|
رد : مقتل ثلاثة الجذعان أبناء الشيخ الفارس محمد بن هندي بن حميد .
اقتباس:
|
رد : مقتل ثلاثة الجذعان أبناء الشيخ الفارس محمد بن هندي بن حميد .
الاخ ابو فهاد
هذي سالفه معروفه عندنا ونضرب فيها المثل في الجيره عندما يأتي الذكر على حقوق الجار والجيره اقوى رابطه من الخوه هذا في سلم قحطان فالخوي خوي معك ولا مهوب معك فما بالك في الجيره وربما هذا السلم لاتعمل به بعض القبائل يعني الجار السابق ممكن يبوقك وان بغيت تنفي انه مهوب دليلتهم مانتب مرقع بوقه جيرانه السابقين وسالفه اللي جا يحنشل جاره فعرفه كلبهم في الليل ولكن الكلب لم ينبح لأن الكلب وفي لجاره السابق واعتبره صديق وايضا الجار السابق عرف الكلب فتجنب حلال جاره السابق وسالفه الحشيشي مثل هالسوالف نسمع بها في المجالس مثل ماقلنالك ارجوا ان تنسى مسأله هذا من عربنا ولا نسويها وسلوم قحطان معروفه انها من اطيب سلوم العرب يثور في جاره على ربعه ابن عضيب عندما ارجع حلال الروسان من عتيبه بعدما خذوها ال عاطف رغم مضي زمن طويل على جيرته لهم سالفه الفرس المشهوره اللي تدخل فيه شيخ قحطان لأرجاعها للحمده عبدالهادي ابن شايق جد الشاعر الحالي اللي ارجع حلال النفعه في شقراء من الحواصله ربعه بعدما استفزعوبه النفعه على خلفيه معرفه فقط وسوالف الطيب واجد والحمد لله |
رد : مقتل ثلاثة الجذعان أبناء الشيخ الفارس محمد بن هندي بن حميد .
أبيض وجه يا الضويري... جعلــني ما خلا منك...
|
رد : مقتل ثلاثة الجذعان أبناء الشيخ الفارس محمد بن هندي بن حميد .
اقتباس:
اول شيء اشكر ابا الذموم على موضوعه .. وسرده للقصة .. تتفق مع رواية اغلب شيبان الجماعه مع ان حنا في العرين .. بس علوم عوال عمنا ال جرو تاصل لعندنا ... وبيض الله وجهك يعلم الله توني اشوف الموضوع ,,, ولكن لي عتب كبير عليك .. كيف مشيت خرابيط هالعتيبي ذالحين صار جديع بن مقبل من عرض ال جرو ؟؟؟؟؟؟ جديع بن مقبل .. هو فارس آل جرو وهو قائدهم وفارسهم الأول واللي يؤكد كلامي فترى حفيدة قبلان بن بجاد بن جديع بن مقبل آل حاظر آل علي آل جراش آل ذميل آل جرو بن نهار الصقري العبيدي حاليآ - ان كان عاده حي - فهو شيخ آل جرو فيه قصيدة لجدي مسندها له وهو الشاعر عايض بن فهيد بن محيا يقول فيها : [poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] روح صليب الشور لي عند قبلان = مفراس هند عاده الصيرماني جروية لما ارتكو الحمل شلوه=تزبن المجرم ولاهي تمالى وانشد على سبيع وقبايل عتيبه =من فعلهم لاجاء نهار الطرادى يا سعد منهم لابته حزة الضيق=لي طاح ستر منقشات الوشامي جروية لما أرفع الصوت قبلان=مثل البحر يصفق على كل جالى[/poem] وبما ان الجميع تجاهل الرد على اهمية جديع بن مقبل ... وانه من عرض آل جرو .. وان فيه شيوخ اطيب منه ماني قايل ان فيه اطيب منه ... بس ماخبرت ان فيه اشجع منه في آل بن نهار فضلاً عن آل الصقر ومعروف ان آل الصقر .. وهم اكثر قبائل عبيدة تعدداً وخل عنك الخرابيط يالعتيبي .. تذبحونه وهو مجدور .. يوم قنالك الصحيح .. خليته من عرض فرسان آل جرو !! واعتقد ان غالبية الجيل الجديد مايعرف الامير الفارس جديع بن مقبل .. وبما ان جدي طرى معازيه يوم قال ( وانشد على سبيع وقبايل عتيبه =من فعلهم لاجاء نهار الطرادى ) فخذ مثلا قول شاعر محايد هو سبيعي .. عندما غزا السبعان وهم كفؤ .. على ال جرو وهم في صبحا في نجد فقامو يعتزون الفرسان بعزوتهم ابن جاري .. وفكو ابلهم بقياده اميرهم وفارسهم جديع بن مقبل ومعه خاله ويقول الشاعر السبيعي .. [poem=font="Simplified Arabic,4,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] البارحه كني على الجمر مجضوع= ابكي خفى وامش بيدي دموعي لاهمني فقر ولا همني جوع = ولاهمني ياكود فرقى ربوعي عهدي بهم يوم أول الجيش مقروع = في لقاء قومن ماتعرف المنوعي معهم حصان هو راعيه قاطوع=خيال حرد ولركايب طموعي فيده قنا مفتوق وحذفه يروع=ولو قلت له المنع ماهوب يوعي جروية تلبس مجاويخ ودروع =أفعالهم تذكر على كل نوعي يوما غزيناهم وذيدانهم اتروع =ماغيرت من جنبها ماتروعي كم واحدن في دقلهم مات مصروع=في دقل قومن ينطحون الجموعي واللي طمع منا فهو صار مطموع=ردوه مروين المغاليب طوعي منهم دليلتنا ومن غيره اربوع=خلي على الطير يكفخ اسبوعي هذا الذي هيض ضميري بمشروع=وغنيت به يوم الخلايق هجوعي [/poem] والا مخاب ضني ان خيال حرد يقصد فيه جديع بن مقبل .. بس على حسب ماعرف عنه ان الفارس جديع بن مقبل اذا اعتزى قال اخو صهده ,, وفي الختام فيه بيتين لجدي تصلح اختم فيها .. وخاصة ان الموضوع يتحدث عن ال جرو [poem=font="Simplified Arabic,4,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] نحمد الله يومنى من قبيله =من بنى عم تجلَى الهموم من بنى عمى عيال بن جارى=مثل نجم الجدي فوق النجوم لاعوى ذيب لذيب تحاموا =تمنع المجرم وتقضي اللزوم [/poem] ** كنت ناوي اخلي ردي هذا في موضوع منفصل .. بس اثارت اني اخليه رد في هذا الموضوع فقط ولاهنت يا سنايدي على كل حال |
رد : مقتل ثلاثة الجذعان أبناء الشيخ الفارس محمد بن هندي بن حميد .
كفو صبيان ال بن نهار
والله يرحم شيبانك مما لاشك فيه ان جديع رحمه الله من شيوخ قحطان المعدودين وفريسهم اللي يضرب لهم الف حساب ولاقدروه الا في مرضه وفي انفاسه الاخيره ولافي حياته الله يبيح منا ومنه مجرد ذكره يوقع الرهبه في نفوس الخصوم. لاهنت اخوي فهيد على اضافتك الرائعه |
رد : مقتل ثلاثة الجذعان أبناء الشيخ الفارس محمد بن هندي بن حميد .
اقتباس:
|
رد : مقتل ثلاثة الجذعان أبناء الشيخ الفارس محمد بن هندي بن حميد .
اقتباس:
لا .... وأنت الصادق ذبحه بيده وأخذ فرسه. |
رد : مقتل ثلاثة الجذعان أبناء الشيخ الفارس محمد بن هندي بن حميد .
اقتباس:
بالله عليك يا بو عبيد اثره ذبحة والله من النذاله والخيانه والغدر بألامس دخيل عندهم ما يرفع نظرة واليوم في المعركة يحاربهم والله حتى الهنود ما يسوون كذا **و اذا كان ذبحه وهو مقفي فهذا عيب عليكم يا عتيبة أما مبارك بن غنيم فهو فارس من فرسان قحطان وليس شيخ من شيوخ قحطان وقد قتل شيخكم عبيد بن حميد وجه لوجه ما هو غدر وهنا يكمن الفرق بين فرسان قحطان وعتيبة واتحداك يا بو عبيد تعطيني فارس واحد أو شيخ من عتيبة قتلته قحطان غدر أتحداك لن تجد واحد قتل غدر بعكس فرسان قحطان الذين قتلتهم عتيبة**** واحد وجدتوة في غار مجدور وقتلتوة وواحد وهو مقفي رميتوة وتفتخرون بانكم قتلتواء مبارك ما عليك يا بو عبيد مافية فارس قتل من قحطان الا اخذت قحطان به فرسان من عتيبه واعلمك فهاد الحشيشي ذبحوه قحطان واخوة ايضا زيد الحشيشي ذبحوة قحطان فلا تفخر بشي علينا ونحن ماخذين دبله عشر مرات الله يرحم موتى المسلمين ( وللمعلومية يا بو عبيد ان كانه خذا فرسة فتراه ما تهنابها لانه نزلناه من ظهرها بعد ما قتل ) |
رد جميل للروسان
اقتباس:
شيخهم في ذلك الوقت الشيخ حسين بن جا مع و قـد جاورهم على ذلك المنهل الشيخ قا سي بن عضيب شيخ آل عا صم من قحطان ومن ضمن جماعته الذين معه محسن بن فتنان وكان السلب والنهب قائماً بين القبائل في ذلك الحين فا غير على الجميع وحصلت معركة وكان من نتايجها كسر ساق قاسي بن عضيب فبقي لدى الروسان كسير الساق مـدة تسعين يوماً والروسان يعالجونه ويحتفون به إذيذبحون له كل ليلة خروفاً وينقلونه من مكان لآخربين أيدهم لحضور وليمته المعدة له وحتى لا يتضايق من العزله وقلة الحركه التي عادة ٍ تفرض على الكسير حتى يجبر . وعندما شفي أبن عضيب وأراد أن يذهب لقومه جمعوا له الروسان إبلاً عوضاً عن إبله التي أفتقـد ها أثناء المعركة ورحل أبن عضيب تاركاً هذه الأبيات : [poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] والله يالولا الربع و الربع نيه = ماينزعج مظهورنا حادريني والله يافرقا حسينٍ عليه = إلا أنها ظلماً من الظالميني ودي بهم لو كان قوم ٍ لظيه = أحبهم حيث أنهم طيبيني[/poem] |
رد : مقتل ثلاثة الجذعان أبناء الشيخ الفارس محمد بن هندي بن حميد .
بسم الله الرحمن الرحيم
يا عتيبه ......... الفديع عينه تعبانه و كان على الفراش و يوم شاف الحمده يبون ياخذون ابل اخوه شالح و قف للحمده و هو بالحاله وبالياله ذبحتوه <<<<<< و حنا خذينا ثاره في عبيد بن تركي بن حميد ولد امير عتيبه الهيلا قاطبه وش عاد نبغى .........مبارك بن غنيم ذبحتوه غدرا (( صحيح انها و جه لوجه ولكن بفعل الحشيشي يعتبر غدرا عند العرب يا عرب )) ثار لعبيد بن حميد **معا ان بن غنيم فارس و عبيد شيخ **<<<<<< و خذينا ثاره في راسين مهب راس فهاد الحشيشي و اخوه زيد ........ جديع ال جرو ذبحتوه غدرا وهو كان مندس في غار لانه مصاب بالجذري و ما يبي يعدي ربعه و انتم جيتوه و هو بدون سلاح لانه مجدور و الله اعلم كم عددكم يو جيتوه و هو كان لحاله <<<<< وهو الله يرحمه ذبح ثلاثه الجذعان الشيوخ عيال الشيخ محمد بن هندي ................................... يعني ان الفخر لنا ما هو لكم .................................. و انتم تذبحون فرسان و بالغدر اما الجحادر يذبحون شيوخ و عيال شيوخ و على وضح النقى صدق الفارس شالح بن هدلان يوم قال (((( عاداتنا بالصيد ناخذ خياره ))) سلام الله عليكم يا الجحادر يا حامية نجد العذيه تحياتي بن ناشر الدندووووووووون |
| الساعة الآن 10:59 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com