رد: تصوروا لماذا أنا حزين !!!
 

مساكم الله بالخير
على طاري الذيب .....ناس من اخويانا عندهم احواش غنم بين جده ومكه قبل نقطه الشميسى خلف الضلع الاسود على اليمين ونت مقبل على النقطه جاي من جده ويفقدون كل فتره هرفي من الغنم وحصلوا اثره ويقتعدون له يقول خوينا ذا الشبك عالي وقوي يقول يوم جاء قبل الفجر الاوطمرته على الهرافا يقول وهو يمسك اطيبها مع ارقبته بنيابه ويرمي الطلي على ظهره وكتوفه ويطلع به في الشبك تقل آآدمي يقول ونا ارميه وصبته لكن انحاش يقول ويعلق بالضلع ومعي اخويا متوزعين بكل مكان وبالجوالات جاكم ما جاكم ودمه يقطر يحلف بالله انا ما قضينا عليه الا الضحى التالي يقول وحنا تافلين العافيه والمشكله برمضان وهم يعلقونه بعمود كهرب واجيه انا وخويي ذا بعد يمكن ثلاثه اسابيع الا والصبه اللي العمود مثبت فيها تسيل من الشحم ويقطر من زوره قلت وش ذا السمن ؟؟؟؟قال خويي سمن شحم طلياني الله لا يسامحه ههههه عاد علمنا خوي لنا من اهل الشمال وزعل علينا ويقول ليه ما تعلموني حرمتوني ما تعطوني عينه وكبده لانها علاج ولها مفعول عجيب والله مدري ويش يقصد الشاهد انها موجوده.لكن قليله وقضوا عليها الناس وسلامتكم......

رد: تصوروا لماذا أنا حزين !!!
 

تصور ياذيب أن الذيب لو كان رجال ذكي لأ خطاء في الاختيار .
فالذيب لو عدا ودخل وسط خمسين طرف وفيها واحد من اطيبها وأفضلها فلن يختار غيره . والذئب كائن عجيب وغريب الاطوار وتاريخه مشرف بين بني جنسه من الحيونات ، خاصة المفترسه .
وقد عدا علي وأنا عند البهم وكنت يومها صغيرا وخطف واحد من العرس ونسفه مثل ماذكرت على ظهره وحصل بيني وبينه معركة عنيفة بالحيود ولولاها لا كنت من اعداد المفقودين . واذكر من هذا الموقف أنني تعجمت ولم استطع النطق فترة طويلة اثناء الدويسة بيني وبينه .. .

رد: تصوروا لماذا أنا حزين !!!
 

عزالله اللي منت مخليه يروح بالماعز كني اشوفك

رد: تصوروا لماذا أنا حزين !!!
 

تعرفون أن هناك تناغم بين الإنسان والذئب .. يتسم بعضها بالوفاء والالتزام مثلما حصل مع القرقاح وابن هضبان العجمي والشمري .

رد: تصوروا لماذا أنا حزين !!!
 

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="1,black""]
الذئب خاوى من عصور الصحابه=له خوة تشرى مع أهل المواجيب
ياذئب أنا لي وقفة وانقلابه=حول وأنا ببدي على الرجم ياذيب[/poem]

رد: تصوروا لماذا أنا حزين !!!
 

فسر يابو شداد

ذيب عربي وانثاه في قفص ودخل عليهم المدرب انثى ثانية مربوط راسها بحبل في راس ماصورة طويلة

بعد مادخلت عليهم

قامت الانثى الاولة زوجة الذيب تدور عليه وترده منها ماتبيه يقرب منها

شوي وهم يدورون انفلت الذيب على الانثى الدخيلة اضرس انيابه ومسكها بحلقها

سحبها المدرب بشده واغلقوا الباب .

وش السبب - حب الأولة ولا ذا طبع الحيوانات ولا وش العلم ؟؟

رد: تصوروا لماذا أنا حزين !!!
 

لاهنت على هذا الطرح يا بو إبراهيم . وابو فراج عطك العلم

رد: تصوروا لماذا أنا حزين !!!
 

تسلم يالسارق المزاح على المرور المعبر
ولو السرقان مثلك ماغدا شي

تقبل تحياتي

رد: تصوروا لماذا أنا حزين !!!
 

ابشركم أني شفت الذئب قبل فترة قريبة لاقط له ماعز بحلقه حول الساعة واحده الظهر في حرجة سلم .

رد: تصوروا لماذا أنا حزين !!!
 

اقتباس:
المشاركة الأصلية كتبت بواسطة علي بن شداد القحطاني http://www.qahtaan.com/vb/images/buttons/viewpost.gif
ابشركم أني شفت الذئب قبل فترة قريبة لاقط له ماعز بحلقه حول الساعة واحده الظهر في حرجة سلم .


يمكن عشان العيد طلع يعيدبها بس مشكلة الساعة وحدة مقفلين المصالخ