السراه لين العراق ممرورا بديار عبده اللي هي فرع من عبيده ومنهم ابن الرشيد اللي حكم نجد
اما قولك انكم وصلتونا الى جنوب نجد فهذا مستحيل فقحطان الان في فقاره نجد ووسط نجد المزاحميه والقويعيه والرين وصماخ وكذالك الحصاة اللي زعمت انها بجنوب نجد يخوي شف الخريطه زين ووضح وين تقع حصاة نجد يخوي حصاة نجد تقع بقلب نجداما جنوب نجد فهو بلاد تثليث والقيره والحمضه الي فيها جحادر من اجحادر الي لم ينزلو قلب نجد وكذالك عبيده والحباب في جنوب نجد
حنا سلايل من حكم نجد بالسيف0000 بالسيف الارخم لين حصل مرامه
حنا جحادر باسكنا على سيف 0000 منزالنا في نجد علوة سنامه

السلام عليكم ورحمة الله وبركاته :
اخوي النساب والنعم فيك وفي ربعك وقبيلة عتيبه معروفه ولها امجادها وتاريخها العريق ولها معارك معروفه .
وكلامك صحيح انت وابن الاروق في ( الحكم . والهدو ) فقط .
ولكن اختلف معك فيما ذكرت في السابق .
وهو ان قبيلة عتيبه اخذت نجد من ابن هادي وقحطان بالقوه من ( ظلم الي حصاة قحطان ) كما يقولون بعض القبائل ومنهم عتيبه , هذا كلام خطير وكلام غير مقنع .

المنار يالله قلنا من ايات العتبان انت ترى الدعوه مكشوفه ونا اخوك تسامرون وتعالمون بينكم وتجون هنا بالعلوم الميته اللى لا تودي ولا تجيب

الله يسامحك ابن شايب .
واذا مدحت عتيبه فانت قبلي مدحت ولانهضم حقهم وهو ماشتم وسب قحطان .
وفعول ربعي مبينه في عتيبه . وانا دون ربعي فيما يقولون هم وغيرهم سو صحيح او غلط .
1 الهدو او الجزيه المهم ساقوها لابن هادي .
2 ذبحنا من شيوخهم خمسه وثلاثون شيخ .
3 اخذنا العزبه اشهر فرس في الجزيره العربيه .
وانا في البدايه مابي اجيبها ولكن حديتني وانا اخوك .
ولانا ملتقى بعد الاختبارات ان شاء الله . هذا والله يحفطك

أخي الكريم النساب

شكرا لك

ولكن بخصوص ملاحظتك بخصوص الحماية ، فلا دخل لها ولمعركة طلال

فأنا ذكرت بأن أحد أسباب الهدو هو منع قبائل قحطان من التعدي على من أداه لإبن هادي

وليس منع من أدى الهدو من الإمام الحاكم للجزيرة


شكرا مرة أخرى

ياخوي انا اللي اعرفه ان الشيخ هادي ميت عام 1226 يعني قبل الدوله السعودية الثانيه ولا انا غلطان


وهذا اللي عندي