|
اقتباس:
مرحبا والله وغلا والله العظيم ياعامر اني سعيد جدا ً بتحاور معاك في الموضوع والله ومليون نعم في ربعنا الكدادات وما جى منك القصور ياعامر وسمحلي انا ان كان جى مني قصور ياعامر تحياتي لك |
الاخ عامر يقووول لاتعترفوون بكتب بني هاجر ويقصد كتاب خلان الاشده
طيب واذا عترفناااا فيه على قولتك ووش مكتووب فيه عن الضياغم الم يقوول ان الضياغم في بني هاجر هم ال عميره في ال محمد والشهوان فالمخضبه والرشيد في عبده بالله عليك اين ذكر الكدادات في الكتاااب الي تستشهد فيه هوووو ذكر الشهوان وذكر ال عميره ولم يذكر شي اخر خص هااذي الفخيذتين فقط معني متااكد انه غلطان بخصوص ال عميره بس معليه نستشهد بالقليل الصح منه سؤال هل ربعك مذكوورين فالكتااب ولاقصوور فيك وفيهم |
بسم الله الرحمن الرحيم يا الربع عليكم وجه الله ان تكفون من المداخلات والتحديات الي تبعث وازع الفرقة والتشتت وعلي الحرام ان كل من تناولتوهم في حديثكم وستين نعم وابشرو مني بحث محايد موثق بالادلة يتناول سيرة الظياغم في فترة لاتزيد عن شهر |
اقتباس:
السلام عليكم ورحمة الله وبركاته اخي الفاضل فارس مرحبا والله بك ومشاركتك بس عندي تعليق بسيط ياخي الكريم القصيده الي انت كاتبها ليست كامله وهذي القصيده كامله [poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"] ياسعيد كان تسال جدٍ وتحفيد=لك معنويٍ باصلنا تستفيده يمكن عليك نزل بالخبر ونزيد=انشد هل التاريخ تلقى وكيده حنا الذي يضرب بنا الوصف ياسعيد=كل يبي منا معانز بديده وحنا وعبدالله ولد علي وعبيد=غرامة دون الجدود البعيده وعبيد مروي صارمه في الاطاريد=والناس لافعاله شهود وقعيده ومحمد الي لبس تاج المقاليد=سور الجبال حاميه عمن يريده حنا وهم عصبه بعد وتاكيد=ضياغم من روس جنب وعبيده هواجرٍ يوثق بنا في المعاهيد=قحطان ابونا حافظينٍ رصيده ونزهين من قرب الدنس والمناقيد=وعروضنا مثل الثياب الصفيده وقصيرنا ماحن لبيته رواويد=لا غاب منه لين حتى يعيده ولا نختبي دونه بالاشيا المزاهيد=وايديننا في غالي الزاد بيده ونتبع مراضي جاهله لو على الديد=ولاكرام جار البيت نفرح وليده وان مر كلبه ماحذفناه بالحيد=لو كان مانرجي ورا الكلب صيده ونرعى مراحيله لو هي مغاميد=وعلى كرامه ضيفنا هو قعيده وخوينا نكمد مشاكيه تكميد=لو مايهوجس يمنا بتعويده وان جاو اهل جيش ونايا مضاديد=ماذاقوا امس الا شلاوي قديده نقحص لهم بالهيل ترس المباريد=والبن يحمس جمر الارطى وقيده ونجهز لشتوي دفوفه ملاهيد =ويفهق لهم عقب العشا به بريده وان زارنا العاني لبعض المقاصيد=متعلث ماننشده عن سديده ونذبح سمان الضان له والمفاريد=ومن جاد للعاني فرحنا بجيده وان زارنا المجرم يقزي الاذاويد=ينزل ويرحل ماجعل له نضيده فوق العلا نرفع مبانيه ونشيد=الين يبعد عن وطنا شديده وان هازنا ضدا عمدنا بتكويد=عود بغبنه عبرته في وريده نجعل على زوره رسوم مجاديد=ويبطي وكبده من سنعنا غديده وان انتزح منا ورا نازح الميد=فالجيش يقطع مستواه وقويده ماهو علينا لا بغيناه بعيد=ونصبر على حر الزمان وجليده ناتيه في الكنه حلول المواريد=مقيال والا نرضمه بتهجيده يصبح قطيعه بين الايدي تباديد=ويفرح ايلا ردوا عليه الشريده واقفوا على ابله شايلين التغاريد= وعتاض في الهجمه زوامل رغيده ومن زان حنا له صديق اجاويد=وخوان للشيطان لفتل قيده لاحركوا الاسباب بعض المقاريد=نوطي على الزرب الصريع وهميده وان صار من عقب التساهل تلاديد=فالرابح اللي مقبلاته سعيده شغل النضا والخيل مافيه تبنيد=في كل وقت لابسين عديده وان ثار عكنان كشف غره الغيد=ندعي النفوس الغاليه به زهيده نلقط على الهيجا وحس البواريد=لو كان ماينفع عضيدا عضيده الى وصلت الذله معلق الاواريد=واللي معه جريا تقاصر فديده ونفرح الى من صار صك وتسنيد=الى استرغب الطارد بقبض الطريده وصار اجتوال الخيل تن وتفاريد=وكل يخايل غره في نديده وهذا عليه معودين تراديد=ونحيي الامور الماضيه بالجديده وعشنا على صايب ومصيوب وشهيد=وهذاك ممنوع تعزف ذويده وهذاك معتدي وذا كاسب فيد=واصبح يوزع بين الادنين فيده تمت وصلى الله وسلم بتجويد=على نبي مخلص بالعقيده [/poem] ستجدها من البيت رقم 3 و 4 و 5 و 6 و 7 شاكر لك اخي الكريم |
اقتباس:
اخوي عامر الكدادي هذا كلامي صحيح وهذا رآيي امس واليوم وبكرة بعد . اين التناقض ؟؟؟؟؟؟؟؟؟؟؟؟؟؟؟ |
ناصر الشهواني
كيف حالكـ والله انا وعدت اني ماعاد لي كلام في ذالموضوع بس كلامك خلاني ارد ذالحين انت وابوسعيد ياناصر انا ماقلت ان كتاب خلان الاشده هو مرجعي بالنسب انا قلت انتم ماتعترفون فيه ولا في كتاب ابطال من الصحراء وكلامي واضح وانا قد قلت لشهوان ان كتاب خلان الاشده فيه اخطاء ولكن يعتبر افضل الموجود وبالنسبه للكتاب خلان الاشده فهو ماخصص فخذ بالنسب للضياغم ولكن الكاتب سعود الهاجري وهو من ال عميره قال ان ال عميره يعودون في عميره ال شهوان ولكن باقي فخوذ بني هاجر تعود لضيغم ولكن يختلفون في الجد وعلى ذكرك جماعتي لاد مكدد فهم عود من عرض حزمه والا انت بعد بطلعهم من بني هاجر ياخوووووفي من النقاش هذا 0000تجي طامه وفي المكان المحترم هذا نرجع لال رشيد وقولتك انهم يذكرون الضياغم في قصيدهم من حقهم لانهم مهم في شمر ولا لهم عد في شمر وهم حلفاء يعني القصيد له سببه بعدين لي سؤال لك هل فيه ضياغم غيركم وغير ال رشيد حسب قولتك 0000بالطبع فيه وليه مانسمع لهم انهم يقولون انا ضياغم لان المعروف لايعرف اما بالنسبه لكم فلكم اسبابكم وال رشيد بحكم الحلف لهم سببهم ومشكور على كتابتك لاسمي وانتي شرفتني باسم شريف الله يبيض وجهك يوم الحساب 000خانك ذكاءك وانا اخوك والله ومليون نعم بشريف وهم نوماس ابوسعيد كلامك عن الثقه في الشعراء انت قلت لايكون القصيد هو الاثبات الوحيد وانت بالنقاش هنا رددت مع شهوان هذا قصيد ابن عفيشه وين قصيد ال محمد والمخضبه وسلامتكم |
اقتباس:
مرحبا والله ومسهلا بعامر الكدادي هذا الشي انا الي قلته ماقاله اخوي ناصر الشهواني اوكي اذا ال رشيد تغنو بضياغم قلت عادي لهم الحق ؟؟؟؟وال شهوان اذا تغنو بضياغم ليش تعتبرهم مضيعين اصلهم:) ليه متقول من حق ال شهوان ان يتغنو بضياغم :) وعن سؤالك الثاني مالك لوا ياعامر كلهم الي يرجعون لضياغم العبو في قصيده بضياغم عندك الفقم الي مع مطير يلعبون بقصيدهم بضياغم واذا تبيني اجيب لك قصيدهم ترا انا حاظر ومنون على مايقولون بعد الفقم يقلون في قصيدهم الضياغم عشان العالم مشككين في اصلهم ؟؟؟؟ عامر انفداك كلم العاقل بما يعقل تحياتي لك |
الاخ عامر الكدادي
لا انا ولاغيري يطلعك من بني هااجر انت معروووف المشكله ياعامر انت تقوول المعرووف ما ينعرف كلام سليم من الي فاتح الموضوع هل الي فتح الموضوع واحد من الشهاوين طبعااااا لا هل العضو شهوان ولا انا فتحنا مواضيع عن الضياغم في هذا المنتدى طبعااا لا بغض النظر عن المشاركات الي فتح الموضوع واحد من ال محمد من الجدي يعني بن عمك واقربلك مني اتحداك ترووح اي منتدى ثاني لقحطان اوو بني هاجر تحصل وواحد من الشهوان كاتب موضوع عن الضياغم لان المعروف ماينعرف على قولتك والي يخليناااا مانكتب مواضيع مثل هااذي انداري بني عمنا الباقين ماودنا خطرهم تشين لكن يوووصل الموضوع انك وفي حدااا كتباتك في صفحه 22 انك تشكك الا والله لا برد عليك وبعلمك ووين الطريق الصح |
اقتباس:
السلام عليكم مرحبا بالاخ العزيز ناصر كلامك هذا صحيح مليون في الميه لافتحنا المواضيع هذي ولا تكلمنا وقلنا حنا وحنا بلعكس وحاولت اتجنب مثل هذي الموضيع لكن للاسف يفتحون مثل هذي الموضيع ويقولون يال شهوان اسكتو ولا تقولن شي لا والله ماسكت اذا شفت الغلط بتكلم وبقول هذا غلط هذا نسب ماهو سوالف ومزح . وقسم بالله انك ياناصر صادق ان بعض المرات اني اتقاضى عن شي عشان اداري خطر بني عمي لكن المشكله زادت ادور في منتديات ماهي بمنتديات بني هاجر وقحطان وحصل الموضوع هذا مكتوب يعني فيه اشخاص توزع هذا الموضوع وهو غلط والله العظيم غلط . على كل حال والله انكم غالين تكلمنا بهذا الموضوع ولا ماتكلمنا تحياتي |
ناصر الشهواني وشهوان
وش حالكمـ بيسألني عنها ربي يوم القيامه اتهامك لي اني اشككـ 0000 ماهقيتها تجي منك ياناصر حنا نقول السوالف وسالفه تجر سالفه وياخوي الله يجزاك خير انك بتعلمني الطريق الصحيح فزعة ولد عم عساني ماخلى على العموم انا كتبت الحين لهدف اني شايف ناصر زعلان علي من فكره خطأ اخذها من الموضوع وبصفحة 22 وبصراحه مازلت حاسدك ياشهوان الله يكملك بعقلك وحلمك سعة الصدر تزيد الرجال كمال اعذروني من اي كلمه انفهمت خطأ والظاهر بحط بلوك على المنتدى حتى تهدأ العاصفه انا من ناحيتي استفدت من النقاش معكـ بالذات ياشهوان والانسان مايولد عالم كل يوم يتعلم وكل كلمه كتبتها ياشهوان ماراحت سدى000 ابشرك اني حفظت كل كلمه منها وحاطها على راسي ماهو بالضروره اقتنع بكلامك اهم شيء اني سمعت واخذت ان شالله يكون لقاء اخر في موضوع اخر اليوم حنا الضديدين يمكن بكره نكون بصف واحد وانا والله معكم في كل وقت واعذروني وربي يحفظكم |
| الساعة الآن 08:44 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com