سلطان زمانه
ماعليك زود وبيض الله وجهك على الموضوع وبيض الله وجيه الأخوان على الإضافات وأثراء الموضوع تحيتي لك يالقرم |
خيال مهزعة الغصون يامرحبا بك ترحيبت البدو بالسيل ياهلا بربعنا واخوانا اخوي انت قلت الحقيقه والحقيقه من الي مثلكم مهيب غريبه بدون فخر انا لقيت كل السلوم الطيبه عند قحطان هذي القبيله الكبيره والعريقه ويوجد شي اساسي وهو موافقت عاداتها للكتاب والسنه وكل عاده طيبه وصى فيها الدين الحنيف تلقا قحطان اول من يعمل به . انت ذكرت موقف ال عاطف خصوصا وقحطان عموما وهذا ليس بغريب عليهم ونتم اخوانا وعضود نا . ونتم عيونا الي نشوف ابها ونتم محازمنا اذا حذفتنا الدنيا بمحاذيفها ولاكن بقولك شي من قدم السبت عين الاحد ولولا طيبكم وطيب علومكم ماجاتكم قحطان تزحف لكم من كل اتجاه فك الله عنا وعنكم وفرج همنا وهمكم واشكر لك مرورك وتنوير الموضوع الي يتشرف بالي مثلك وشرواك والسلام ختام |
أشكرك أخوي سلطان زمانه ... على الترحيب الحار وهذا وإن دل فإنما يدل على حسن ذاتك واخلاقك الطيبه أشكرك ثانية وأسأل الله أن يوفقنا جميعا لما فيه الخير والسداد .. والسلام عليكم ورحمة الله وبركاته |
ابشروا يا آل عاطف ..
أنا اليوم بإذن الله بأنزل موضوع عن نسب آل عاطف وفروعهم وكذلك أهم ديارهم .. بس أبي مشاركتكم ومداخلاتكم اللي أكيد إنها ستثري الموضوع .. أخووكم : قحطاني والراس طرباني .. |
إلى جميع الاخوان بالنسبة للتقسيم الصحيح لآل عاطف
هو عاطف بن سلطان بن دهيم بن محمد بن سليمان بن جحدر . قبيلة المشاعلة مع قبيلة آل عاطف يجمعهم سلطان آ ل سلطان اللي هم المشاعلة وآل عاطف يجتمعون مع الخنافر والسحمة في دهيم آل دهيم اللي هم المشاعلة وآل عاطف والخنافر والسحمة يجتمعون مع آل سعد وآل روق في محمد آل محمد اللي هم المشاعلة وآل عاطف والخنافر والسحمة وآل سعد وآل روق يجتمعون مع آل عاصم في سليمان آل سليمان اللي هم المشاعلة وآل عاطف والخنافر والسحمة وآل سعد وآل روق وآل عاصم يجتمعون مع آل جمل في جحدر وآل جمل هم آل مسعود وآل سويدان وآل عليّان و آل عياف و العجارشه وآل مريتع وآل شبوه . أما بالنسبة لتفرعات آل عاطف فهم على النحو الآتي : تنقسم قبيلة آل عاطف إلى قسمين هما : 1) آل حمد : [ وهم الحواصلة وآل خامسة وآل سريع ] وآل سريع وهم آل سعيدان وآل عبدان وآل رحمان وآل مسيمع والعشاتله و آل شريم وآل مسهره وآل فرده و الملامقه وآل فرسان وآل حفيّان . 2) الدخن : [ وهم آل مبارك وآل جابر وآل غيث وآل سعيّد وآل كعده والضوره وآل حمران ] هذا ولكم تحياتي لكم مني جزيل الشكر أخوكم أبا الذموم. |
اقتباس:
وأشكرك سلطان زمانه الخطأ وارد أول الاخطأ الحواصلة من حمد آل عاطف بن محمد بن سليمان بن جحدر والصحيح/الحواصلة من حمد آل عاطف بن سلطان بن دهيم بن محمدبن سليمان بن جحدر بن عبدلله وآل عاطف أكثر من المذكورين والحواصله ماذكر منهم الاالقليل وآل سلطان جدهم سلطان وليس جعشان وهم آل جعشان وآل سلمى والتفاصيل ان شاء الله في موضوعي القادم ولكم تحياتي |
اقتباس:
وصح السانك وجبتهم بالتفصيل بيض الله وجهك |
السم القاتل
بيض الله وجهك على الإضافه وكلنا مكملين لبعض والخطاء وارد والكمال لله في أنتظار موضوعك على أحر من الجمر وليت تضيف إليه الفرسان والشعراء وأنا حاضر في أي خدمه يالغالي :) |
أبا الذموم بيض الله وجهك علومك كلها غانمه
وآمل منك المزيد والمزيد فلاتحرمنا من مواضيعك المميزه :) |
هذا الكلام سمعته من شايبنا حمد بن جذنة الحواصلة وهذا الرجل يعرف بالانساب حتى القبايل الاخرى
وسمعت ان ولده مسفر سوى شجرة مدة 3 سنوات باشراف ابوه اذا انت مهتم جدا بالموضوع اقدر اعطيك رقم جوال مسفر وتسأله . بارك الله فيكم ياصبيان قحطان ونفع بكم |
الساعة الآن 09:33 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com